Սեդովի փողոց (Դոնի Ռոստով)

Վիքիպեդիայից՝ ազատ հանրագիտարանից
Սեդովի փողոց
Երկիր Ռուսաստան
Գտնվում էԴոնի Ռոստով
Երկարություն1,9 կմ
Անվանվել էԳեորգի Սեդով
Փոստային ինդեքս344006, 344022

Սեդովի փողոց (ռուս.՝ Улица Седова), փողոց Ռուսաստանի Դաշնության Դոնի Ռոստով քաղաքի Կիրովի շրջանում։ Անվանվել է ռուս բևեռախույզ, հիդրոգրաֆ Գեորգի Յակովլևիչ Սեդովի (1877-1914) պատվին։ Սկիզբ է առնում Վորոշիլովի պողոտայից և ավարտվում Գրիբոյեդովի նրբանցքի հետ հատումով։ Նախկինում կոչվել է Վերխնեբուլվարնայա փողոց[1]։ Երկարությունը 1,9 կիլոմետր է։

Նկարագրություն[խմբագրել | խմբագրել կոդը]

Դոնի Ռոստով քաղաքի Սեդովի փողոցը սկսվում է Վորոշիլովի պողոտայից, հատում Սոկոլովի պողոտան, Նիժնեբուլվարնայա փողոցը, Չեխովի պողոտան, Կռիլովի, Ունիվերսիտետսկի նրբանցքները, Բոգատյանովսկի զառիվայր պողոտան, Ժուրավլյովի, Կրեպոստնոյ, Դերժավինի նրբանցքները, Փետրվարի 7-ի փողոցը և ավարտվում Գրիբոյեդովի նրբանցքի հետ հատումով։ Զուգահեռ է Նիժնեբուլվարնայա և Կրասնիխ Զոր փողոցներին։ Երկարությունը 1900 մետր է։ Փողոցում կա համարակալված 157 շինություն։

Սեդովի փողոցի փոստային դասիչներն են՝ 344006, 344022։

Փողոցն անվանվել է ռուս բևեռախույզ, հիդրոգրաֆ Գեորգի Յակովլևիչ Սեդովի (1877-1914) պատվին։ Նա ավարտել է Դոնի Ռոստովի ծովագնացության դասընթացները, ապա՝ Ծովային կորպուսը։ 1902 թվականից կատարել է ջրագրական, աշխարհագրական, քարտեզական աշխատանքներ Հյուսիսային սառուցյալ օվկիանոսում, Կոլիմայի գետաբերանում, Կասպից ծովում, Նոր երկիր և Ֆրանց Յոսիֆի երկիր կղզեխմբերում, ճշտել այդ վայրերի քարտեզները, հատկապես Նոր երկրի ափագիծը։ Ռուս-ճապոնական պատերազմի ժամանակ եղել է ականակրի հրամանատար։ 1914 թվականին սահնակներով ուղևորվել է դեպի Հյուսիսային բևեռ և Ռուդոլֆի կղզուն չհասած մահացել է[2]։

Ջրային տրանսպորտի ինստիտուտի շենքը

Դոնի Ռոստովի Սեդովի և Նիժնեբուլվարնայա փողոցների միջև գտնվող պուրակում տեղադրված է Գեորգի Սեդովի հուշարձանը[3]։ Սեդովի փողոց, 8 հասցեով գործում է Ջրային տրանսպորտի ինստիտուտը, որը կոչվում է Գ. Յ. Սեդովի անունով[4]։

Ծանոթագրություններ[խմբագրել | խմբագրել կոդը]

  1. «Здание Ростовского морского колледжа».
  2. «Հայկական Սովետական Հանրագիտարան, հ. 10, էջեր 264».
  3. «Памятник Седову Г.Я.». Վերցված է 2019 Մայիս 8-ին.
  4. «Институт водного транспорта имени Г.Я. Седова – филиал ФГБОУ ВО «Государственный морской университет имени адмирала Ф.Ф. Ушакова»». Վերցված է 2019 Մայիս 8-ին.

Աղբյուրներ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]