Ռոստովի ծովագնացական դասընթացների շենք
![]() | |
Տեսակ | շենք |
Երկիր | ![]() |
Տեղագրություն | Դոնի Ռոստով |
Հիմնադրված է | 1896 |
Ժառանգության կարգավիճակ | Ռուսաստանի մարզային նշանակության մշակութային ժառանգության օբյեկտ |
![]() | |
![]() | |
Ռոստովի ծովագնացական դասընթացների շենք (ռուս.՝ Здание ростовских мореходных классов), շենք Ռուսաստանի Դոնի Ռոստով քաղաքում, որը Ռոստովի ծովագնացական դասընթացների համար 1896 թվականին կառուցել է ճարտարապետ Վլադիմիր Շկիտկոն[1]։ Գտնվում է ք. Դոնի Ռոստով, Սեդովի փող., 8/2, լիտեր B հասցեով[2]։ Ներկայում շենքում գործում է Գ. Յ. Սեդովի անվան ջրային տրանսպորտի ինստիտուտը։ Ռոստովի ծովագնացական դասընթացների շենքն ունի տարածաշրջանային նշանակության մշակութային ժառանգության օբյեկտի կարգավիճակ[2]։
Պատմություն
[խմբագրել | խմբագրել կոդը]![](http://upload.wikimedia.org/wikipedia/commons/thumb/f/f3/Marine_classes._Rostov-on-Don.jpg/200px-Marine_classes._Rostov-on-Don.jpg)
Ծովագնացական դասընթացները Դոնի Ռոստով քաղաքում բացվել են 1876 թվականին Դոնի երկրամասի հասարակության նախաձեռնությամբ։ Սկզբնապես նրանք գործում էին վարձակալած տարածքում։ Վերխնեբուլվարնայա փողոցում (այժմ՝ Սեդովի փողոց) սեփական շենքը կառուցվել է 1896 թվականին այն բանից հետո, երբ դասընթացներին շնորհվեց 3-րդ կարգ[3]։ Շինության նախագծի հեղինակն էր ռոստովցի ճարտարապետ Վլադիմիր Կարպովիչ Շկիտկոն[1]։ 1914 թվականին մոտակայքում կառուցվեց ռազմածովային դպրոցի նոր շենքը[3]։
1950 թվականին Ռոստովի ծովագնացական դասընթացների շենքի ճակատին փակցվեց հուշատախտակ հետևյալ տեքստով. «Այս շենքում 1895-1899 թվականներին սովորել է բևեռախույզ Գ. Յ. Սեդովը (1877-1914)»[1]։ Ռոստովի մարզի վարչակազմի ղեկավարի 1998 թվականի հոկտեմբերի 9-ի թիվ 411 հրամանով Ռոստովի ծովագնացական դասընթացների շենքը վերցվել է պետական պաշտպանության տակ որպես տարածաշրջանային նշանակության մշակութային ժառանգության օբյեկտ[2]։
Ճարտարապետություն
[խմբագրել | խմբագրել կոդը]![](http://upload.wikimedia.org/wikipedia/commons/thumb/f/f2/%D0%97%D0%B4%D0%B0%D0%BD%D0%B8%D0%B5_%D0%A0%D0%BE%D1%81%D1%82%D0%BE%D0%B2%D1%81%D0%BA%D0%B8%D1%85_%D0%9C%D0%BE%D1%80%D0%B5%D1%85%D0%BE%D0%B4%D0%BD%D1%8B%D1%85_%D0%9A%D0%BB%D0%B0%D1%81%D1%81%D0%BE%D0%B2_2.jpg/250px-%D0%97%D0%B4%D0%B0%D0%BD%D0%B8%D0%B5_%D0%A0%D0%BE%D1%81%D1%82%D0%BE%D0%B2%D1%81%D0%BA%D0%B8%D1%85_%D0%9C%D0%BE%D1%80%D0%B5%D1%85%D0%BE%D0%B4%D0%BD%D1%8B%D1%85_%D0%9A%D0%BB%D0%B0%D1%81%D1%81%D0%BE%D0%B2_2.jpg)
Երկհարկանի աղյուսե շենքի ճակատը նայում է Սեդովի փողոցին։ Համաչափ ճակատի ճարտարապետական-գեղարվեստական հորինվածքը ձևավորվում են երեք ելուստավորումները՝ շենքի ողջ բարձրությամբ ձգվող թիակներով։ Առաջին հարկը կոպտատաշ քարից է։ Առաջին հարկի լուսամուտատեղերը զարդարված են մեծ կողպեքներով և պատուհանագոգային ներդիրներով։ Գլխավոր մուտքն ընդգծվում է երկսյուն նախամուտքով։ Երկրորդ հարկում թիակները զարդարված են կոպտատաշվածքով։ Լուսամուտատեղերի կամարաղեղները նույնպես կոպտատաշված են[1]։ Սկզբնապես շենքի կենտրոնական մասում եղել է աշտարակ (այժմ կորսվել է)։ Շենքն ունի պլանավորման միջանցքային համակարգ՝ սենյակների երկկողմանի տեղադրմամբ[1]։
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 Шулепова Э. А. Материалы свода памятников истории и культуры РСФСР. Ростовская область.. — М.: Изд-во НИИ культуры, 1990. — С. 21—22.
- ↑ 2,0 2,1 2,2 «Ростов-на-Дону (объекты культурного наследия регионального значения)». Официальный портал Правительства Ростовской области. Արխիվացված է օրիգինալից 2013 թ․ սեպտեմբերի 14-ին. Վերցված է 2013 թ․ օգոստոսի 28-ին.
- ↑ 3,0 3,1 «Здание Ростовского морского колледжа». voopiik-don.ru. Վերցված է 2013 թ․ սեպտեմբերի 8-ին.