Փառքի ճանապարհին

Վիքիպեդիայից՝ ազատ հանրագիտարանից
Փառքի ճանապարհին
անգլ.՝ Bound for Glory
Երկիր ԱՄՆ
Ժանրկենսագրական ֆիլմ, երաժշտական ֆիլմ[1], դրամա և գրքերի էկրանավորում
ՀիմքBound for Glory?
Թվականդեկտեմբերի 5, 1976[2], մարտ 1977[2], մայիսի 19, 1977[2], մայիսի 23, 1977[2], մայիսի 25, 1977[2], մայիսի 26, 1977[2], հունիսի 3, 1977[2], հունիսի 4, 1977[2], հունիսի 24, 1977[2], օգոստոսի 20, 1977[2], սեպտեմբերի 9, 1977[2], սեպտեմբերի 15, 1977[2], դեկտեմբերի 25, 1977[2], մայիսի 22, 1978[2], օգոստոսի 15, 1978[2], օգոստոսի 16, 1979[2] և հուլիսի 10, 1980[2]
Լեզուանգլերեն
ՌեժիսորՀել Էշբի[3][4][1][…]
ՊրոդյուսերRobert F. Blumofe? և Harold Leventhal?[5]
Սցենարի հեղինակՌոբերտ Գետչել
ԴերակատարներԴևիդ Քերադայն[4][3][1][…], Ռոնի Քոքս[4][3][1], Melinda Dillon?[4][3][1], Գեյլ Սթրիքլենդ[3][1], Ռենդի Քուեյթ[3], Բրայոն Ջեյմս[6], Բրյուս Ջոնսոն[6], Բերք Բիրնս[6], Դևիդ Քլենոն[6], Harry Holcombe?[6], Ջեյմս Հոնգ[6], Մայքլ Էմմեթ Ուոլշ[6], Մերի Քեյ Փլեյս[6], Robert Ginty?[6], Wendy Schaal?[6], Delos V. Smith Jr.? և Բերնի Քոփել
ՕպերատորՀասքել Ուեքսլեր
ԵրաժշտությունԼեոնարդ Ռոզենման
ՄոնտաժՌոբերտ Ս. Ջոնս և Փեմբրոուք Ջ․ Հերինգ[5]
ԿինոընկերությունUnited Artists
Տևողություն148 րոպե և 145 րոպե

«Փառքի ճանապարհին» (անգլ.՝ Bound for Glory), ամերիկյան գեղարվեստական ֆիլմ՝ նկարահանված 1976 թվականին Հել Էշբիի կողմից։ Այն ազատորեն մեկնաբանում է ֆոլկ երգիչ Վուդի Գատրիի մասին ինքնակենսագրական գիրքը (գրված՝ 1943 թվականին), որտեղ թափառաշրջիկի տեսանկյունից նկարագրում է Մեծ ճգնաժամի տարիների կյանքը։ Գատրիի դերը, որն ի սկզբանե նախատեսված է եղել Թիմ Բակլիի համար, արդյունքում խաղացել է Դևիդ Քերադայնը։ Ֆիլմում նկարահանվել են նաև Ռոնի Կոքսը, Մելինդա Դիլոնը, Գեյլ Ստրիկլենդը, Ջոն Լենեն, Ջի-Տու Կումբուկան և Ռենդի Քուեյթը[7]։

«Փառքի ճանապարհին» ֆիլմը առաջինն է, որում գյուտարար–օպերատոր Հարեթ Բրաունը օգտագործել է իր նոր Steadicam համակարգը՝ շարժվող տեսարանների նկարահանման համար[8]։ 1977 թվականին գլխավոր օպերատոր Հասկել Ուեկսլերը ստացել է «Օսկար» մրցանակ՝ «Լավագույն օպերատորական աշխատանք» անվանակարգում, իսկ 1977 թվականին Հարեթ Բրաունը և Cinema Products Corp ընկերության տեխնիկական աշխատակազմը Ջոն Յուրգենսոնի գլխավորությամբ արժանացել են 1978 թվականի Օսկար կինոմրցանակին՝ գիտատեխնիկական նվաճումների համար։

Ֆիլմի գլխավոր իրադարձությունները և կերպարները, բացի Վուդի Գատրիից և նրա առաջին կնոջից՝ Մերիից, ամբողջությամբ մտացածին (հորինված) են։ Ֆիլմը ավարտվում է Գատրիի ելույթով, ով ուղևորվել էր Նյու Յորք և կատարել իր ամենահայտնի «God Blessed America» (հետագայում՝ «This Land Is Your Land») երգը, բայց իրականում երգը գրվել է 1940 թվականին Նյու Յորքում և թողարկվել հինգ տարի հետո միայն։

Սյուժե[խմբագրել | խմբագրել կոդը]

1936 թվական։ Վուդրո Ուիլսոնը՝ «Վուդի» Գատրին, և կինը՝ Մերին, իրենց երկու դուստերի հետ համեստ կյանք են վարում Տեխաս նահանգի Պամպա քաղաքում։ Ժամանակի մեծ մասը Գատրին կիթառ է նվագում, նկարում ցուցանակներ՝ չնչին վաստակով մի կերպ պահելով գոյությունը։ Իր քաղաքում հզոր փոշոտ փոթորիկ լինելուց հետո, որն ստացավ Փոշոտ կաթսա անվանումը, Գատրին թողնում է ընտանիքը և որոշում ուղևորվել Կալիֆոռնիա աշխատելու, որպեսզի հետագայում ընտանիքի անդամները ևս տեղափոխվեին իր մոտ։ Ճամփորդելով ավտոստոպով, գնացքով և ոտքով՝ նա առնչվում է մեծ թվով մարդկանց հետ, որոնց՝ երջանիկ կյանքի մասին երազանքները փշրվել են Կալիֆոռնիայում աշխատանքի բացակայության, աշխատանքի ծանր պայմանների և ոստիկանների ու տեղաբնակների դաժանության պատճառով։ Աշխատավորների սեզոնային ճամբարներից մեկում, որտեղ ապրում է Գատրին, ժամանում է երգիչ Օզարկ Բյուլը, ով իր երգերով զվարճացնում է մարդկանց, ինչպես նաև կազմակերպում գործադուլ՝ ընդդեմ դաժան գործատուների։ Օզարկը բոլոր աշխատավորներին, ովքեր ունեին երաժշտական գործիքներ, առաջարկում է միասին կատարել երգը։ Վուդիի երգերից տպավորված՝ նա վերջինիս ներկայացնում է ռադիոկայանի սեփականատիրոջը, որտեղ ելույթ է ունենում։ Վուդին տեղ է զբաղեցնում եթերում, և նրանք երկուսով ազատ ժամերին շրջում են սեզոնային ճամբարներով և պլանտացիաներով, աշխատավորներին հորդորում միանալ արհմիություններին։ Բավականաչափ գումար վաստակելով՝ Գատրին կնոջն ու դուստրերին տեղափոխում է իր մոտ։

Ռադիոկայանի հովանավորները չեն հավանում Գատրիի բողոքական երգերը, և նրան արգելում են եթերում կատարել երկիմաստ երգեր։ Չհամաձայնվելով այդ ամենի հետ՝ հպարտ Գատրին թողնում է ռադիոկայանի աշխատանքը և ընդունում նրա հետքի վրա ընկած երաժշտական գործակալի՝ ողջ երկրի համերգային հարթակներում ելույթ ունենալու առաջարկը։ Մերին վիճում է ամուսնու հետ նրա՝ աշխատանքից դուրս գալու և կանոնավոր եկամտից հրաժարվելու պատճառով (Գատրին ընտրել էր թափառաշրջիկ երաժշտի կյանքը)։ Նա, առանց գրություն թողնելու, լքում է ամուսնուն՝ իր հետ տանելով երեխաներին։ Երաժշտական գործակալը Գատրիին ներկայացնում է հյուրանոցներից մեկի սեփականատերերին։ Վերջիններս տպավորված են նրա կատարմամբ և վեցամսյա ելույթի պայմանագիր են առաջարկում։ Նրանք առանձին քննարկում են իմիջի և երգացանկի ուղղման պլանները։ Գատրին լսում է այդ ամենը և, չցանկանալով էստրադային երգիչ դառնալ, ով երգում է «մարտինի խմողների և գառան ոտ խժռող պճնամոլների առջև», հեռանում է այդտեղից։ Նա բարձրանում է դեպի Նյու Յորք գնացող բեռնատար գնացքը և երգում իր ամենահայտնի երգը՝ «This Land Is Your Land»:

Դերակատարներ[խմբագրել | խմբագրել կոդը]

Դերակատար Դեր
Դևիդ Քերադայն Վուդի Գատրի Վուդի Գատրի
Ռոնի Կոքս Օզարկ Բյուլ Օզարկ Բյուլ
Մելինդա Դիլոն Մերի / «Մեմֆիս Սյու» Մերի / «Մեմֆիս Սյու»
Գեյլ Ստրիկլենդ Պաուլինա Պաուլինա
Ջոն Լենե Լոկ Լոկ
Ջի-Տու Կումբուկա Սլիմ Սնեդեգեր Սլիմ Սնեդեգեր
Ռենդի Քուեյթ Լյութեր Ջոնսոն Լյութեր Ջոնսոն
Էլիզաբեթ Մեյսի բժիշկ Բեներ բժիշկ Բեներ
Սյուզան Վեյլ Գվեն Գատրի Գվեն Գատրի
Ալեքսանդր Մոկ Սյու Գատրի Սյու Գատրի
Կիմբերլի Մոկ Սյու Գատրի Սյու Գատրի
Բերնի Կոպել գործակալ Վուդի գործակալ Վուդի
Մերի Քեյ Պլեյս Սյու-Էն՝ բարում գտնվող աղջիկ Սյու-Էն՝ բարում գտնվող աղջիկ
Գատրի Թոմաս Ջորջ Գատրի՝ Վուդիի եղբայրը Ջորջ Գատրի՝ Վուդիի եղբայրը
  • Գլխավոր դերը պիտի խաղար երգիչ Թիմ Բակլին, սակայն 1975 թվականի հունիսի 29-ին նա հանկարծամահ է լինում ու հօդս են ցնդում այդ պլանները։ Այդ դերն առաջարկում են նաև կանտրի երգիչ Քրիս Քրիստոֆերսոնին, ով հրաժարվում է դրանից՝ համարելով, որ իրավունք չունի խաղալու Վուդի Գատրիի դերը[9]։

«Օսկար» մրցանակներ[խմբագրել | խմբագրել կոդը]

Պարգևներ
Անվանակարգեր

Ծանոթագրություններ[խմբագրել | խմբագրել կոդը]

  1. ↑ 1,0 1,1 1,2 1,3 1,4 1,5 http://www.allocine.fr/film/fichefilm_gen_cfilm=53635.html
  2. ↑ 2,00 2,01 2,02 2,03 2,04 2,05 2,06 2,07 2,08 2,09 2,10 2,11 2,12 2,13 2,14 2,15 2,16 https://www.imdb.com/title/tt0074235/releaseinfo
  3. ↑ 3,0 3,1 3,2 3,3 3,4 3,5 http://www.imdb.com/title/tt0074235/
  4. ↑ 4,0 4,1 4,2 4,3 http://stopklatka.pl/film/by-nie-pelzac-na-kolanach
  5. ↑ 5,0 5,1 Freebase տվյալների վերբեռնում — Google.
  6. ↑ 6,00 6,01 6,02 6,03 6,04 6,05 6,06 6,07 6,08 6,09 http://www.imdb.com/title/tt0074235/fullcredits
  7. ↑ Bound for Glory(անգլ.) ֆիլմը Internet Movie Database կայքում
  8. ↑ «Steadicam® Celebrates its 30th Anniversary at NAB 2005» (անգլերեն). The Tiffen Company. Արխիվացված է օրիգինալից 2005 թ․ դեկտեմբերի 25-ին.
  9. ↑ Trivia

Արտաքին հղումներ[խմբագրել | խմբագրել կոդը]

 ⛭ 
  Թեմատիկ կայքեր
Բառարաններ և հանրագիտարաններ
Ստացված է «https://hy.wikipedia.org/w/index.php?title=Փառքի_ճանապարհին&oldid=9810498» էջից