Տեմպուրա
![](http://upload.wikimedia.org/wikipedia/commons/thumb/4/43/%E3%81%A4%E3%81%AA%E5%85%AB_%E7%9B%9B%E3%82%8A%E4%BB%98%E3%81%91_%2825086067202%29.jpg/220px-%E3%81%A4%E3%81%AA%E5%85%AB_%E7%9B%9B%E3%82%8A%E4%BB%98%E3%81%91_%2825086067202%29.jpg)
Տեմպուրա (ճապ.՝ 天麩羅)՝ ճապոնական խոհանոցի ճաշատեսակ, որը պատրաստվում է ձկներից, ծովամթերքից և բանջարեղենից, որոնք պատված են խմորով և տապակված են տաք ձեթի մեջ։ Մատուցվում է հատուկ սոուսներով[1]։
Ծագումնաբանություն
[խմբագրել | խմբագրել կոդը]«Տեմպուրա» բառը (պորտ.՝ tempora, լատին․՝ tempora «ժամանակներ») առաջին անգամ օգտագործվել է Պորտուգալիայից եկած միսիոներների՝ հիսուսյանների կողմից՝ նշելու պահքի ժամանակաշրջանը։
Այս անվանումը կապված էր «չորս ժամանակներ» (լատին․՝ quatuor anni tempora) կոչվող հատուկ պահքի և ապաշխարության օրերի հետ: Այս օրերը ներառում էին տարվա տարբեր եղանակների՝ ամռան, աշնան, ձմռան և գարնան սկզբներին հաջորդող երեքական օրեր, երբ կաթոլիկները պարտավոր էին պահք պահել: Ժամանակի ընթացքում պորտուգալացի միսիոներները tempora բառը նույնպես սկսեցին օգտագործել այլ պահքային օրերի համար: Այս օրերին թույլատրվում էր ուտել ձուկ, բանջարեղեն և ծովամթերք, որոնք հաճախ պատրաստվում էին խմորով պատված և տապակված ձևով: Պորտուգալացիների միջոցով այս պատրաստման եղանակը և անվանումը ներմուծվեց Ճապոնիա, որտեղ էլ լայն տարածում գտավ։
Կարծիք կա, որ տեմպուրան ծագել է պորտուգալական «պեյշինյուշ դա օրտա» ուտեստից, որը նույնպես պատրաստվում էր խմորով պատված և տապակված բանջարեղենից։
Բաղադրիչներ
[խմբագրել | խմբագրել կոդը]Տեմպուրայի խմորի բաղադրիչներն են՝ ցորենի ալյուրը, սոդան, ձուն, ձեթը, աղը և տարբեր համեմունքներ, որոնք խառնվում են սառը ջրի հետ: Ստացված խմորի մեջ ճապոնացիները թաթախում են ծովախեցգետին, ինչպես նաև գազար, սոխ, սունկ, և ապա տապակում տաք ձեթի մեջ։
Բաղադրիչներն են՝ մեկ բաժակ ալյուր, ձու (սառնարանից հանած, սառը լինելը պարտադիր է), ջուր սառնարանից, աղ, սև պղպեղ:
Պատրաստում
[խմբագրել | խմբագրել կոդը]Խորը ամանի մեջ գդալի օգնությամբ խառնեք ալյուրը, ջուրը և ձուն: Ստացված խմորի մեջ թաթախեք գազարի, դդումի, գետնախնձորի, շաղգամի կամ այլ բանջարեղենի մաքուր կտորները, ապա տապակեք տաք բուսական ձեթի մեջ, տեղափոխեք ծծուն թղթի վրա, աղեք, համեմեք և մատուցեք[2]։
Ծանոթագրություններ
[խմբագրել | խմբագրել կոդը]- ↑ Kobayashi, Katsuyo (2000). The quick and easy Japanese cookbook: great recipes from Japan's favorite TV cooking show host (անգլերէն). Kodansha International. էջ 23. ISBN 4-7700-2504-1.
{{cite book}}
: CS1 սպաս․ չճանաչված լեզու (link) - ↑ «Ձեր Ընտրութիւնը Կը Պատմէ Ձեր Մասին. Ո՞ր Աթոռը Կ՛ընտրէիք – Aztag Daily – Ազդակ Օրաթերթ (Armenian Daily Newspaper based in Lebanon)». www.aztagdaily.com. Վերցված է 2024-08-20-ին.