Ստեփան Բաղդասարյան

Ստեփան Բաղդասարյան
Ծնվել է	մարտի 7, 1888(1888-03-07)
Վախճանվել է	նոյեմբերի 24, 1941(1941-11-24) (53 տարեկանում)
Վախճանի վայր	Երևան, Հայկական ԽՍՀ, ԽՍՀՄ
Մասնագիտություն	դրամատուրգ, բժիշկ և խմբագիր
Լեզու	հայերեն
Ազգություն	հայ
Կրթություն	Մոնպելիեի համալսարան
Անդամակցություն	ԽՍՀՄ Գրողների միություն
Աշխատավայր	Երևանի պետական համալսարան
Ստեփան Բաղդասարյան Վիքիդարանում

Ստեփան Բաղդասարյան (Ստեփան Խաչատուրի Տեր-Բաղդասարյան, 1888, մարտ 7 - 1941, նոյեմբեր 24), հայ դրամատուրգ, բժիշկ, ԽՍՀՄ գրողների միության անդամ 1934 թվականից։

Կենսագրություն

Ծնվել է Ղարադաղում (Իրան)։ Սովորել է Թավրիզի Արամյան վարժարանում, կրթությունը շարունակել է Փարիզում։ 1914 թվականին ավարտել է Մոնպելիեի բժշկական համալսարանը։ 1921 թվականին փոխադրվել է ԱՄՆ։ 1924 թվականին խմբագրել է Նյու Յորքի «Պրոլետար» պարբերականը։ 1925 թվականին ներգաղթել է Հայաստան։ 1926 թվականից եղել է Երևանի պետական համալսարանի բժշկական ֆակուլտետի ընդհանուր հիգիենայի ամբիոնի վարիչը, ապա Երևանի 2-րդ հիվանդանոցի գլխավոր բժիշկը։

1918 թվականին գրել է «Արյունոտ անապատ» դրաման, որը 1927 թվականին բեմադրվել է Երևանի Գ. Սունդուկյանի անվան, ապա Լենինականի Ա. Մռավյանի անվան թատրոններում։ Լենինականում այդ դրաման բեմադրել է Վարդան Աճեմյանը և վերնագրել «Մարոկո»։ Ս. Բաղդասարյանը գրել է նաև «Փշալարերը» պիեսը (1930)։ Մահացել է 1941 թվականին Երևանում:

Երկերի մատենագրությունը

• Ծարավների աշխարհում, Երևան, Պետհրատ, 1933, 194 էջ։
• Արյունոտ անապատ (դրամա), Երևան, Հայպետհրատ, 1956, 80 էջ։
• Ծարավների աշխարհում, Երևան, Հայպետհրատ, 1959, 167 էջ։