Վլադիմիր Անտոնով-Օվսեենկո

Վիքիպեդիայից՝ ազատ հանրագիտարանից
Jump to navigation Jump to search
Վլադիմիր Անտոնով-Օվսեենկո
V A Antonov-Ovseenko.jpeg
 
Կուսակցություն՝ Մենշևիզմ
Կրթություն՝ Վլադիմիրյան ռազմական ուսումնարան
Մասնագիտություն՝ դերասան, քաղաքական գործիչ, դիվանագետ և ռազմական գործիչ
Ծննդյան օր մարտի 9 (21), 1883[1]
Ծննդավայր Չեռնիգով, Ռուսական կայսրություն
Վախճանի օր փետրվարի 10, 1938(1938-02-10)[1] (54 տարեկան) կամ փետրվարի 8, 1938(1938-02-08)[2] (54 տարեկան)
Վախճանի վայր Մոսկվա, ԽՍՀՄ
Գերեզման Կոմմունարկայի կրակահրապարակ
Թաղված Կոմմունարկայի կրակահրապարակ
Քաղաքացիություն Flag of the Soviet Union (1924–1955).svg ԽՍՀՄ
Զավակներ Անտոն Անտոնով-Օվսեենկո
 
Պարգևներ
Կարմիր դրոշի շքանշան

Վլադիմիր Ալեքսանդրովիչ Անտոնով-Օվսեենկո (ռուս.՝ Владимир Александрович Антонов-Овсеенко, կուսակցական ծածկանունը՝ Շտիկ, գրականը՝ Անտոնով Գալոկի, մարտի 9 (21), 1883[1], Չեռնիգով, Ռուսական կայսրություն - փետրվարի 10, 1938(1938-02-10)[1] կամ փետրվարի 8, 1938(1938-02-08)[2], Մոսկվա, ԽՍՀՄ), խորհրդային կուսակցական և պետական գործիչ, լրագրող։ ՌՍԴԲԿ անդամ 1903 թվականից։

Կենսագրություն[խմբագրել | խմբագրել կոդը]

Ծնվել է մարտի 9(21)–ին, Չեռնիգովում։ Հեղափոխական շարժումներին մասնակցել է 1901 թվականից, 1905–1906 թվականներին եղել է Նովո Ալեքսանդրիայի (Լեհաստան) և Անաստոպոլի ռազմական ապստամբությունների կազմակերպիչներից։ 1906 թվականին դատապարտվել է մահապատժի, որը փոխարինվել է 20 տարվա տաժանակրության։ Փախել է տաժանավայրից։

1910 թվականին մեկնել է Ֆրանսիա, որտեղ հարել է մենշևիկներին։ 1914 թվականին խզել է կապերը մենշևիկների հետ, 1917 թվականի մայիսին մտել բոլշևիկյան կուսակցության մեջ։ Հոկտեմբերյան հեղափոխության ժամանակ Պետրոգրադի ռազմահեղափոխական կոմիտեի քարտուղարն էր։

Սովետների Համառուսաստանյան 2-րդ համագումարում, 1917 թվականի հոկտեմբերի 26 (նոյեմբեր 8)–ին, ընտրվել է ժողկոմխորհի առաջին կազմում, որպես ռազմական և ծովային գործերի կոմիսարիատի անդամ։ Քաղաքացիական պատերազմի տարիներին ղեկավարել է ուկրաինական ռազմաճակատը։ 1922–1924 թվականներին աշխատել է որպես Ռազմահեղափոխական խորհրդի քաղաքական վարչության պետ։

Եղել է լիազոր ներկայացուցիչ Չեխոսլովակիայում (1924 թվականից), Լիտվայում (1928 թվականից), Լեհաստանում (1930 թվականից), ՌՍՖՍՀ դատախազ (1934 թվականից)։ 1936–1937 թվականին ԽՍՀՄ գլխավոր հյուպատոս էր Բարսելոնայում։

Գրականություն[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 456 CC BY-SA icon 80x15.png