Զբոսաշրջությունը Վրաստանում
Զբոսաշրջությունը Վրաստանում` Կովկասի հնագույն երկրներից մեկում, ակտիվորեն խրախուսվում է կառավարության կողմից։ Ոլորտի ղեկավարումն իրականացնում է Վրաստանի զբոսաշրջության ազգային վարչությունը[1]։ Վրացական զբոսաշրջության պաշտոնական կայքը, որը ներկայացնում է երկրի տուրիստական արտադրանքը՝ Georgia and Travel կայքն է[2]։
Էկո-զբոսաշրջություն[խմբագրել | խմբագրել կոդը]
Էկո-զբոսաշրջությունը Վրաստանի զբոսաշրջության ամենաեկամտաբեր ուղղություններից մեկն է, և միևնույն ժամանակ երկիրն այդ առումով ունի զգալի ներուժ։ Վրաստանում այս ոլորտն ունի մեծ հնարավորություններ՝ հաշվի առնելով երկրի զբաղեցրած 12–րդ տեղն ըստ կենսաբազմազանության։ Վրաստանի հողատարածքի համարյա կես միլիոն հեկտարը պաշտպանված տարածքներ են, դա մոտավորապես երկրի տարածքի 7 %-ն է։ Բոլոր արգելոցների 75%-ը անտառապատ են։ Վրաստանում կան 14 ազգային արգելոցներ, 9 ազգային պարկեր, 14 բնական հուշարձաններ և 2 բնական լանդշաֆտներ [3]:
Հանրահայտ քաղաքներ[խմբագրել | խմբագրել կոդը]
- Թբիլիսի՝ Վրաստանի խոշորագույն քաղաքը և երկրի մայրաքաղաքը։ Քաղաքի առավել հայտնի տուրիստական օբյեկտներն են համարվում՝ Սուրբ Երրորդության մայր տաճարը, Ազատության Հրապարակը, Սիոնի մայր տաճարը, Մետեխի վանքը, Նարիկալան, Վրաստանի խորհրդարանի շենքը, Ռուսթավելի պողոտան, Թբիլիսյան օպերան, Անչիսխաթի եկեղեցին, Պանթեոնը, Մթածմինդան (Սուրբ Սար), Քաշվեթի եկեղեցին, Խաղաղության կամուրջը։
- Բաթում՝ գլխավոր տուրիստական կենտրոն և ժամանակակից Վրաստանի նավահանգիստը։
- Քութայիս՝ այստեղ են գտնվում Բագրատի տաճարը, Գելաթի վանքը, որոնք համարվում են ՅՈւՆԵՍԿՕ-ի Համաշխարհային ժառանգության օբյեկտներ։
.jpg)
Զբոսաշրջության տեսակներ[խմբագրել | խմբագրել կոդը]
Վրաստանն առաջարկում է զբոսաշրջության հետևյալ տեսակները՝
- արկածային.
- մշակութային.
- գինու.
- խաղային.
- հնագիտական.
- լեռնային.
- խոհանոցային.
- ազգագրական.
- կրթական.
- քարանձավային.
- էկո-զբոսաշրջություն.
- թռչունների դիտում։
Պաշտոնական վիճակագրության համաձայն` 2015 թվականին.
- զբոսաշրջիկների 38%-ն այցելում էին Վրաստան հանգստի և ժամանցի նպատակով,
- 20%-ը գալիս են այցելելու իրենց բարեկամներին կամ ընկերներին,
- տրանզիտով երկիրն այցելել են զբոսաշրջիկների 19%-ը,
- 9%-ը` հատուկ գնումներ կատարելու համար,
- 5%-ն այցը կատարել են գործնական նպատակներով։
Հանգստավայրեր[խմբագրել | խմբագրել կոդը]
Հանրապետությունում կան մոտ 300 լեռնային, մերձծովյա կլիմայական, հանքաջրաբուժական և ցեխային հանգստավայրեր։ Ձմեռային հանգստավայրերն ակտիվ են դեկտեմբերի վերջերից մինչև ապրիլի վերջը, իսկ ամառայինները՝ մայիսի վերջից մինչև հոկտեմբերի կեսերը։
Լեռնային զբոսաշրջություն, լեռնագնացություն, ժայռամագլցում[խմբագրել | խմբագրել կոդը]
Կովկասյան լեռների վրացական հատվածում հինգ գագաթներ բարձրությամբ գերազանցում են Մոնբլանը։ Սվանեթի լեռնային շրջանի գագաթներից Ուշբա լեռը (4710 մ) համարվում է Կովկասի ամենադժվարանցելի լեռներից մեկը։ Խևսուրեթին, Խևին, Պշավին, Տուշեթին, Ռաչան և Սվանեթին համարվում են քիչ անցանելի և այդ պատճառով էլ գրավիչ են արկածային զբոսաշրջության սիրահարների համար։
Հետաքրքիր փաստեր[խմբագրել | խմբագրել կոդը]
«New York Times» հրատարակչությունը Վրաստանը ներառել է այն 52 երկրների ցանկում, որոնք պարտադիր պետք է այցելել [2]:
Տես նաև[խմբագրել | խմբագրել կոդը]
- ՅՈՒՆԵՍԿՕ-ի Համաշխարհային ժառանգության օբյեկտները Վրաստանում Արխիվացված 2015-10-04 Wayback Machine
- Գամարջոբա. հայերեն կայք Վրաստան այցելող զբոսաշրջիկների համար Արխիվացված 2016-11-18 Wayback Machine
Ծանոթագրություններ[խմբագրել | խմբագրել կոդը]
- ↑ «საქართველოს ტურიზმის ეროვნული ადმინისტრაცია». gnta.ge. Վերցված է 2021 թ․ օգոստոսի 25-ին.
- ↑ «Главная страница». georgia.travel (անգլերեն). Վերցված է 2021 թ․ օգոստոսի 25-ին.
{{cite web}}: Text "Georgia Travel" ignored (օգնություն)