Ստամբուլի մեծ ավտոկայարան

Վիքիպեդիայից՝ ազատ հանրագիտարանից
Ավտոկայարանի ընդհանուր տեսքը

Ստամբուլի մեծ ավտոկայարան (թուրք.՝ Büyük İstanbul Otogarı), Ստամբուլի կենտրոնական և ամենամեծ ավտոկայարանը, որը գտնվում է Ստամբուլի Բայրամփաշա շրջանում։ Իրականացնում է միջքաղաքային ուղևորափոխադրումներ։

Պատմություն[խմբագրել | խմբագրել կոդը]

1980-ական թվականներին պրովինցիալ քաղաքներից դեպի Ստամբուլ ներհոսքի մեծացման հետ մեկտեղ, Թոփքափը ավտոկայարանը չկարողացավ այլևս սպասարկել ուղևորահոսքը և բացել նոր ուղղություններ։ Այս փաստի հետ կապված 1987 թվականին ընդունվեց որոշում՝ Ստամբուլում կառուցելու նոր ավտոբուսային կայարան, որը համաձայն նախագծի, կարող էր սպասարկել միանգամից մի քանի տասնյակ միջքաղաքային և միջհամայնքային ավտոբուսային երթուղիներ։ Այդ նպատակով Բայրամփաշա շրջանում սկսվեց կառուցվել նոր ավտոկայարան։ Ավտոկայարանը, որը անվանվեց «Ստամբուլի մեծ ավտոկայարան», շահագործման է հանձնվել 1994 թվականին[1]։ Կառուցման ծախսը կազմել է 140 միլիոն դոլլար[2]։

Տեղակայում[խմբագրել | խմբագրել կոդը]

Ավտոկայարանը գտնվում է Ստամբուլի եվրոպական հատվածում՝ Բայրամփաշա շրջանում։ Այն Թուրքիայի և Արևելյան Եվրոպայի ամենամեծ ավտոկայարանն է, որի տարածքը կազմում է 242 000 մ²։ Տերմինալը ունի 324 պլատֆորմներ[1]։ Այստեղից կարելի է մեկնել Թուրքիայի գրեթե բոլոր քաղաքներ։ Ավտոկայարանից ավտոբուսները մեկնում են նաև Բալկանյան թերակղզու երկրներ, Իտալիա, Գերմանիա, Մոլդովա, Ուկրաինա, Վրաստան,Հայաստան, Ադրբեջան և Իրան։

Ծանոթագրություններ[խմբագրել | խմբագրել կոդը]

  1. 1,0 1,1 Tanış, Tolga (1999-09*27)։ «En büyük gecekondu»։ Hürriyet։ Վերցված է 2012-11-14 
  2. «İşletme ve Fiziki Kapasite»։ Վերցված է 21 November 2012 

Արտաքին հղումներ[խմբագրել | խմբագրել կոդը]