Վիոլետ Գրիգորյան

Վիոլետ Գրիգորյան
Ծնվել է	1962 կամ դեկտեմբերի 23, 1963 (61 տարեկան)
Ծննդավայր	Թեհրան, Իրան
Մասնագիտություն	բանաստեղծուհի և գրող
Քաղաքացիություն	Հայաստան
	Վիոլետ Գրիգորյան Վիքիդարանում

Վիոլետ Խաչատուրի Գրիգորյան (դեկտեմբերի 23, 1963, Թեհրան, Իրան), հայ բանաստեղծ, էսսեիստ, «Ինքնագիր» գրական հանդեսի խմբագիր, «Ինքնագիր» գրական ակումբի և Հայաստանի գրողների միության անդամ։

Կենսագրություն

Վիոլետ Գրիգորյանը ծնվել է 1963 թ. դեկտեմբերի 23-ին Թեհրանում բանվորի ընտանիքում։ 1975 թվականին ընտանիքով տեղափոխվել է Խորհրդային Հայաստան և բնակություն հաստատել Աբովյան քաղաքում։ 1982-1987 թվականներին սովորել և ավարտել է Երևանի մանկավարժական ինստիտուտը (այժմ Հայկական Պետական Մանկավարժական Համալսարան)։ Համախոհների հետ 2001 թվականին հիմնադրել է «Բնագիր» գրական հանդեսը ու եղել նրա համախմբագիրը։ Ինը համար հրատարակվելուց հետո «Բնագիրը» փակվել է։ 2005 թվականին հիմնադրել է «Ինքնագիր» գրական հանդեսը, որի խմբագիրն է այժմ։ 2001 թվականին համախոհների հետ ստեղծել է գրական ակումբ, իսկ 2007 թվականին այն ներառվել է «Ինքնագիր գրական ակումբ» հասարակական կազմակերպության մեջ։

Բանաստեղծությունները և էսսեները հրապարակվել են Երևանում «Գարուն», «Բնագիր», «Ինքնագիր» ամսագրերում, «Գրական թերթ», «Ժամանակ-Երևան», «Անկախ», «Հայկական ժամանակ», Թերթ.am, Թեհրանի «Ալիք» թերթերում։ Վիոլետ Գրիգորյանի գործերը անգլերեն հրատարակվել են Նյու Յորքի «Ararat» թերթում։

Հրատարակած գրքեր

«Կամուրջ դեպի Տանյան», Էսսեներ- Երևան, Անտարես 2012, ISBN 978-9939-51-397-3
«Հարեմի Վարդը»- "Harem rose", բանաստեղծություններ, հայերեն-անգլերեն, L.A. California 2009, I-BEN 818-246-5553
«Սեր»-"Amour", բանաստեղծություն, հայերեն-ֆրանսերեն (ֆրանսերեն թարգմանեց Դընի Դոնիկյանը), Ակտուալ արվեստ, Երևան 2006, ISBN 99941-801-2-6
«Սեր»-Love, բանաստեղծություն (Արարատ Սարգսյանի նկարների հետ), հայերեն և անգլերեն, Երևան 2002 թ.
"Que cet hiver est rude"-«Այս ինչ դժվար ձմեռ է», բանաստեղծություններ, հայերեն-ֆրանսերեն, et editions A Die, Die 2000, ISBN 2-908730-66-9
«Քաղաքը», բանաստեղծություն, Լոս Անջելես 1998 թվական
«Ճշմարիտ ճշմարիտ եմ ասում», բանաստեղծություններ Երևան 1991, Լոս Անջելես 1998

Պարգևներ և մրցանակներ

Հայաստանի գրողների միության ամենամյա լավագույն գրքի մրցանակ (1991 թ., «Ճշմարիտ, ճշմարիտ եմ ասում» բանաստեղծությունների ժողովածուի համար),
«Ոսկե եղեգ» մրցանակ (2000 թ., «Քաղաքը» բանաստեղծության գրքի համար)

Ծանոթագրություններ

Արտաքին հղումներ

Վիքիդարանն ունի նյութեր, որոնք վերաբերում են «Վիոլետ Գրիգորյան» հոդվածին։