Սամվել Գաբրիելյան

Վիքիպեդիայից՝ ազատ հանրագիտարանից
Jump to navigation Jump to search
Վիքիպեդիայում կան հոդվածներ Գաբրիելյան ազգանունով այլ մարդկանց մասին:
Սամվել Գաբրիելյան
Սամվել Գաբրիելյան.jpg
Ծնվել էապրիլի 3, 1951(1951-04-03)
ԾննդավայրԼեռնային Ղարաբաղ, Արցախ
Վախճանվել էհուլիսի 22, 2015(2015-07-22) (64 տարեկանում)
Մահվան վայրՍտեփանակերտ
Ազգությունհայ
ԿրթությունՓանոս Թերլեմեզյանի անվան գեղարվեստի պետական քոլեջ և Երևանի պետական գեղարվեստա-թատերական ինստիտուտ
Մասնագիտություննկարիչ
ԱնդամակցությունԽՍՀՄ նկարիչների միություն

Սամվել Գուրգենի Գաբրիելյան (ապրիլի 3, 1951(1951-04-03), Լեռնային Ղարաբաղ, Արցախ - հուլիսի 22, 2015(2015-07-22), Ստեփանակերտ), հայ նկարիչ: ԼՂՀ վաստակավոր նկարիչ (2011 թ.): ԽՍՀՄ նկարիչների միության անդամ (1983 թ.):

Կենսագրություն[խմբագրել | խմբագրել կոդը]

Սամվել Գաբրիելյանը ծնվել է 1951 թվականին ԼՂՀ Ասկերանի շրջանի Սզնեք գյուղում: 1969-1973 թվականներին սովորել է Երևանի Փանոս Թերլեմեզյանի անվան գեղարվեստի ուսումնարանի, 1973-1979 թվականներին՝ Երևանի գեղարվեստա-թատերական ինստիտուտի գեղանկարի բաժնում։ Մասնակցել է բազմաթիվ հանրապետական և համամիութենական ցուցահանդեսների։ Ստեղծել է կոմպոզիցիաներ, խորհրդանշական ֆիգուրներ: 1993 թվականից բազմաթիվ խմբային և անհատական ցուցահանդեսներ է ունեցել ԱՄՆ-ում, Անգլիայում, Իտալիայում, Գերմանիայում, Հունաստանում, Կիպրոսում, Ֆինլանդիայում, Եգիպտոսում, Լիբանանում, Արաբական Միացյալ Էմիրություններում, Բրազիլիայում և այլ երկրներում։ 2007 թվականից եղել է ԼՂՀ-ում գործող «ԳԱՄ-արտ» Արցախի նկարիչների միջազգային միության հիմնադիրներից ու նախագահը։ Դասավանդել է Շուշիի Գյուրջյանի անվան կիրառական արվեստի ինստիտուտում և Աստղաշենի արվեստի դպրոցում։ Գաբրիելյանի տեղծագործությունները գտնվում են Հայաստանի ազգային պատկերասրահում, ՀՀ մշակույթի նախարարության, Հայաստանի նկարիչների միության ֆոնդերում, արտասահմանյան մասնավոր հավաքածուներում։ 2013 թվականին Շուշիում բացված Կերպարվեստի պետական թանգարանի նվիրատուներից է[1][2][3]։

Պարգևներ[խմբագրել | խմբագրել կոդը]

  • ԼՂՀ Եղիշեի անվան մրցանակ, 1994 թ.
  • ԼՂՀ վաստակավոր նկարիչ, 2011 թ.

Հիշատակ[խմբագրել | խմբագրել կոդը]

2016 թվականին Ստեփանակերտի մշակույթի և երիտասարդության պալատում տեղի է ունեցել Սամվել Գաբրիելյանի հիշատակին նվիրված ցուցահանդես[4]:

Ծանոթագրություններ[խմբագրել | խմբագրել կոդը]