Ցատկապարան

Ցատկապարան ֆիզիկական վարժություններ կատարելու նպատակով մեծերի և փոքրերի համար սպորտային պարագա։ Իրենից ներկայացնում է սինթետիկ կամ կաշվե լար։ Կիրառվում է նաև գեղարվեստական մարմնամարզության մեջ՝ որպես սպորտային պարագա։

Պատմություն[խմբագրել | խմբագրել կոդը]

Անգլիական լեգենդի համաձայն՝ ցատկապարանը այն կաշվե թոկն էր, որով խեղդել են Հիսուսին մատնած Հուդային։ Ցատկապարաններն առավելապես կիրառվել են գարնանը՝ հատկապես զատիկի ընթացքում։ Քեմբրիջում և Արևելյան Սասեկսում դրանով ցատկել են ամեն Ավագ Ուրբաթ^[1]։

Համաշխարհային ռեկորդներ[խմբագրել | խմբագրել կոդը]

2006 թվականի հոկտեմբերի 12-ին 50 000 մարդ (մեծ մասամբ երեխաներ կամ ցածր դասարանների ուսուցիչներ) 30 վայրկյան Նիդերլանդների թվով 335 դպրոցներում ցատկել են պարանով^[2]։
2006 թվականի մարտի 24-ին Մեծ Բրիտանիայում և Իռլանդիայում համատեղ ռեկորդ է սահմանվել։ 7 632 երեխա անդադար ցատկել են երեք րոպե՝ երկրի 85 տարբեր հրապարակներում։ Սա եղել է The British Rope Skipping Association և Skipping Workshops փորձի մի մասը՝ վերադարձնել ցատկապարանով սպորտաձևը դպրոցներ։ Այս ռեկորդը ընդգրկվել է Գինեսի ռեկորդների գրքում։

Ցատկապարանը գեղարվեստական մարմնամարզության մեջ[խմբագրել | խմբագրել կոդը]

Պարանը օգտագործվում է որպես գեղարվեստական մարմնամարզության պարագա։ Մարմնամարզական պարանը բռնակներ չունի, դրա փոխարեն թույլատրվում է հանգուցել կամ այրել ծայրերը։ Արտաքինից նման է պարանի։

Ցատկապարանը պատրաստում են կանեփաթելից կամ նեյլոնից։
Ցատկապարանները լինում են միագույն կամ գույնզգույն։
Երկարությունը համեմատական է մարզիկի հասակին։

Հետաքրքիր փաստեր[խմբագրել | խմբագրել կոդը]

Համաձայն ՌԴ առողջապահությահ սոցիալական զարգացման կենտրոնի անցկացման հարցման՝ ռուսաստանաբնակների շրջանում ամենահայտնի սպորտաձևը հանդիսանում է պարանով ցատկելը^[3]։