Վիքինախագիծ:2025
| 2025 | ՑԱՆԿ | ՄԱՍՆԱԿԻՑՆԵՐ |
Սիրելի՛ ակումբականներ, «Վիքիմեդիա Հայաստանը» սրտանց շնորհավորում է բոլորիդ՝ Ամանորի և Սուրբծննդյան տոների կապակցությամբ։ 2025-ը թող լինի խաղաղության, երջանկության, ձեռքբերումների տարի։
«2025» մրցութային նախագիծը նվիրված է սկսված տարուն։ Դուք պետք է հոդվածներ ստեղծեք 2025 թվականին նախատեսված տարբեր միջոցառումների, կինոնկարների, իրադարձությունների մասին։ Ընթացքում հնարավոր է ավելանան արդեն տեղի ունեցած իրադարձությունների, նշանակալի անձանց մասին հոդվածներ։ Նախագիծը միայն «Վիքիմեդիա Հայաստանի» վիքիակումբների անդամների համար է։ Նախքան նախագծին մասնակցելը խնդրում ենք ուշադիր կարդալ կանոնները։
Ինչպե՞ս մասնակցել
[խմբագրել | խմբագրել կոդը]Մասնակցելու համար պետք է լինեք «Վիքիմեդիա Հայաստանի» վիքիակումբներից մեկի անդամ և գրանցված լինեք Հայերեն Վիքիպեդիայում։ Սիրելի՛ ակումբականներ, անհրաժեշտ է մինչև 2025 թվականի հունվարի 31-ը (ներառյալ) գրել 2025 թվականին առնչվող հոդվածներ։ Հոդվածները պետք է ընտրեք այստեղ ներկայացված ցանկից։ Հոդվածները պետք է թարգմանել այլ լեզուներով Վիքիպեդիաներից։ Ցանկում հոդվածների քանակը վերջնական չէ․ ընթացքում այն հնարավոր է ընդլայնվի։
Արդեն թարգմանված հայերեն հոդվածը պետք է բավարարի նվազագույն ծավալի պահանջներին, այսինքն՝ պետք է ունենա առնվազն 3000 բայթ ծավալ։ Ստեղծվելիք հայերեն հոդվածների վերնագրերը ցանկերում գրված են, այլ վերնագրեր հորինել պետք չէ։
Ցանկերում անպայման ստորագրեք հոդվածի դիմաց՝ «Ստորագրություն» սյունակում։ Միաժամանակ կարող եք ստորագրել ամենաշատը երկու հոդվածի դիմաց։ Երբ այդ հոդվածները ստեղծեք, կարող եք ընտրել երկու այլ հոդված։ Մեկ շաբաթից ավելի մնացած ստորագրությունները, եթե համապատասխան հոդվածները չեն ստեղծվել, կհեռացվեն։
Ուշադրություն․ եթե ցանկանում եք հոդվածը թարգմանել այլ լեզվից (օրինակ, եթե ցանկում նշված է ռուսերեն հոդվածը, իսկ դուք ցանկանում եք թարգմանել անգլերենից), ապա դա կարող եք անել, եթե տվյալ լեզվով Վիքիպեդիայի հոդվածում առկա են բավականաչափ քանակի ծանոթագրություններ։
Ինչպե՞ս են գնահատվելու հոդվածները
[խմբագրել | խմբագրել կոդը]Բացի հոդվածի ծավալից (բայթերով), անպայման հաշվի է առնվելու տեքստի թարգմանության որակը։ Վատ թարգմանված հոդվածներից հանվելու են միավորներ։ Միավորներ են հանվելու նաև չվիքիֆիկացված կամ թերի վիքիֆիկացված, այլ լեզուների հետ չկապված, առանց կատեգորիաների հոդվածներից։
Հոդվածը ստեղծելուց հետո չմոռանաք այն կապել այլ լեզուների հետ, տեղադրել կատեգորիաները, իսկ քննարկման էջում օտար լեզվի անվան կողքին գտնվող գործիքով տեղադրել {{ԹՀ||}} կաղապարը։ Այս նախագծի շրջանակներում ստեղծված բոլոր հոդվածների քննարկման էջերում պետք է տեղադրեք նաև նախագծի {{25Ն}} կաղապարը։ Հոդվածի վերնագիրը՝ ներքին հղումով տեղադրեք «ՄԱՍՆԱԿԻՑՆԵՐ» էջում՝ ձեր մասնակցային անվան տակ։ Գնահատվելու են միայն այդ էջում գրանցված հոդվածները։
- Մրցանակներ
Նախագծի շրջանակներում ամենաորակյալ և ամենաարդյունավետ ակումբականը կստանա «Վիքիմեդիա Հայաստանի» սահմանած նվերը, ևս չորս մասնակիցների կտրվեն հավաստագրեր։
Հաճելի և արդյունավետ խմբագրումներ, սիրելի՛ ակումբականներ։