Վանուշ Խանամիրյան

Վանուշ Խանամիրյան;
Ծնվել է	նոյեմբերի 5, 1927
Ծննդավայր	Երևան, ԱԽՖՍՀ, ԽՍՀՄ
Մահացել է	հոկտեմբերի 5, 2011 (83 տարեկան)
Մահվան վայր	Երևան, Հայաստան
Քաղաքացիություն	ԽՍՀՄ և Հայաստան
Ազգություն	հայ
Կրթություն	Ստեփան Շահումյանի անվան թիվ 1 դպրոց և Երևանի պարարվեստի պետական քոլեջ (1941)
Մասնագիտություն	բալետի պարող և բալետմայստեր
Աշխատատու	Ալեքսանդր Սպենդիարյանի անվան օպերայի և բալետի ազգային ակադեմիական թատրոն և Հայաստանի պարի պետական անսամբլ
Պարգևներ և ; մրցանակներ	; ; և

Անվան այլ կիրառումների համար տե՛ս՝ Խանամիրյան (այլ կիրառումներ)

Վանուշ Խանամիրյան (նոյեմբերի 5, 1927(1927-11-05)^[1]^[2], Երևան, ԱԽՖՍՀ, ԽՍՀՄ^[1]^[2] - հոկտեմբերի 5, 2011(2011-10-05), Երևան, Հայաստան), պարի պետական անսամբլի մենակատար, գեղարվեստական ղեկավար։ ՀԽՍՀ ժողովրդական արտիստ (1963)։

Կենսագրություն

Վանուշ Խանամիրյանը ծնվել է 1927 թվականի նոյեմբերի 5-ին։ Հորը գնդակահարել են ստալինիզմի տարիներին^[3]։ Ավարտել է Ստեփան Շահումյանի անվան միջնակարգ դպրոցը։ 1941 թվականին ավարտել է Երևանի պարարվեստի ուսումնարանը, նույն թվականին կատարել է առաջին գլխավոր դերը՝«Վալպուրգյան գիշեր» բեմադրության մեջ։ Աշխատել է Ա. Սպենդիարյանի անվան օպերայի և բալետի թատրոնում։ 1968-1992 թվականներին ղեկավարել է Հայաստանի պարի պետական անսամբլը։ Բեմադրել է տասնյակների հասնող ներկայացումներ՝ «Գայանե», «Բախչիսարայի շատրվանները», «Սպարտակ», «Լոռեցի Սաքոն», «Ռայմոնդա», «Խանդութ», «Կարապի լիճը», պարային համարներ՝ «Տոնական սյուիտ», «Քարավան», «Անմահություն», Կոմիտասի «Վաղարշապատի պարը», Արամ Խաչատրյանի «Էնզելի», «Կակաչներ», ազգագրական պարերի շարք՝ «Սասուն» և այլն։ 2000 թվականից հիմնադրել և ղեկավարել է Հայաստանի Պարարվեստի գործիչների միությունը, որը 2009 թվականից կրում է իր անունը։ 2004 թվականին ստեղծել է վետերան-պարուսույցների «Վանուշ» պարախումբը, 2010 թվականին՝ «Բարդիներ» պարախումբը^[4]։

Երվանդ Քոչարը «Սասունցի Դավիթ» արձանի դեմքը կերտել է Վանուշ Խանամիրյանի խաղացած Դավիթի կերպարից։

Կինը՝ Վիկտորիա Խանամիրյան (Ռոդնյանսկայա), դուստրը՝ Գայանե։

Մրցանակներ

ՀԽՍՀ ժողովրդական արտիստ, 1963
Մովսես Խորենացու մեդալ, 1998

Ծանոթագրություններ

Գրականություն

Վանումիրյան։ [Կյանքն ու գործունեությունը] / Կ.Մ. Մկրտչյան; Խմբ.՝ Ռ. Դավթյան; Երևան, 1981

Արտաքին հղումներ

ՀԱՅՏՆԻ ԵՎ ԱՆՀԱՅՏ - ՎԱՆՈՒՇ ԽԱՆԱՄԻՐՅԱՆ

Վիքիդարանն ունի նյութեր, որոնք վերաբերում են «Վանուշ Խանամիրյան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 11)։

[_64f5a1586f195210-1] 1,0 ^1,1 ^1,2 ^1,3 ^1,4 ^1,5 ^1,6 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 2000.

[_6f200a393ea19645-2] 2,0 ^2,1 ^2,2 ^2,3 ^2,4 Ով ով է. հայեր (հայ.) / Հ. Այվազյան — Երևան: Հայկական հանրագիտարան հրատարակչություն, 2005. — հատոր 1. — էջ 490.

[3] 100 մոնոլոգ. «Զայրանում եմ, որ հայերը հանգստանում են Թուրքիայում»․ Վանուշ Խանամիրյան

[4] «Խանամիրյանի կենսագրությունը zarkfoundation.com կայքում».

[1]

[2]

[3]

[4]