Վաչիկ Դարբինյան

Վիքիպեդիայից՝ ազատ հանրագիտարանից
Jump to navigation Jump to search
Վաչիկ Դարբինյան
Ծնվել է1915
ԾննդավայրՀոռոմ, Ալեքսանդրապոլի գավառ, Երևանի նահանգ, Կովկասի փոխարքայություն, Ռուսական կայսրություն
Մահացել էանհայտ
ՔաղաքացիությունFlag of Russia.svg Ռուսական կայսրություն և Flag of the Soviet Union.svg ԽՍՀՄ
Ազգությունհայ
ԿրթությունՀայկական պետական մանկավարժական համալսարան
Մասնագիտությունմանկավարժ
ԿուսակցությունԽՄԿԿ
Պարգևներ և
մրցանակներ

Վաչիկ Միքայելի Դարբինյան (Դարենց 1915, Հոռոմ, Ալեքսանդրապոլի գավառ, Երևանի նահանգ, Կովկասի փոխարքայություն, Ռուսական կայսրություն - անհայտ), հայ մանկավարժ։ ՀԽՍՀ վաստակավոր ուսուցիչ (1963): «Ժողովրդական կրթության գերազանցիկ (1968): ԽՄԿԿ անդամ (1940): Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) գործողությունների մասնակից։

Կենսագրություն[խմբագրել | խմբագրել կոդը]

Վաչիկ Դարբինյանը ծնվել է 1915 թվականին Արթիկի շրջանի Հոռոմ գյուղում։ Լենինականի Ասքանազ Մռավյանի անվան մանկավարժական տեխնիկումում ուսանելու տարիներին Դարբինյանը սովորել և ավարտել է նաև քաղաքի պետական թատրոնի ստուդիան։ 1934 թվականին Հոռոմի միջնակարգ դպրոցում նշանակվել է հայոց լեզվի և գրականության ուսուցիչ։ 1936 թվականին եղել է այդ դպրոցի ուսմասվարը։ Միաժամանակ ավարտել է Երևանի պետական հեռակա մանկավարժական ինստիտուտի լեզվագրական ֆակուլտետը[1]։

1939 թվականին զորակոչվել է կարմիր բանակ։ Մասնակցել է Արևմտյան Ուկրաինայի ազատագրմանը։ 1940 թվականի աշնանը հրաձգային գումարտակի ԼԿԵՄ բյուրոյի քարտուղար Դարբինյանը ընդունվել է կոմունիստական կուսակցության շարքերը։ Բանակից մեկնել է սովորելու, զորամաս է վերադարձել կրտսեր լեյտենանտի կոչումով։ Մասնակցել է Մոսկվայի պաշտպանության ահեղ մարտերին, մարտնչել է Սևաստոպոլի հերոսական պաշտպանների շարքերում։ Պարգևատրվել է Փառքի երրորդ աստիճանի շքանշանով և մարտական մեդալներով[1]։

Դարբինյանը բանակից զորացրվել է 1946 թվականին և նշանակվել հայրենի գյուղի դպրոցի տնօրեն։ 1963 թվականին Դարբինյանն արժանացել է հանրապետության վաստակավոր ուսուցչի կոչման, 1968 թվականին՝ «Ժողովրդական կրթության գերազանցիկ» կրծքանշանի, իսկ 1980 թվականին՝ Խաչատուր Աբովյանի անվան մեդալի։ Դարբինյանը եղել է Հոռոմի միջնակարգ դպրոցի հայոց լեզվի և գրականության ուսուցիչը, այդ առարկայի մեթոդմիավորման նախագահը[1]։

Պարգևներ[խմբագրել | խմբագրել կոդը]

  • ՀԽՍՀ վաստակավոր ուսուցիչ (1963)
  • «Ժողովրդական կրթության գերազանցիկ կրծքանշան (1968)
  • Փառքի երրորդ աստիճանի շքանշան
  • Խաչատուր Աբովյանի անվան մեդալ

Ծանոթագրություններ[խմբագրել | խմբագրել կոդը]