Վինս Քարթեր

	Վինս Քարթեր; Vince Carter
	;
Դիրքը	Հարձակվող պաշտպան/ թեթև հարձակվող
Համար	№ 15, 25
Ի ծնե տրված անունը	Վինսենթ Լամար Կարտեր; Vincent Lamar Carter
Ծննդյան ամսաթիվ	հունվարի 26, 1977 (48 տարեկան)
Ծննդավայր	Դեյտոնա Բիչ, Ֆլորիդա, ԱՄՆ
Ազգություն	Ամերիկացի
Հասակ	1,98 մ
Քաշ	100 կգ
Դպրոց	Մեյնլենդի ավագ դպրոց (Դեյտոնա Բիչ, Ֆլորիդա)
համալսարան	Հյուսիսային Կարոլինա (1995–1998)
Դրաֆթի տարի	1998 / ռաունդ` 1 / ընտր.` 5-րդ
Դրաֆթ ակումբ	Գոլդեն սթեյթ Ուորիորս
Կարիերայի պատմություն
	Տորոնտո Ռեպտորս (1998–2004); Նյու Ջերսի Նեթս (2004–2009); Օռլանդո Մեջիք (2009–2010); Ֆինիքս Սանս (2010–2011); Դալաս Մավերիքս (2011-2014); Մեմֆիս Գրիզլիս (2014–2017); Սակրամենտո Քինգս (2017–2018); Ատլանտա Հոքս (2018–2020)
Մրցանակներ
	; 8× NBA աստղ (All-Star) (2000–2007); NBA տարվա նորեկ (1999); All-NBA երկրորդ թիմ (2001); All-NBA երրորդ թիմ (2000); NBA All-Rookie առաջին թիմ (1999); NBA Սլեմ դանկ մրցույթի հաղթող (2000); Կոնսենսուս All-American երկրորդ թիմ (1998); McDonald's All-American դանկ մրցույթի հաղթող (1995); Ֆլորիդայի Միստր Բասկետբոլ (1995);
Մեդալներ
	Օլիմպիական խաղեր; Ոսկի - Սիդնեյ 2000; ՖԻԲԱ-ի ամերիկյան առաջնություն; Ոսկի - Սան Խուան 2003

Վինսենթ Լամար Քարթեր (անգլ.՝ Vincent Lamar Carter, հունվարի 26, 1977(1977-01-26)^[1], Դեյտոնա Բիչ, Վոլուսիա շրջան, Ֆլորիդա, ԱՄՆ), ամերիկացի նախկին բասկետբոլիստ։ Առավել հայտնի է Բասկետբոլի ազգային ասոցիացիայի (NBA) «Տորոնտո Ռեպտորս» և «Նյու Ջերսի Նեթս» ակումբներում անցկացրած տարիներից։ Հիմնականում խաղացել է թեթև հարձակվողի և հարձակվող պաշտպանի դիրքերում։ Համարվել է առաջնության պատմության սլեմ դանկի լավագույն վարպետներից մեկը^[2]^[3]^[4]^[5]։ Միակ բասկետբոլիստն է, ում 22-ամյա մարզական կարիերան ձգվել է 4 տասնամյակ՝ 1999 թվականից մինչև 2020 թվականը։

Ավագ դպրոցի տարիներին արժանացել է «McDonald's All-American» տիտղոսին, իսկ համալսարանային առաջնությունում 3 տարի ներկայացրել է Հյուսիսային Կարոլինայի համալսարանը։ Համալսարանային տարիներին Կարտերի թիմը երկու անգամ հասել է մինչև NCAA եզրափակիչ քառյակ։ Համալսարանային կարիերայի ավարտից հետո Կարտերն ընտրվել է NBA-ի 1998 թվականի դրաֆթի առաջին ռաունդի հինգերորդ ընտրությամբ՝ «Գոլդեն սթեյթ Ուորիորսի» կողմից, որի ղեկավարությունը Կարտերի հանդեպ ունեցած իրավունքները փոխանցում է «Տորոնտո Ռեպտորսին»։ «Ռեպտորսի» կազմում Կարտերն անցկացրած անդրանիկ մրցաշրջանի ավարտին ճանաչվել է տարվա նորեկ (1999)։ Հաջորդ տարի՝ 2000 թվականին, Կարտերը մասնակցել և հաղթել է «Բոլոր աստղերի ուիքենդի» շրջանակներում անցկացվող «Սլեմ դանկ մրցույթը»։ Նույն տարվա ամռանը ընդգրկվել է Միացյալ Նահանգների բասկետբոլի հավաքականի կազմում և նվաճել ոսկե մեդալ Սիդնեյի օլիմպիական խաղերում։

2004 թվականին Կարտերը «Ռեպտորսից» տեղափոխվել է «Նյու Ջերսի Նեթս», որի կազմում երեք անգամ հասել է մինչև փլեյ-օֆֆ։ 2009 թվականին տեղափոխվել է «Օռլանդո Մեջիք»՝ նոր թիմին օգնելով հասնել մինչև NBA-ի գերեզրափակիչ։ 2010-11 մրցաշրջանն անցկացրել է «Ֆինիքս Սանս» ակումբում։ 2011 թվականի դեկտեմբերին Կարտերը երեք տարվա ժամկետով նոր պայմանագիր է կնքել «Դալաս Մավերիքսի» հետ, որն այդ ժամանակ գործող չեմպիոնն էր։

Բասկետբոլային մանրահատակից դուրս Կարտերը հիմնել է «Հուսո դեսպանատուն» կոչվող հիմնադրամը, որն օգնություն է ցուցաբերում Ֆլորիդայի, Նյու Ջերսիի և Տորոնտոյի անապահով ընտանիքներին։

Մրցանակներ և այլ նվաճումներ

8× NBA աստղ - 2000, 2001, 2002, 2003, 2004, 2005, 2006, 2007 (վնասվածքի պատճառով բաց է թողել 2002 թվականի բոլոր աստղերի խաղը)
Օլիմպիական ոսկե մեդալ - Սիդնեյ 2000
2× All-NBA խորհրդանշական հավաքականի անդամ
- Առաջին թիմ - 2001
- Երրորդ թիմ - 2000
NBA Սլեմ դանկ մրցույթի հաղթող։ 2000
NBA All-Rookie առաջին թիմ - 1999
NBA տարվա նորեկ - 1999
NBA տարվա նորեկ «Սպորտինգ նյուզ» վարկածով - 1999^[6]

Տես նաև

1000 և ավելի խաղի մասնակցած NBA բասկետբոլիստների ցանկ

Ծանոթագրություններ

↑ FIBA database
↑ Ojeda, Louis. «NBA's greatest dunker of all time». FOXSports.com.
↑ Bitanga, Mike (2014 թ․ փետրվարի 11). «Vince Carter: The Greatest Dunkers of All Time». hardwoodandhollywood.com.
↑ Walsh, Mike. «Re-Ranking the NBA's Best Dunkers of All Time». BleacherReport.com (անգլերեն).
↑ «Ranking Top 10 Dunkers in NBA History». NBA.com (անգլերեն).
↑ «Վինս Կարտեր – NBA-ի բասկետբոլիստներ». «Sportsnet.ca». Արխիվացված է օրիգինալից 2007 թ․ մարտի 11-ին. Վերցված է 2007 թ․ ապրիլի 23-ին.

Արտաքին հղումներ

Էջը NBA.com կայում(անգլ.)
Էջը Բասկետբոլ-ռեֆերենսում Արխիվացված 2013-03-29 Wayback Machine(անգլ.)

Վիքիպահեստն ունի նյութեր, որոնք վերաբերում են «Վինս Քարթեր» հոդվածին։

[_47188e8186f730bd-1] FIBA database

[2] Ojeda, Louis. «NBA's greatest dunker of all time». FOXSports.com.

[3] Bitanga, Mike (2014 թ․ փետրվարի 11). «Vince Carter: The Greatest Dunkers of All Time». hardwoodandhollywood.com.

[4] Walsh, Mike. «Re-Ranking the NBA's Best Dunkers of All Time». BleacherReport.com (անգլերեն).

[5] «Ranking Top 10 Dunkers in NBA History». NBA.com (անգլերեն).

[6] «Վինս Կարտեր – NBA-ի բասկետբոլիստներ». «Sportsnet.ca». Արխիվացված է օրիգինալից 2007 թ․ մարտի 11-ին. Վերցված է 2007 թ․ ապրիլի 23-ին.

[1]

[2]

[3]

[4]

[5]

[6]