Սեռա դա Կանաստրա ազգային պարկ

Վիքիպեդիայից՝ ազատ հանրագիտարանից
Picto infobox plant.png
Սեռա դա Կանաստրա ազգային պարկ
Parque Nacional da Serra da Canastra
Serra da Canastra.jpg
Տեսակազգային պարկ
Կազմված էՍեռադո
ԵրկիրFlag of Brazil.svg Բրազիլիա
ՎարչատարածքՄինաս Ժերաիս
Հիմնվել էապրիլի 3, 1972
Մակերես1979 կմ² և 197 973 հեկտար
ԲԾՄ1106 մետր
ԿառավարումԲրազիլիայի դաշնային կառավարություն
Սեռա դա Կանաստրա ազգային պարկը գտնվում է Բրազիլիաում
Սեռա դա Կանաստրա ազգային պարկ

Սեռա դա Կանաստրա ազգային պարկ (պորտ.՝ Parque Nacional da Serra da Canastra), ազգային պարկ Մինաս Ժերայս նահանգի Կանաստրա կոչվող լեռներում, Բրազիլիա։

Տեղագրություն[խմբագրել | խմբագրել կոդը]

Սեռա դա Կանաստրա ազգային պարկը գտնվում է Մինաս ժերայսի հարավ-արևմուքում՝ Ռիո Գրանդի գետի հյուսիսում[1]։ Այն մտնում է Սեռադո բիոմի մեջ։ Պարկը ստեղծվել է 1972 թվականի ապրիլի 3-ին 70.355 հրամանագրով։ Ընդգրկում է 197810 հա տարածք և կառավարվում է Չիկո Մենդեսի Կենսաբազմազանության պահպանության ինստիտուտի կողմից[2]։ Ազգային պարկը սփռված է Սան Ռոկի դի Մինաս, Սակրամենտու, Կապիտոլիու, Վարժեն Բոնիտա, Սան Ժուան Բատիստա դու Գլորիա ու Դելֆինոպոլիս մունիցիպալիտետներում՝ Մինաս Ժերայս նահանգում[3]։ 2016 թվականի դրությամբ, Կանաստրայի սարահարթում միայն պարկի 70000 հա տարածքն էր կանոնակարգված նախկին սեփականատերերի փոխհատուցմամբ[1]։

Տեղագրություն[խմբագրել | խմբագրել կոդը]

Պարկն ընկած է Սան Ֆրանցիսկու և Պարանա գետերի ջրկիցում։ Այն պաշտպանում է Սան Ֆրանցիսկու գետի ակունքը, որը հոսում է պարկից դեպի արևելք։ Հարավում այն սնուցում է Ռիո Գրանդին, իսկ հարավում՝ Արագուարի գետը, որը հանդիսանում է Պարանաիբա գետի վտակը։ Ռիո Գրանդի և Պարանաիբա գետերը հոսելով դեպի արևմուտք՝ առաջացնում են Պարանան[1]։

Պարկը գտնվում է 750-1490 մետր բարձրության վրա[3]։ Ճանապարհը հատում է պարկի ամենաբարձր հատվածը՝ արևելքից արևմուտք, ավելի քան 60 կիլոմետր։ Ազգային պարկը ներառում է մի շարք գեղատեսիլ վայրեր, ինչպիսիք են քարափները՝ կտրուկ ջրվեժներով, ներառյալ Կասկա Դ'անտան, որն առաջին ջրվեժն է Սան Ֆրանցիսկու գետի վրա՝ 186 մետր անկումով։ Մյուս տեսարժան վայրերն են Գարագեմ դե Պեդրասը և Կուրրալ դե Պեդրասը։ Դիտակետերին կարելի է հասնել՝ անցնելով հողային ճանապարհով լավ եղանակին։ Ամենաբարձր գագաթներն ունեն գրեթե 1500 մետր բարձրություն[1]։

Շրջակա միջավայր[խմբագրել | խմբագրել կոդը]

Ջերմաստիճանը տատանվում է 1-ից մինչև 29 °C, իսկ միջինը՝ 18 °C է։ Տարեկան տեղումների միջին քանակը 1250 մմ է[3]։ Բուսականության մեծ մասը ժայռոտ դաշտերն են և Սեռադո՝ գետեզերյա անտառի հովիտներով և կիրճերով։ Պարկում կան բուսական աշխարհի 45 էնդեմիկ տեսակներ։ Դրանց թվում են Hololepis, հալևորուկը, սղոցին, երջնակը և այլն[3]։

Կենդանական աշխարհն ընդգկում է թփուտների շուն, պամպաների եղնիկ, բաշավոր գայլ, հսկայական զրահակիր, մեծ ջրասամույր, պումա, գուան և այլն։

Պահպանություն[խմբագրել | խմբագրել կոդը]

Պարկը դասվում է Բնության պահպանության միջազգային միության II կատեգորիային (ազգային պարկ)։ Նպատակն է՝ պահպանել բնական էկոհամակարգերը և նպաստել գիտական հետազոտությունների զարգացմանը, բնապահպանական կրթական գործունեության բարելավմանը, ինչպես նաև ապահովել բացօթյա հանգիստ ու էկոտուրիզմ[3]։

Պարկում պահպանվող թռչուններից են Alectrurus tricolor, Amazona vinacea, Coryphaspiza melanotis, ինչպես նաև օնցիլլան (Leopardus tigrinus), օցելոտը (Leopardus pardalis), Leopardus pajeros[2]։

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 «Parque Nacional da Serra da Canastra – ICMBio»։ Արխիվացված է օրիգինալից 2019-03-30-ին։ Վերցված է 2019-03-31 
  2. 2,0 2,1 «Parque Nacional da Serra da Canastra – Chico Mendes»։ Արխիվացված է օրիգինալից 2017-02-10-ին։ Վերցված է 2019-03-31 
  3. 3,0 3,1 3,2 3,3 3,4 Unidade de Conservação ... MMA

Աղբյուրներ[խմբագրել | խմբագրել կոդը]