Վահագ Ռաշ

Վիքիպեդիայից՝ ազատ հանրագիտարանից
Jump to navigation Jump to search
Վահագն Աշոտի Ռուշանյան
Նաև հայտնի է որպեսՎահագն Ռաշ
Ծնվել էմայիսի 8, 1982
Արթիկ, Հայկական ԽՍՀ, ԽՍՀՄ
ԵրկիրՀայաստան
Ժանրերդասական ռոք
Մասնագիտություներգիչ, երգահան

Վահագն Աշոտի Ռուշանյան[1] (առավել հայտնի է Վահագ Ռաշ անունով, մայիսի 8, 1982(1982-05-08), Արթիկ, Հայկական ԽՍՀ, ԽՍՀՄ), հայ երգահան, երգիչ։

Կենսագրություն[խմբագրել | խմբագրել կոդը]

Վահագ Ռաշ Vahag Rush (Վահագն Աշոտի Ռուշանյան) ծնվել է 1982 թվականին Հայաստանի Շիրակի մարզի Արթիկ քաղաքում։ Սովորել է Արթիկի Մեսրոպ Մաշտոցի անվան թիվ 7-րդ դպրոցը։ 12 տարեկանից հաճախել է Արթիկի Դանիել Ղազարյանի անվան երաժշտական դպրոցի կիթառի բաժինը։ 1999 թվականին դպրոցն ավարտելուց հետո ընդունվել և մինչև 2003 թվականը սովորել է Հայաստանի Պետական Ճարտարագիտական Համալսարանում՝ որպես ցանցային ծրագրավորող։ Ավարտելուց հետո զորակոչվել և երկու տարի ծառայել է Արցախի հանրապետությունում։ Զորակոչվելուց հետո՝ 2005 թվականին ընդունվել է Հաշվապահություան Ուսուցման Միջազգային Կենտրոն, որտեղ և սովորել է երկու տարի՝ ստանալով հաշվապահի մասնագիտություն։ Այս տարիներին Վահագնը միշտ նվագում էր կիթառ ու երբեմն ընկերների շրջապատում նաև երգում։ Պրոֆեսիոնալ երաժշտական կարիերան նա սկսեց 2009 թվականից, երբ ձայնագրեց Միսաք Մեծարենցի բառերով գրված ՛՛Համբույրի Մը Մեջ երգը՛՛:  

Երգը շատ սիրվեց հանրության կողմից և Վահագնը որոշեց ձայանգրել իր երկրորդ երգը, որը ՛՛Աշնան Քամին՛՛ էր, այն նաև ունեցավ տեսահոլովակ։ Վահագնի երկրորդ տեսահոլովակը ՛՛Ադանան՛՛ էր, որը դուետի տեսքով ներկայացվեց՝ Եվա Սուջյանի հետ համատեղ։ Ավելի ուշ ՛՛Անհաս մի Տենչ՛՛ երգի հիման վրա՝ համանուն հոլովակը, որի խոսքերը Սիլվա Կապուտիկյանին են պատկանում։ 2010 թվականին Վահագնը հանրությանը հանձնեց ՛՛Լուսամփոփի Պես Աղջիկ՛՛ երգը՝ գրված Չարենցի խոսքերով և քիչ ուշ նույն երգի տեսահոլովակը, որը և դարձավ երգչի այցեքարտը։ Վահագը շուրջ 50-ից ավել երգեր ունի, որոնք գրվել են Կապուտիկյանի, Չարենցի, Մեծարենցի, Շիրազի, Սահյանի, Տերյանի, Սևակի և այլ մեծանուն հեղինակների բառերի հիման վրա։ Նրա ստեղծագործությունների մեջ գերակշռում են ռոքային էլեմենտները։

Վահագնը 2011-ին ներկայացրեց ՛՛Անուրջներ՛՛ երգը, որը գրվել էր Մեծարենցի բառերով։ Տարվա վերջին Ջիվանու ՛՛Քանքարավոր Ընկերն՛՛ երգի ռոքային տարբերակը։  

2011 թվականի գարնանը տեղի ունեցավ Վահագ Ռաշի առաջին մենահամերգը, որին մասնակցում էր նաև երգչուհի Նարինե Դովլաթյանը։ Դրանից հետո երգիչը շատ հրավերներ ստացավ Հայաստանի տարբեր քաղաքներից և Հայաստանից դուրս։ 2013-ին Ալին Գոյանի հետ ներկայացրեց ՛՛Մարալ Ջան՛՛ երգը ու տեսահոլովակը։ Երգչուհու հետ Վահագնը ունեցավ մի քանի համերգներ։

2013-ից մինչև 2015 թվականը Վահագնի մոտ երաժշտական դադար էր։

2015 թվականին Վահագնը վերադարձավ բեմ՝ իր հետ բերելով մի քանի նոր երգեր՝ ՛՛Ես Կգամ՛՛, ՛՛Երանի՛՛, ՛՛Երջանկություն՛՛: Երգերի բառերի հեղինակը Տաթև Ոսկանյանն է։

Նույն տարին Վահագնը ներկայացրեց Պարույր Սևակի ՛՛Նամակ՛՛ ստեղծագործության բառերով գրված նոր երգ և Կարմիր Ծաղիկ Մը Գարունի երգի նոր տարբերակը՝ որի երաժշտության հեղինակը Վահագնի հայրն է։

2016 թկականին Վահագնը Եվա Սուջյանի հետ համատեղ ներկայացրեց նոր երգ՝ որը կոչվում էր ՛՛Պատգամ՛՛ երգը ռազմահայրենասիրական օրորոցային է, բառերի հեղինակը Վահագնի մայրն է՝ Անահիտ Սիմոնյանը։ Քիչ ուշ Վահագնը ներկայացրեց ՛՛Անուրջներ՛՛ երգի նոր տարբերակը և Տերյանի բառերով գրված ՛՛Հեռացիր՛՛ երգը։

2016 թվականին եղավ երգչի և Սոնա Ռուբենյանի առաջին համագործակցությունը։ Նրանք համատեղ ներկայացրին ՛՛Համբույրի Մը Մեջ՛՛ երգը, իսկ դրանից հետո ՛՛Պար Պսակի՛՛ և ՛՛Յուրի Բախշյանին՛՛ նվիրված երգերը։

2017-ին Վահագնը ներկայացրեց Համո Սահյանի բառերով և նրա ընկերոջ՝ Վրույր Սիմոնյանի երաժշտությամբ ՛՛Ժամանակ՛՛ երգը, իսկ 2017-ի վերջում ՛՛Զինվոր Տղա՛՛ երգը, որի երաժշտությունը գրել է Ալեքսեյ Հեքիմյանը, իսկ բառերը գրեց Վահագնի մայրը։ Երգը սովետական տարիներից հայտնի էր ՛՛Բանվոր Տղա՛՛ անունով։

2018 թվականին Վահագնը ներկայացրեց ՛՛Հայուհի Գեղեցիկ՛՛ երգի իր տարբերակը և ՛՛Անհաս Մի տենչ՛՛, ՛՛Աշնան Քամի՛՛ երգերի նոր տարբերակները։

2019-ին բավական մեծ աշխատանք կատարեց երգիչը՝ ներկայացնելով ՛՛Բաց թող ինձ՛՛ և ՛՛Երգի Թևերին՛՛ նոր երգերը ՛՛Բաց Թողը՛՛ նաև ունեցավ հոլովակ։ Ներկայացրեց՛՛Կարմիր Ծաղիկ Մը Գարունի՛՛ երգի հոլովակը, նաև հանդիսատեսի դատին հանձնեց Ռոմանոս Մելիքյանի ՛՛Վարդը՛՛ և ՛՛Գինի Լից՛՛ հայտնի երգերի ռոքային տարբերակները։ Վահագնը այդ տարի հանրության դատին հանձնեց նաև իր առաջին ռուսերեն հեղինակային երգը, որի խոսքերը ռուս հայտնի բանաստեղծ Իննոկենտի Անենսկունն են։ Երգը կոչվում է «Աշնանային ռոմանս»:

2020 թվականի սկզբին Արևիկ Կարապետյանի հետ ներկայացրեց նոր երգ, որը կոչվում է ՛՛Ձյուն՛՛ իսկ փետրվարին ՛՛Ես ու դու՛՛ երգը, որի բառերը Տաթև Ոսկանյանինն են։

2020 թվականի մայիսին Վահագնը հանդիսատեսինդատին հանձնեց Վահան Տերյանի բառերով գրված Մայր երգը` որը դուետ է իր մայրիկի` Անահիտ Սիմոնյանի հետ հետ։

2020-ի սպետեմբերի սկզբին Վահագնը հանդիսատեսի դատին հանձնեց Հուշեր երգը։

՛՛Ձյուն՛՛, ՛՛Հուշեր՛՛, ՛՛Պատգամ՛՛ և ՛՛Երգի թևերին՛՛ երգերի խոսքերը Վահագնի մորն են պատկանում, իսկ երաժշտությունը Հասմիկ Արշակյանին։

Վահագնը ամուսնացած է, ունի երկու տղա։

Ծանոթագրություններ[խմբագրել | խմբագրել կոդը]

[1]

Արտաքին հղումներ[խմբագրել | խմբագրել կոդը]

  1. Չէին սպասումի հյուրն է Վահագ Ռաշը Vahag Rash, Վահագ Ռաշ, https://www.youtube.com/watch?v=UhFyPwVa6gc, վերցված է 2021-09-06