Վերինգ

Վիքիպեդիայից՝ ազատ հանրագիտարանից
Jump to navigation Jump to search
Picto infobox map.png
Վերինգ

Զինանշան
Wien - Bezirk Währing, Wappen.svg
ԵրկիրԱվստրիա Ավստրիա
ԿարգավիճակՎիեննայի շրջաններ
Մտնում էՎիեննա
Ամենաբարձր կետSchafberg
ԲԾՄ247 մետր
Տարածք6,28 կմ²
Kartewien18.png
Սահմանակցում էԴյոբլինգ, Ալզերգրունդ, Հերնալս, Alsergrund, Neuwaldegg, Dornbach, Hernals, Salmannsdorf, Neustift am Walde և Oberdöbling
Փոստային ինդեքսներ1180
Ավտոմոբիլային կոդW
Կոորդինատներ: 48°13′59.160000100001″ հս․ լ. 16°18′52.920000099994″ ավ. ե. / 48.23310000002777542° հս․. լ. 16.31470000002777709° ավ. ե. / 48.23310000002777542; 16.31470000002777709
wien.gv.at/bezirke/waehring/

Վերինգ (գերմ.՝ Währing), Վիեննայի 18-րդ շրջանը: Գտնվում է քաղաքի հյուսիս-արևմտյան մասում: Շրջանում գտնվում են արտասահմանյան մի քանի դեսպանատներ: Բացի դրանից, Վերինգում են ի սկզբանե հուղարկավորվել Լյուդվիգ վան Բեթհովենը և Ֆրանց Շուբերտը:

Դիրրք[խմբագրել | խմբագրել կոդը]

Վերինգը գտնվում է Վիեննայի հյուսիս-արևմուտքում և Վիեննական անտառի լանջերին, զբաղեցնում է 6.29 կմ² տարածք Գյուրտել և Հյոենշտրասե շրջանաձև մայրուղիների միջև: Հյուսիսում սահմանակցում է 19-րդ շրջանին` Դյոբլինգին, արևելքում` 9-րդ շրջանին` Ալզերգրունդին և հարավում ու արևմուտքում` 17-րդ շրջանին` Հերնալսին: Շրջանը սփռված է Վերինգի վտակի (Währingerbach) երկու կողմերում:

Անվան ծագումնաբանություն[խմբագրել | խմբագրել կոդը]

Առաջին անգամ Վերինգ շրջանը հիշատակվել է 1170 թվականին` Warich անվանումով: Այս անվան ծագման մասին կարելի է միայն ենթադրություններ անել: Հնարավոր է, որ այն ունի սլավոնական ծագում: Որոշ ուսումնասիրողներ Warich անվանումը վերագրում են գետակի կամ ջրային տարածքի` *varika սլավոներեն varъ բառից, որ նշանակում է տաք ջուր[1]: Վերինգ անվան ծագման մյուս արժանահավատ տարբերակի համաձայն` այն ծագում է գերմաներեն Warich բառից, որը մեկ օրավար հողի նշանակություն ունի: Անվան ծագման մեկ այլ տարբերակ է Werigandus անվանումը. Werigandus-ը եղել է հարևան Ալզերգրունդ շրջանում գտնվող Միհելբոերն վանքի վանահայրերից մեկը[2]:

Գերեզմանատուն[խմբագրել | խմբագրել կոդը]

Եգիպտական ոճով տապանաքար Վերինգի հրեական գերեզմանատանը

Վերինգում են գտնվում Վիեննայի մի քանի հայտնի գերեզմանոցներ: Նրանցից առաջինը Վերինգի գերեզմանոցն է, որը ներկայումս հայտնի է Շուբերտի այգի անունով: Այստեղ են ի սկզբանե հուղարկավորվել Լյուդվիգ վան Բեթհովենն ու Ֆրանց Շուբերտը: Հետագայում` 1888 թվականին, երկու կոմպոզիտորների գերեզմաններն էլ տեղափոխվել են Վիեննայի կենտրոնական գերեզմանոց: Սակայն այստեղ` նրա առաջին հուղարկավորման տեղում է մնացել Շուբերտի կիսանդրին, որի հեղինակը քանդակագործ Յոզեֆ Դիալերն է: Տապանագիրը, որի հեղինակն ավստրիացի բանաստեղծ, դրամատուրգ Ֆրանց Գրիլպարցերն է, վկայում է. «Այստեղ է թաղված անգին գանձը, բայց ավելի շատ հույսեր նա տարել է իր հետ» (գերմ.՝ Die Tonkunst begrub hier einen reichen Besitz aber noch viel schönere Hoffnungen)[3]:

Վերինգի Հրեական գերեզմանոցը (Jüdischer Friedhof Währing) բացվել է 1784 թվականին և եղել է Վիեննայի հրեական մշակույթի միավորման (Israelitische Kultusgemeinde Wien) ներկայացուցիչների հուղարկավորման գլխավոր վայրը: Նախկինում գերեզմանոցը գտնվել է Վերինգի սահմաններում, բայց ներկայումս, շրջանի սահմանների փոփոխությամբ պայմանավորված, այն հայտնվել է Դյոբլինգ շրջանում, չնայած պահել է իր պատմական անվանումը: Բացառությամբ Սուրբ Մարկի գերեզմանոցի` այն եղել է Վիեննայի վերջին գերեզմանատունը, որ ձևավորվել է բիդերմայեր ոճով: 1880-ական թվականներին նրա փակումից հետո այն մասամբ ավերվել է Երրորդ Ռայխի կողմից և ներկայումս մասամբ է հասանելի խարխլվածության պատճառով: Սկսած 2006 թվականից` տեղական և ֆեդերալ քաղաքական գործիչները և մի շարք մասնագետներ բարձրացրել են գերեզմանատան վերականգնման հարցը[4][5]:

Բնակչություն[խմբագրել | խմբագրել կոդը]

Վերինգի բնակչության թիվը վերջին հարյուրամյակներում խիստ տատանվել է: 20-րդ դարի առաջին տասնամյակներին նկատվել է արագ աճ, սակայն դրան հաջորդել է բնակիչների թվաքանակի կայուն կրճատում, որը Երկրորդ համաշխարհային պատերազմի տարիներից շարունակվում է մինչ օրս: Ամենից քիչ բնակչություն շրջանն ունեցել է 1869 թվականին (17.879 մարդ), ամենից շատ բնակչություն` 1910 թվականին (87.658 մարդ): 2006 թվականին շրջանի բնակչությունը կազմել է 47.391 մարդ[6]:

Վերինգի անունով է կոչվել (226) Վերինգիա աստերոիդը, որը բացահայտվել է 1882 թվականի հուլիսի 19-ին Վիեննայի աստղադիտարանում ավստրիացի աստղագետ Յոհան Պալիսայի կողմից:

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]