Վռամ Ղազանչյան

Վիքիպեդիայից՝ ազատ հանրագիտարանից
Jump to navigation Jump to search
Վռամ Ղազանչյան
Ծնվել էօգոստոսի 15, 1897(1897-08-15)
ԾննդավայրԿարս, Կարսի նահանգ, Թուրքիա
Մահացել էհուլիսի 23, 1941(1941-07-23) (43 տարեկանում)
Մահվան վայրՄոսկվա, ԽՍՀՄ
ԿրթությունՆերսիսեան դպրոց
Մասնագիտությունքաղաքական գործիչ
Քաղաքական կուսակցությունԽՄԿԿ

Վռամ Խաչատուրի Ղազանչյան' (1897, օգոստոսի 15, Կարս - 1941, հուլիսի 23, Մոսկվա), Հայաստանում խորհրդային իշխանության հաստատման համար մղված պայքարի ակտիվ մասնակից։

Կենսագրություն[խմբագրել | խմբագրել կոդը]

Սովորել է Ներսիսյան դպրոցում (Թիֆլիս)։ ԽՄԿԿ անդամ 1917 թվականից։ 1917-1919 թվականներին կուսակցական ընդհատակյա աշխատանք է տարել Հայաստանի ու Վրաստանի տարբեր շրջաններում, 1919-1920 թվականներին՝ Կարսում, ուր եղել է ընդհատակյա կազմակերպության կազմակերպիչներից և Մայիսյան ապստամբության ղեկավարներից (Կարսի ռազմահեղափոխական կոմիտեի անդամ)։ Ապստամբության պարտությունից հետո՝ Ախալցխայի և Ախալքալաքի կուսկազմակերպությունների պատասխանատու կազմակերպիչ։ Քաղաքացիական աշխատող 11-րդ կարմիր բանակում և հյուսիսային Կովկասում։ Արևելքի ժողովուրդների համագումարի (1920) պատգամավոր։ 11-րդ կարմիր բանակի կազմում, որպես ջոկատի հրամանատար, կռվել է Ղարաքիլիսայում (Կիրովական) սովետական կարգեր հաստատելու համար։ Քաղաքացիական կռիվների ժամանակ Լոռիում և Ղամարլուի (Արտաշատ) ճակատում կազմակերպել է կարմիր ապստամբ ջոկատներ։ Մասնակցել է 1939-1940 թվականների սովետա-ֆիննական պատերազմին։ Զոհվել է հայրենական մեծ պատերազմում։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 18 CC-BY-SA-icon-80x15.png