Օնցիլլա

Վիքիպեդիայից՝ ազատ հանրագիտարանից
Jump to navigation Jump to search
Օնցիլլա
Օնցիլլա
Գիտական դասակարգում
Թագավորություն Կենդանիներ
Տիպ Քորդավորներ
Դաս Կաթնասուններ
Կարգ Գիշատիչներ
Ընտանիք Կատվազգիներ
Ենթաընտանիք Փոքր կատուներ
Ցեղ Վագրային կատուներ
Տեսակ Օնցիլլա
Լատիներեն անվանում
Leopardus tigrinus
Հատուկ պահպանություն
Status iucn3.1 VU hy.svgԽոցելի տեսակ
Խոցելի տեսակ
IUCN 3.1 Vulnerable : ???
Հոմանիշներ
  • Felis pardinoides
Արեալ
պատկեր

Wikispecies-logo.svg
Դասակարգումը
Վիքիցեղերում

Commons-logo.svg
Պատկերներ
Վիքիպահեստում

ITIS 621868
NCBI 46842

Օնցիլլա (լատ.՝ Leopardus tigrinus), կատվազգիների ընտանիքի գիշատիչ կաթնասուն։

Արտաքին տեսքը[խմբագրել | խմբագրել կոդը]

Այս վայրի կատվի անվանումը թարգմանաբար նշանակում է «փոքրիկ յագուար», որովհետև նա կառուցվածքով և գունավորմամբ նման է յագուարին։ Օնցիլլան Հարավամերիկյան կատուներից ամենափոքրն է. չափերով նա փոքր է անգամ իր ամենամոտ ցեղակիցներից՝ օցելոտից և երկարապոչ կատվից, սակայն մեծ է սովորական տնային կատվից։ Խոշոր արու առանձնյակի զանգվածը կազմում է 2,8-3 կգ, իսկ մարմնի երկարությունը 65 սմ է. պոչը կարճ է (30-40 սմ), աչքերն ու ականջները համեմատաբար մեծ ե քան Leopardus դասի այլ ներկայացուցիչների մոտ։

Տարածվածությունը և ենթատեսակները[խմբագրել | խմբագրել կոդը]

Օնցիլլան հանդիպում է Կոստա Ռիկայից ու հյուսիսային Պանամայից մինչև Բրազիլիայի հարավ-արևելքը ու Արգենտինայի հյուսիսը։ Ամազոնի ավազանում նրա հետ հանդիպումների մասին տեղեկություններ չկան. հավանաբար նրա արեալը սահմանափակվում է լեռնային և մերձարևադարձային անտառներով։

Հայտնի են օնցիլլայի 3-4 ենթատեսակներ՝

Ապրելակերպը[խմբագրել | խմբագրել կոդը]

Օնցիլլաները բնակվում են մերձարևադարձային, խոնավ և մշտականչ ատառներում, մինչև 3000 մ բարձրության վրա։ Օնցիլլան վատ ուսումնասիրված տեսակ է։ Հավանաբար նա ապրում է միայնակ, ակտիվանում է գիշերը, իսկ ցերեկը հանգստանում է ծառերի ճյուղերին, որտեղ նրա գունավորումը նրան համարյա անտեսանելի է դարձնում։ Սնվում է մանր կրծողներով, թռչուններով, հնարավոր է նաև ոչ թունավոր օձերով և գորտերով։ Բրազիլիայում օնցիլլաները որսում են նաև ոչ մեծ պրիմատներին։

Օնցիլլայի էգ առանձնյակի հղիությունը տևում է 74-78 օր, ծնում է 1-2 ձագ, որոնց աչքեր բացվում են ծնունդից երեք շաբաթ հետո։ Օնցիլլաները դառնում են սեռահասում 1-2 տարեկան հասակում։

Կյանքի տևողությունը անազատության մեջ՝ 20 տարի, վայրի բնության մեջ՝ 12-15 տարի։

Պոպուլյացիայի քանակը և պահպանությունը[խմբագրել | խմբագրել կոդը]

Օնցիլլաները լայն տարածված են, սակայն հազվադեպ են հանդիպում։ 1970-80-ական թթ. նրանց որսացել են գեղեցիկ մորթու համար։ Այժմ օնցիլլաների թիվը գնահատվում է 50000 հասուն առանձնյակ, սակայն այս թիվը գանլով պակասում է անտառահատման և որսագողության պատճառով։

Օնցիլլաների որսը ամբողջ արեալում արգելված է, սակայն նրանք առաջվա պես չեն գտնվում պահպանության տակ Էկվադորում, Գայանայում, Նիկարագուայում, Պանամայում և Պերուում։

Անազատության մեջ օնցիլլան հեշտ է հարմարվում, սակայն եվրոպական կենդանաբանական այգիներում նա շատ հազվադեպ է հանդիպում։

Արտաքին հղումներ[խմբագրել | խմբագրել կոդը]