Վիլհելմ Լեմբրուկ

Վիքիպեդիայից՝ ազատ հանրագիտարանից
Jump to navigation Jump to search
Վիլհելմ Լեմբրուկ
Wilhelm Lehmbruck, Selbstbildnis, 1902.jpg
Ծնվել էհունվարի 4, 1881(1881-01-04)[1][2][3][4][5][6]
ԾննդավայրԴույսբուրգ, Դյուսելդորֆ, Հռենոսի պրովինցիա, Պրուսիայի թագավորություն, Գերմանական կայսրություն[7]
Վախճանվել էմարտի 25, 1919(1919-03-25)[7][1][2][3][4][5] (38 տարեկանում)
Մահվան վայրԲեռլին, Վայմարյան Հանրապետություն[7]
ՔաղաքացիությունFlag of Germany.svg Գերմանիա[8]
ԿրթությունԿոլարոսսիի ակադեմիա
Մասնագիտությունքանդակագործ, նկարիչ, գծանկարիչ և նկարազարդող
Ոճէքսպրեսիոնիզմ
Ներշնչվել էԺորժ Միննե[9]
ԶավակներManfred Lehmbruck?
Wilhelm Lehmbruck Վիքիպահեստում
Վիլհելմ Լեմբրուկ: Ծնկի եկած: 1911թ.: Դույսբուրգ

Վիլհելմ Լեմբրուկ (գերմ.՝ Wilhelm Lehmbruck, հունվարի 4, 1881(1881-01-04)[1][2][3][4][5][6], Դույսբուրգ, Դյուսելդորֆ, Հռենոսի պրովինցիա, Պրուսիայի թագավորություն, Գերմանական կայսրություն[7] - մարտի 25, 1919(1919-03-25)[7][1][2][3][4][5], Բեռլին, Վայմարյան Հանրապետություն[7]), գերմանացի քանդակագործ, նկարիչ և գրաֆիկ:

Կյանք և ստեղծագործական գործունեություն[խմբագրել | խմբագրել կոդը]

Վիլհելմ Լեմբրուկը ծնվել է հանքագործի ընտանիքում: Ավարտել է Դյուսելդորֆի գեղարվեստի ակադեմիան: 1910 թվականին Փարիզյան սալոնում ներկայացված «Կանգուն կնոջ կերպար» քանդակը հեղինակին միջազգային ճանաչում է բերել: Նրա այս աշխատանքում զգացվում է քանդակագործության հնագույն վարպետների ավանդույթների ազդեցությունը: Մարմինի ազատ, կենսունակ կառուցվածքն ավարտուն ուրվագծերով և ծավալով, կատարյալ և համամասնական պլաստիկայով, իր քանդակները բարձրացնում են մշտնջենության աստիճանի, այն դասելով քանդակագործության ժամանակից դուրս գտնվող գլուխգործոցների շարքին:

Վիլհելմ Լեմբրուկի վրա գեղարվեստական զգալի ​​ազդեցություն է ունեցել Արիստիդ Մայոլի և Ժորժ Միննեի ստեղծագործությունները, սակայն, արդեն 1911 թվականին վարպետը զարգացրել է իր անձնական ոճը: Բրոնզե քանդակներում և բարձրաքանդակներում, Լեմբրուկը կերտել է հանքագործների՝ աշխատանքի և հանգստի ժամանակ: Քանդակագործը, գեղարվեստական ​​ներդաշնակության իր պատկերացումների մասին գրել է. «Արվեստում ամեն ինչ ենթակա է չափման: Չափը՝ չափով նշանակում է ամեն ինչ: Չափելը կամ կազմվածքների համար համամասնությունները՝ որոշում են տպավորությունը, որոշում են գործողությունները, որոշում են քանդակի ուրվագիծը և մնացած ամեն ինչ: Հետևաբար, լավ քանդակը պետք է ստեղծվի՝ ինչպես լավ կոմպոզիցիան, ինչպես նախագծված շենքը, որտեղ նույնպես յուրաքանչյուր մեծություն որոշվում է ողջամիտ չափով»:

Այս կարծիքի հիման վրա ստեղծելով իր քանդակները, Վիլհելմ Լեմբրուկը հիմնականում կենտրոնացել է համամասնությունների դասական համակարգի վրա: Էրնստ Բարլախի հետ միասին նա մշակել է 19-րդ դարի քանդակագործության լճացումից հետո Ադոլֆ Հիլդենբրանդի արտահայտած նոր քանդակագործական գաղափարները, որոնք նախևառաջ նախանշել են ոչ թե սյուժեի և արտաքին շքեղության խնդիրները, այլ պլաստիկ ձևը և նրա օրինաչափությունները:

Լեմբրուկն ապրել է Փարիզում մինչև 1914 թվականը, որտեղ ծանոթացել է գեղանկարչության նոր ուղղությունների հետ[10], ուսումնասիրել է Արիստիդ Մայոլի քանդակները: Ինչպես և Մայոլը, պատկերել է մարդու կառուցվածքը, որի միջոցով տվել է իր զգացմունքների և մտքերի խորհրդանշական արտահայտությունը[11]: Բնորոշ են կանանց կազմվածքների երկարացրած համաչափությունները, պլաստիկ ձևերը գծագրվում են, ընդգծվում է արտահայտչականությունը, ուրվագծերի գծերի ռիթմը, ձգված ցամաքած մարմինը, որը հոգևոր ուժի կրողն է: Պլաստիկ ձևերի սրված արտահայտվածությունը, անկյունայնությունը, սրածայրությունը կապվում է այդ ժամանակ Գերմանիայում մեծ տարածվածություն գտած էքսպրեսսիոնիզմի հետ: Հատկանշական են նաև նկարչի ժառանգություն թողած նկարները և փորագրությունները:

1919 թվականին Լեմբրուկն ինքնասպանություն է գործել դերասանուհի Էլիզաբեթ Բերգների հանդեպ ունեցած զգացմունքների պատճառով:

Վիլհելմ Լեմբրուկի ստեղծագործությունները ցուցադրվում են Դույսբուրգի արվեստի թանգարանում, որը կրում է իր անունը և գտնվում է մի շենքում, որը կառուցել է իր որդին՝ Մանֆրեդ Լեմբրուկը, որն էլ ճանաչվել է թանգարանային ճարտարապետության վարպետ[12]:

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 Wilhelm Lehmbruck
  2. 2,0 2,1 2,2 2,3 2,4 Wilhelm Lehmbruck — 2006.
  3. 3,0 3,1 3,2 3,3 3,4 Wilhelm Lehmbruck — 2006. — ISBN 978-0-19-977378-7, 978-0-19-989991-3
  4. 4,0 4,1 4,2 4,3 4,4 Encyclopædia Britannica
  5. 5,0 5,1 5,2 5,3 5,4 SNAC — 2010.
  6. 6,0 6,1 Delarge J. Le DelargeParis: Gründ, Jean-Pierre Delarge, 2001. — ISBN 978-2-7000-3055-6
  7. 7,0 7,1 7,2 7,3 7,4 7,5 7,6 7,7 7,8 Лембрук Вильгельм // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969.
  8. LIBRIS — 2018.
  9. http://georgeminne.vlaamsekunstcollectie.be/en/biography
  10. Bazin, Germain (1968). The History of World Sculpture. Lamplight Publishing. p. 428.
  11. Barcelona Pavilion. Mies van der Rohe & Kolbe - Architecture and Sculpture Jovis Publishing, Berlin.
  12. «Lehmbruck Museum: Das Museum» 

Գրականություն[խմբագրել | խմբագրել կոդը]

  • «Enzyklopädie des Wissens», Bd.6, Köln 1990
  • «Ausgaben von der Heydt Museum Wuppertal.Skulpturen I» o.J.
  • August Hoff. Wilhelm Lehmbruck, Berlin: Klinkhardt & Biermann, 1933 (German).
  • Werner Hofmann, Wilhelm Lehmbruck. London: Zwemmer 1958
  • August Hoff, Wilhelm Lehmbruck: life and work. New York: Praeger 1969
  • Reinhold Heller (ed.), The art of Wilhelm Lehmbruck, Washington, National Gallery of Art, 1972
  • Marion Bornscheuer; Raimund Stecker (eds.); Kneeling woman 100 years. Wilhelm Lehmbruck with Matisse, Brancusi, Debussy, Archipenko, Rodin, Nijinsky in Paris 1911. Lehmbruck Museum Duisburg. Cologne: DuMont Buchverlag, 2011, 978-3-83219-427-7
  • Hans-Peter Wipplinger (ed.); Wilhelm Lehmbruck. Retrospektive/Retrospective. Leopold Museum Vienna, Cologne: Walther König 2016, 978-3-86335-902-7

Արտաքին հղումներ[խմբագրել | խմբագրել կոդը]