Ռուբեն Արուտչյան

Ռուբեն Արուտչյան
Ծնվել է	հունիսի 18, 1947(1947-06-18)
Ծննդավայր	Երևան, Հայկական ԽՍՀ, ԽՍՀՄ
Վախճանվել է	հունվարի 16, 2022(2022-01-16) (74 տարեկան)
Մահվան վայր	Երևան, Հայաստան
Քաղաքացիություն	ԽՍՀՄ
Կրթություն	Փանոս Թերլեմեզյանի անվան գեղարվեստական ուսումնարան (1964) և ՀԱՊՀ (1970)
Մասնագիտություն	նկարիչ
Պարգևներ	Հայաստանի վաստակավոր նկարիչ
Անդամակցություն	Հայաստանի նկարիչների միություն և Հայաստանի ճարտարապետների միություն
Հայր	Սերգեյ Արուտչյան

Ռուբեն Սերգեյի Արուտչյան (1947, հունիսի 18, Երևան) հայ նկարիչ, ճարտարապետ, ՀՀ վաստակավոր նկարիչ (2012)։

Նկարիչ Սերգեյ Արուտչյանի որդին։

Կենսագրություն

Ռուբեն Արուտչյանը ծնվել է 1947 թ. Երևանում, ՀԽՍՀ արվեստի վաստակավոր գործիչ, ՀԽՍՀ ժողովրդական նկարիչ Սերգեյ Արուտչյանի ընտանիքում։

• 1961-1964 թթ. սովորել է Փանոս Թերլեմեզյանի անվան գեղարվեստի ուսումնարանում
• 1964-1970 թթ. սովորել է Երևանի պոլիտեխնիկական ինստիտուտի ճարտարապետական ֆակուլտետում
• 1974 թվականից Հայաստանի ճարտարապետների միության անդամ է
• 1976 թվականից՝ Հայաստանի նկարիչների միության անդամ
• 1979-1989 թթ. դասավանդել է Երևանի գեղարվեստա-թատերական ինստիտուտում
• 1986-1990թթ. եղել է Հայաստանի Գեղարվեստի ֆոնդի կերպարվեստի կոմբինատի գլխավոր նկարիչ
• 1987-2012 թթ.՝ Հայաստանի նկարիչների միության վարչության անդամ։
• 1995 թվականից՝ Դիզայներների միջազգային միության անդամ
• 1990-1992 թթ․, 2001 թ. Երևան քաղաքի գլխավոր նկարիչ
• 2001 թ.՝ Երևանի քաղաքապետարանի արտաքին ձևավորումների վարչության պետ, քաղաքի գլխավոր նկարիչ
• 2011 վականից՝ Աշխարհի հայ նկարիչների միության անդամ

Ստեղծագործական գործունեություն

2004 թ. հեղինակել է Հայաստանի պաշտպանության նախարարության զինանշանը, 2006թ.՝ Հոլոքոստի և Հայոց Եղեռնի զոհերի հիշատակին նվիրված հուշաքարը, որը տեղադրված է Երևանի Օղակաձև այգում։ 2012թ. Լոնդոնում մասնակցել է Թեքեյան մշակութային կենտրոնի կողմից կազմակերպված հայ նկարիչների ցուցահանդեսին։ Հեղինակ է ծանրամարտի աշխարհի առաջնության (1983, Երևան), Հայաստանի անկախության հանրաքվեի (1991, Երևան) և այլ միջոցառումների ձևավորումների, ինքնատիպ արտահայտչամիջոցներով աչքի ընկնող գրաֆիկական և գեղանկարչալան շարքերի։

Գրաֆիկա՝

• «Անապաստաններ», 1993-1995
• «Գրկախառնություն», 1993-2000

Գեղանկարչական շարքեր՝

• «Հիմնական ձև», 1995-1998
• «Գրկախառնություն», 1993-2003

Ցուցահանդեսներ

• 1973-1991 թթ. հանրապետական, միութենական, և միջազգային ցուցահանդեսների մասնակից (պլակատ, գրաֆիկա, գեղանկար)
• 1976 թ. դիպլոմ լավագույն գրաֆիկական աշխատանքի համար (Մոսկվա)
• 1986 թ․, 1997 թթ. Մեդալներ տարվա լավագույն գրաֆիկական աշխատանքի համար (Երևան)
• 1994 թ. անհատական ցուցահանդես Երևանում
• 1997 թ. անհատական ցուցահանդեսներ Մոսկվայում և Երևանում։ Ցուցահանդեսներ ԱՄՆ- ում, Կանադայում
• 2001 թ. ցուցահանդես Ֆրանսիայում, Մոնպելյե
• 2004 թ. մասնակցել է Փարիզում Գեղանկարչական Սալոնի աճուրդին (անգլ.՝ Drouot Action House)
• 2005-2009 թթ․ որմնանկարների կատարում Երևանում Օդեսայում
• 2012 Հայաստանի ազգային պատկերասրահ
• 2015 Երևանի ժամանակակից արվեստի թանգարան

Ռուբեն Արուտչյանի շատ աշխատանքներ գտնվում են մասնավոր հավաքածուներում, աշխարհի տարբեր քաղաքներում։ Ռ. Արուտչյանը հեղինակ է մի շարք դիզայներական նախագծերի, որմնանկարների, հուշամեդալների, զինանշանների և այլն։

Պարգևներ

• 1976 Մոսկվայի «Երկրի երիտասարդությունը» համամիութենական ցուցահանդեսի դիպլոմ և մրցանակ
• 1979, 1997 Առաջին հանրապետական ցուցահանդեսի մրցանակ
• 1986 «Մեկական աշխատանքի» հանրապետական ցուցահանդեսի մեդալ՝ լավագույն գրաֆիկայի համար
• 1996 Հայկական նոր թղթադրամների էսքիզների մրցույթի մրցանակ
• 2000 Հայաստանի նոր 50.000 դրամ թղթադրամի էսքիզների մրցույթի առաջին մրցանակ
• 2001 Հայկական դրամի նշանի էսքիզի մրցույթի առաջին մրցանակ
• 2007 Շուշի քաղաքի զինանշանի մրցույթի առաջին մրցանակ
• 2012 Լեռնային Ղարաբաղի Հանրապետության «Երախտագիտություն» մեդալ
• 2012 ՀՀ վաստակավոր նկարիչ

Աղբյուրներ

• MyArt ― Ռուբեն Արուտչյան
• Ներշնչանքի աղբյուր նախընրելով Շուշին