Բելլա Դարբինյան

Բելլա Դարբինյան
Հիմնական տվյալներ
Ծնվել է	փետրվարի 10, 1936(1936-02-10) Կիրովական, Հայկական ԽՍՀ, ԱԽՖՍՀ, ԽՍՀՄ
Մահացել է	օգոստոսի 23, 2005(2005-08-23) (69 տարեկանում) Երևան, Հայաստան
Մասնագիտություն	երգչուհի
Գործիքներ	վոկալ
Շրջանավարտ	Երևանի Կոմիտասի անվան պետական կոնսերվատորիա և Ռոմանոս Մելիքյանի անվան երաժշտական ուսումնարան

Բելլա Պավելի Դարբինյան (փետրվարի 10, 1936(1936-02-10), Կիրովական, Հայկական ԽՍՀ, ԱԽՖՍՀ, ԽՍՀՄ - օգոստոսի 23, 2005(2005-08-23), Երևան, Հայաստան), հայ երգչուհի, ՀԽՍՀ վաստակավոր արտիստ (1966)։

Կենսագրություն

1955 թվականին ընդունվել է Ռոմանոս Մելիքյանի անվան երաժշտական ուսումնարան, 1959 թվականին՝ Երևանի Կոմիտասի անվան պետական կոնսերվատորիան (սովորել է Տաթևիկ Սազանդարյանի դասարանում), 1962 թվականից ուսումը շարունակել է Մոսկվայի Մեծ թատրոնին կից ստուդիայում։  Հանդես է եկել Կարմենի, Ազուչենայի, Ամներիսի և այլ օպերային դերերով: Այնուհետև ընտրել է էստրադային երգչուհու ուղին: 1961-1966 թթ. եղել է Հայաստանի էստրադային նվագախմբի մեներգչուհի, 1966-1996 թթ.` Հայաստանի ռադիոպետկոմի էստրադային սիմֆոնիկ նվագախմբի մեներգչուհի։ Կատարել է էստրադային, ժողովրդական երգեր, գուսանական ռոմանսներ:

Մահ

Մահացել է Երևանում, կոկորդի քաղցկեղից։

Երգացանկ

• «Յար առանց քեզ»
• «Ծառերը ծաղկում են»
• «Մանուշակաձոր»
• «Օջախում»
• «Սասնա ծուռ»

Պարգևներ

• ՀԽՍՀ վաստակավոր արտիստ, 1966 թ.
• Անդրկովկասի էստրադային երգի մրցույթի ոսկե մեդալ
• Մովսես Խորենացու մեդալ, 2001 թ.

Արտաքին հղումներ

• Բեմում և կյանքում նա թագուհի էր… այսօր ՀԽՍՀ վաստակավոր արտիստ Բելլա Դարբինյանի մահվան օրն է