Սոզոմեն (հուն․՝ Σωζομενός, շուրջ 400 - 450 թթ.), վաղ քրիստոնեական շրջանի եկեղեցական պատմիչ, մասնագիտությամբ փաստաբան։ Հեղինակ է 9 գրքից բաղկացած «Եկեղեցական պատմության», որտեղ շարադրում է 312-425 թթ. ժամանակահատվածում ընկած հիմնականում եկեղեցական, բայց նաև քաղաքական իրադարձությունները։ Արժեքավոր տեղեկություններ է պարունակում Հայաստանում և Վիրքում քրիստոնեության հաստատման և տարածման վերաբերյալ (տես, ի մասնավորի, աշխատության II գրքի 8-րդ գլուխը)։
