Սարերում
| Սարերեում | |
|---|---|
| Տեսակ | բանաստեղծություն |
| Ժանր | բանաստեղծություն |
| Ձև | բանաստեղծություն |
| Հեղինակ | Հովհաննես Թումանյան |
| Բնագիր լեզու | հայերեն |
| Գրվել է | 1891 |
| Հրատարակվել է | 1892 |
| Վիքիդարան | Սարերում |
«Սարերում», Հովհաննես Թումանյանի բանաստեղծություններից՝ գրված 1891 թվականին[1]։
Պատմություն[խմբագրել | խմբագրել կոդը]
Հովհաննես Թումայնանն այս բանաստեղծությունը գրել է 1891 թվականին[1]։ Եղիշե Չարենցի անվան գրականության և արվեստի թանգարանի Թումանյան ֆոնդի № 22-ում պահվում է մեկ ինքնագիր՝ թվագրված՝ «1891 թ․ ապրիլի 15», վերնագրված՝ «Մի պատկեր» (հանված է «Մուրճ» ամսագրի արխիվից)։
Առաջին անգամ, «Մի պատկեր» վերնագրով, տպագրվել է Մոսկվայում՝ 1892 թվականին լույս տեսած Հովհաննես Թումանյանի բանաստեղծությունների երկրորդ հատորում (Էջ 66-68)[1]։ Այնուհետև «Սարերում» վերնագրով՝ կրճատումներով և մշակված՝ 1903 թվականին Թիֆլիսում լույս տեսած Հովհաննես Թումանյանի բանաստեղծությունների գրքում (էջ 17-18), հետո՝ 1908 թվականին Բաքվում լույս տեսած Հովհաննես Թումանյանի բանաստեղծությունների գրքում (էջ 16-17), ապա՝ Երևանում 1940-1959 թվականներին լույս տեսած Հովհաննես Թումանյանի երկերի ժողովածուի գիտական հրատարակության առաջին հատորում (էջ 68-69)։
Արտատպվել է 1908 թվականին՝ Բաքվում լույս տեսած Հովհաննես Թումանյանի բանաստեղծությունների գրքից[1]։
