Սամսոն Դավոյան

Վիքիպեդիայից՝ ազատ հանրագիտարանից
Jump to navigation Jump to search
Սամսոն Դավոյան
Samson1.jpg
Ծնվել էմարտի 1, 1948(1948-03-01) (71 տարեկան)
ԾննդավայրԱխուրյան, Շիրակի մարզ, Հայաստան, ԽՍՀՄ
Ազգությունհայ
ԿրթությունԵրևանի պետական համալսարան
Գիտական աստիճանտնտեսագիտության դոկտոր
Մասնագիտությունտնտեսագետ

Սամսոն Աշոտի Դավոյան (մարտի 1, 1948(1948-03-01), Ախուրյան, Շիրակի մարզ, Հայաստան, ԽՍՀՄ), հայ տնտեսագետ: Տնտեսագիտության դոկտոր (2003), Երևանի պետական և Հայ-ռուսական համալսարանների պրոֆեսոր (2003), ԲՈԿ 015 խորհրդի Նախագահ:

Կրթություն[խմբագրել | խմբագրել կոդը]

1955-1965 թթ. սովորել է Լենինականի թիվ 15 միջնակարգ դպրոցում: 1965 թ. ընդունվել է ԵՊՀ տնտեսագիտության ֆակուլտետի «Տնտեսագիտական կիբեռնետիկա» բաժինը, որտեղից 1967 թ. գործուղվել է  Նովոսիբիրսկի պետական համալսարան` անհատական ծրագրով ուսումը շարունակելու: 1969 թ. եղել է Մ. Նալբանդյանի անվան թոշակառու: 1970 թ. գերազանցությամբ ավարտել է համալսարանը և ընդունվել Մոսկվայում ԽՍՀՄ Գիտությունների ակադեմիայի Կենտրոնական տնտեսամաթեմատիկական ինստիտուտի ասպիրանտուրան:

1976 թվականից տնտեսագիտության թեկնածու է, 1980 թվականից` դոցենտ: 2003 թ. նրան շնորհվել է տնտեսագիտության դոկտորի գիտական աստիճան և պրոֆեսորի գիտական կոչում[1]:

Աշխատանք[խմբագրել | խմբագրել կոդը]

Սամսոն Դավոյանը ՀՊՏՀ Գյումրու մասնաճյուղում։

1991-1994 թթ. աշխատել է ՀՀ կառավարությանն առընթեր պետական գույքի տնօրինման և ապապետականացման կոմիտեի նախագահի առաջին տեղակալ, 1994-1995 թթ. վերապատրաստվել է Վիեննայում գործող Համաշխարհային բանկի և Միավորված ազգերի կազմակերպության համատեղ ինստիտուտում, այնուհետև` Պրահայի Կառլի անվան համալսարանում՝ «Շուկայական տնտեսություն և ֆինանսական վերլուծություն» մասնագիտությամբ:

1996-1997 թթ. աշխատել է ՀՀ սեփականաշնորհման և օտարերկրյա ներդրումների նախարարությունում որպես մեթոդական վարչության պետ, 1997-2000 թթ.՝ Կառավարման և տնտեսական բարեփոխումների ինստիտուտի տնօրեն, 2000-2001 թթ.` ՀՀ կառավարության աշխատակազմի տնտեսագիտական վարչության պետ, 2005-2007 թթ.` տնտեսագիտական մասնագիտությունների գծով թեկնածուական և դոկտորական ատենախոսությունների պաշտպանության թիվ 60 մասնագիտական խորհրդի նախագահ: Եղել է Միավորված ազգերի կազմակերպության և ՀՀ կենտրոնական բանկի փորձագետ:

2000 թվականից Հայաստանի պետական տնտեսագիտական համալսարանի Գյումրու մասնաճյուղի տնօրենն է:

2003 թվականից Երևանի պետական և Ռուս-հայկական (Սլավոնական) համալսարանների պրոֆեսոր է:

2019 թվականից ԲՈԿ 015 մասնագիտական խորհրդի նախագահ։

Գիտական գործունեություն[խմբագրել | խմբագրել կոդը]

Հեղինակ է 5 մենագրությունների և 100-ից ավելի գիտական հոդվածների: Հանդիսանում է չորս տասնյակից ավել տնտեսագիտության գծով հայցորդների և ասպիրանտների գիտական ղեկավար:

Մասնակցել է  20-ից ավելի միջազգային գիտաժողովների` Նյու Յորքում, Լոնդոնում, Փարիզում, Վիեննայում, Բանգկոկում, Վենետիկում, Սոֆիայում, Բարսելոնում, Մոսկվայում և այլ քաղաքներում:

Ամուսնացած է, ունի երեք զավակ:

Երկեր[խմբագրել | խմբագրել կոդը]

  • Պետական սեփականության կառավարում, Երևան, 2003:

Ծանոթագրություններ[խմբագրել | խմբագրել կոդը]

  1. «Սամսոն Աշոտի Դավոյան»։ ysu.am (անգլերեն)։ Վերցված է 2017-02-20