Սուրեն Առաքելյան (ԽՍՀՄ հերոս)

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տես՝ Սուրեն Առաքելյան (այլ կիրառումներ)
Սուրեն Սմբատի Առաքելյան
Սուրեն Առաքելյան (ԽՍՀՄ հերոս).jpg
1911 - սեպտեմբերի 23, 1943(1943-09-23)
Ծննդավայր Տաթև, Սյունիքի մարզ
Մահվան վայր Անապայի շրջան, Կուրբատսկ
Զորատեսակ հետևազոր
Կոչում senior sergeant
Զորամաս 526-րդ հրաձգային դիվիզիա
89-րդ Հայկական հրաձգային դիվիզիա
Մարտեր/պատերազմներ Հայրենական մեծ պատերազմ
Պարգևներ Լենինի շքանշան և Խորհրդային Միության հերոս

Սուրեն Սմբատի Առաքելյան[1] (1911, Տաթև, Սյունիքի մարզ - 1943, սեպտեմբերի 23, Անապայի շրջան, Կուրբատսկ)[2], Հայրենական մեծ պատերազմի մասնակից, Խորհրդային Միության հերոս, ավագ սերժանտ։ ԽՄԿԿ անդամ 1943 թ.-ից։

Կենսագրություն[խմբագրել | խմբագրել կոդը]

Սուրեն Առաքելյանը ծնվել է 1911 թվականի նոյեմբերի 8-ին, Տաթև գյուղում (այժմ՝ Գորիսի շրջան, Հայաստան), գյուղացու ընտանիքում։ Ավարտել է 5–րդ դասարանը։ 1930-1933 թթ․ աշխատել է հարազատ գյուղի կոլտնտեսությունում։

1933—1935 թվականներին ծառայել է Խորհրդային բանակում։ 1936 թվականից ՆԿՎԴ–ի մարմինների աշխատակից է եղել։ 1941 թվականին կամավորագրվել է ռազմաճակատ։ Մարտական մկրտությունը ստացել է Կովկասում 1942 թվականի մարտին։ 1942 թվականի դեկտեմբերին Առաքելյանը եղել է 526-րդ հրաձգային գնդի, 89-րդ հրաձգային դիվիզիայի հրաձգային բաժնի հրամանատար։ 1941–1943 թվականներին, Հայրենական մեծ պատերազմի ժամանակ, 89-րդ Հայկական հրաձգային դիվիզիայի կազմում մասնակցել է Կովկասի պաշտպանությանը։ 1943 թ.-ի սեպտեմբերի 18-ին, Նովոռոսիյսկի մոտ Կուրբատսկայա բնակավայրի ազատագրման ժամանակ, դասակի հրամանատար Առաքելյանն իր մարմնով ծածկեց ֆաշիստական գնդացրի հրակնատը և ապահովեց ստորաբաժանման առաջխաղացումը[3]: Ավագ սերժանտ Առաքելյանը թաղված է Կրասնոդարի երկրամասի Անապայի շրջանի Կուրբատսկի տնտեսությունում։

ԽՍՀՄ Գերագույն խորհրդի նախագահության 1944 թ.-ի մայիսի 16-ի հրամանագրով Սուրեն Առաքելյանին հետմահու շնորհվել է Խորհրդային Միության հերոսի կոչում նացիստական զավթիչների դեմ մղված պայքարում հրամանատարական հանձնարարականների օրինակելի կատարման համար ցուցաբերած խիզախության և հերոսության դիմաց։

Սուրեն Առաքելյանի հուշարձանը Տաթև գյուղում

Շքանշաններ և պարգևներ[խմբագրել | խմբագրել կոդը]

Տես նաև[խմբագրել | խմբագրել կոդը]

Գրականություն[խմբագրել | խմբագրել կոդը]

  • Герои Советского Союза։ Краткий биографический словарь / Пред. ред. коллегии И. Н. Шкадов. — М.։ Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
  • Амирханян М. Д. Армяне — Герои Советского Союза. Ер., 2005. — 202 с.։ ISBN 99930-4-342-7
  • Саркисян С. Т. Энциклопедия Арцах-Карабаха. Спб., 2005. — 312 с.։ ил. ISBN 5-9676-0034-5

Ծանոթագրություններ[խմբագրել | խմբագրել կոդը]

  1. Наградной лист в электронном банке документов «Подвиг Народа» (архивные материалы ЦАМО, ф. 33, оп. 793756, д. 3, л. 12)
  2. Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
  3. Անապայի ազատագրման և պաշտպանության համար կռված հերոսներ

Արտաքին հղումներ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png