Տիգրան Նալբանդյան (երգիչ)

Տիգրան Նալբանդյան
Հիմնական տվյալներ
Ի ծնե անուն	Տիգրան Հովհաննեսի Նալբանդյան
Ծնվել է	մարտի 14, 1878; Վան, Վանի վիլայեթ, Օսմանյան կայսրություն
Մահացել է	սեպտեմբերի 7, 1954 (76 տարեկան); Երևան, Հայկական ԽՍՀ, ԽՍՀՄ
Ժանրեր	օպերա
Մասնագիտություն	երգիչ
Գործիքներ	վոկալ
Աշխատավայր	Ռոմանոս Մելիքյանի անվան պետական երաժշտական քոլեջ
Կրթություն	Ներսիսեան դպրոց (1896), Թբիլիսիի Վանո Սարաջիշվիլիի անվան պետական կոնսերվատորիա (1898) և Սանկտ Պետերբուրգի կոնսերվատորիա (1906)

Անվան այլ կիրառումների համար տե՛ս՝ Տիգրան Նալբանդյան (այլ կիրառումներ)

Կենսագրություն[խմբագրել | խմբագրել կոդը]

1890-1996 թվականներին սովորել է Թիֆլիսի Ներսիսյան դպրոցում` աշակերտել է Մակար Եկմալյանին, 1897-1998 թվականներին` Թիֆլիսի երաժշտական ուսումնարանում, 1898-1906 թվականներին` Սանկտ Պետերբուրգի կոնսերվատորիայում։ 1907-1908 թվականներին կատարելագործվել է Միլանում։

Երգացանկում՝ եվրոպացի, ռուս և հայ կոմպոզիտորների ռոմանսներ, հայկական ժողովրդական և աշուղական երգեր։

1913-1918 թվականներին՝ Թիֆլիսում, 1918-1921 թվականներին` Աստրախանում և Արմավիրում կազմակերպել և ղեկավարել է ժողովրդական կոնսերվատորիաներ։ 1922 թվականից դասավանդել է Երևանի Երաժշտական ստուդիայում, 1926 թվականից՝ Բաքվի Հայարտան երաժշտական դպրոցում, հայկական դրամատիկական թատրոնին կից երաժշտական ստուդիայում, ֆիլհարմոնիայում, երաժշտական ուսումնարանում և կոնսերվատորիայում, 1949 թվականից՝ Երևանի Ռոմանոս Մելիքյանի անվան երաժշտական ուսումնարանում (սաներից են Արթուր Այդինյանը, Հովհաննես Բադալյանը, Բելլա Դարբինյանը)^[1]։