Սաբրինայի սարսափազդու արկածները (հեռուստասերիալ)
«Սաբրինայի սարսափազդու արկածները» (անգլ.՝ The Chilling Adventures of Sabrina), սարսափ ժանրի ամերիկյան հեռուստասերիալ, որը ստեղծվել է Ռոբերտ Ագուիրե-Սակասայի կողմից։ Հիմնված է նույնանուն Archie Comics-ի վրա և արտադրված է Warner Bros. Television-ի և «Ռիվերդեյլ» հեռուստասերիալի արտադրողների կողմից։ Սերիալի պրեմիերան տեղի է ունեցել 2018 թվականի հոկտեմբերի 26-ին՝ Նեթֆլիքս հարթակում։
Առաջին եթերաշրջանը բաժանված է 2 մասի, յուրաքանչյուրը բաղկացած 10 սերիաներից։
2018 թվականի դեկտեմբերի 14-ին թողարկվել է հատուկ սերիա Սուրբ Ծննդյան տոնի առթիվ։ Առաջին եթերաշրջանի երկրորդ մասի պրեմիերան կայացել է 2019 թվականի ապրիլի 5-ին։
Հատուկ սերիայի թողարկումից անմիջապես հետո Նեթֆլիքսը հայտարարել է, որ սերիալը երկարաձգվել է երկրորդ եթերաշրջանով։ Այն բաղկացած է 16 սերիաներից և նույնպես բաժանված է 2 մասի։ Երկրորդ եթերաշրջանի առաջին մասի պրեմիերան կայացել է 2020 թվականի հունվարի 24-ին։ 2020 թվականի հուլիսին Նեթֆլիքսը հայտարարել է սերիալի փակման մասին, իսկ երկրորդ եթերաշրջանի պրեմիերան կկայանա 2020 թվականի վերջին[4]։
Սյուժե[խմբագրել | խմբագրել կոդը]
Սաբրինա Սփելմանը կիսամարդ և կիսակախարդուհի է, որն ապրում է փոքր քաղաք Գրինդեյլում։ Հելոուինի օրը լրանում է նրա 16 ամյակը, և նա ստիպված է մկրտվել, որպեսզի խոստանա, որ կծառայի Խավարի Տիրակալին։ Դա անելու համար, Սաբրինան պետք է հրաժեշտ տա իր երկրային կյանքին և գնա անտեսանելի արվեստի ակադեմիա, որպեսզսի դառնա իսկական կախարդուհի։ Սակայն նա հրաժարվում է դա անել, քանի որ չի ցանկանում հրաժեշտ տալ իր ընկերներին և ընկերոջը։ Դրա պատճառով Սաբրինան մղում է Խավարի Տիրակալի և Մթին եկեղեցու կախարդների կլանի զայրույթը։ Այժմ նա ստիպված է պայքարել իր և իր մտերիմների ազատության համար։
Դերերում[խմբագրել | խմբագրել կոդը]
- Սաբրինա Սփելման (Քիրնան Շիպկա)՝ 16-ամյա կիսամարդ-կիսակախարդ։ Սովորում է Բագստեր ավագ դպրոցում, և զուգահեռ անտեսանելի արվեստի ակադեմիայում՝ դատարանի որոշմամբ։ Հրաժարվում է իր անունը գրել «գազանի գրքում», որպեսզի պաշտպանի իր ազատությունը։ Հանդիպում է Հարվի Քինքլոնի հետ։
- Հարվի Քինքլի (Ռոսս Լինչ)՝ Գրինդեյլի բնակիչ և Բագստեր ավագ դպրոցի աշակերտ։ Հանդիպում է Սաբրինայի հետ և անտեղյակ է նրա էությունից։ Ապրում է դաժան հոր և հասկացող ավագ եղբոր հետ։ Կախարդներ որսողների հետնորդ է։
- Ռոզալինդ «Ռոուզ» Ուոքեր (Ջազ Սինքլեր)՝ Սաբրինայի ընկերուհին և Բագստեր ավագ դպրոցի աշակերտուհի։ Գրինդեյլի նախարարի աղջիկը։ Տառապում է աչքերի հիվանդությամբ՝ կախարդված կախարդների հին անեծքով։ Կարող է տեսնել այն, ինչը չեն տեսնում այլ մարդիկ։ Նման տեսիլքի միջողով կռահում է, որ Սաբրինան կախարդուհի է։
- Հիլդա Սփելման (Լյուսի Դևիս)՝ Սաբրինայի հորաքույրներից մեկը և նրա հոր փոքր քույրը։ Բարի և իմաստուն կին, որը ունի լավ հումորի զգացում։ Կարողանում է բույսեր եփել և դրանում հաճախ օգնում է Սաբրինային և նրա ընկերներին։ Անդամակցում է Մթին եկեղեցուն, սակայն արտաքսվում է Սաբրինայի կաթոլիկ մկրտությանն մասնակից լինելու համար։
- Զելդա Սփելման (Միրանդա Օտտո)՝ Սաբրինայի հորաքույրներից մեկը և նրա հոր ավագ քույրը։ Գերիշխան և ուժեղ կին, միառժամանակ նվաստացնում և սիրում է քրոջը՝ Հիլդային։ Պաշտպանում է Սաբրինային և նրա նկատմամբ մայրական զգացումներ ունի։ Նա նույնպես անդամակցում է Մթին եկեղեցուն և հավատարիմ է Խավարի Տիրակալին։
- Էմռոուզ Սփելման (Չանս Պերդոմո)՝ սևամորթ, Սաբրինայի զարմիկը Անգլիայից։ Փորձել է ոչնչացնել Վատիկանը, սակայն նրան բռնել են։ Նրան առաջարկել են ասել իր դաշնակիցների անունները՝ իր ազատության դիմաց, սակայն նա հրաժարվել է, որի արդյունքում տնային կալանքի տակ է հայտնվել Սփելմանների տանը։
- Մերի Ուորդուել/Տիկին Սատանա (Միշել Գոմես]])՝ Սաբրինայի սիրելի ուսուցչուհին Բագստեր ավագ դպրոցից։ Նրան բռնել է Լիլիթը՝ դևերի մայրը և Սատանայի ծառան։ Փորձում է ստիպել Սաբրինային հնազանդվել Խավարի Տիրակալին։
- Հայր Ֆաուստուս Բլեքվուդ (Ռիչարդ Կոյլի)՝ Մթին եկեղեցու քահանայապետ և անտեսանելի արվեստի ակադեմիայի տնօրեն։ Ցանկանում է ստիպել Սաբրինային կտրել բոլոր կապերը մահկանացուների հետ, և փորձում է այնպես անել, որ Սաբրինան իր անունը գրի «գազանի գրքում»։
- Փրուդենտ Նայթ (Տատի Գաբրիել)՝ անտեսանելի արվեստի ակադեմիայի աշակերտուհի և «Տարօրինակ քույրեր» տրիոյի առաջնորդ։ Հայր Բլեքվուդի անօրինական դուստրը։ Ատում է Սաբրինային՝ նրա կիսարյուն լինելու պատճառով, սակայն երբեմն համագործակցում է նրա հետ։
- Սալեմ Կատո՝ Սաբրինայի ֆամիլյարը և հավատարիմ ընկերը, որը օգնում է նրան ամեն ինչում և անկեղծորեն կատարում նրա հրամանները։ Կոմիքսում նա սևամորթ է, որը դատապարտված է ապրել կատվի կյանքով։
Արտադրություն[խմբագրել | խմբագրել կոդը]
Մշակում[խմբագրել | խմբագրել կոդը]
2017 թվականի սեպտեմբերին հայտնի դարձավ, որ սերիալը, հիմնված «Archie Comics»-ի՝ «Սաբրինան` փոքրիկ կախարդուհին» կոմիքսի հիման վրա, նկարահանվում է Warner Bros. Television-ի կողմից` The CW հեռուստաալիքի համար։ Փորձնական սերիայի ռեժիսոր նշանակվեց Լի Թոլանդ Քրիգերը, իսկ սցենարիստ՝ Ռոբերտո Ագիրրե-Սակասան։ Նրանք նաև դարձան գործադիր պրոդյուսերներ` Գրեգ Բեռլանտինի, Սարա Շեխտերի և Շոն Գոլդուոթերի հետ համատեղ[5]։ 2017 թվականի դեկտեմբերին ծրագիրը տեղափոխվեց Նեթֆլիքս, որը միանգամից 2 եթերաշրջան պատվիրեց՝ յուրաքանչյուրում 10 սերիա[6]։ Հետագայում պարզ դարձավ, որ երկու եթերաշրջանները միացվել են և դարձել են մեկ ընդհանուր եթերաշրջան` բաժանաված երկու մասի։ Առաջին մասի պրեմիերան տեղի է ունեցել 2018 թվականի հոկտեմբերի 26-ին։
Քասթինգ[խմբագրել | խմբագրել կոդը]
2018 թվականի հունվարին հայտնի դարձավ, որ Քիրնան Շիպկան կկատարի Սաբրինա Սփելմանի դերը[7]։ 2018 թվականի փետրվարին Ջազ Սինքլերը ստացավ Ռոզալինդ Ուոքերի դերը[8], Միշել Գոմեսը ստացավ Մերի Ուորդուել / Տիկին Սատանայի դերը, Չանս Պերդոմոն՝ Էմռոուզ Սփելմանի դերը[9], Միրանդա Օտտոն և Լյուսի Դևիսը` Զելդա և Հիլդա Սփելմանների դերերը[10][11], իսկ Ռիչարդ Կոյլը` Հայր Ֆաուստուս Բլեքվուդի դերը[12]։ Նույն ամսում հայտնի դարձավ, որ Սալեմ կատուն ներկա կլինի սերիալում[13]։ 2018 թվականի մարտին հայտնի դարձավ, որ Ռոսս Լինչը ստացել է Հարվի Քինքլիի դերը[14], իսկ Տատի Գաբրիելը` Փրուդենտ Նայթի դերը[15]։
Վարկանիշ[խմբագրել | խմբագրել կոդը]
Rotten Tomatoes կայքում սերիալի վարկանիշը կազմում է 90 %, ինչպես նաև միջին վարկանշը 7,7/10-ից, հիմնված 78 կարծիքների վրա։ Metacritic-ում սերիալի միավրները կազմում է 74 100-ից, հիմնված 28 կարծիքների վրա, որը համապատասխանում է` «ընդհանուր առմամբ դրական կարծիքներ»-ի կարգավիճակին։
IGN-ից Ալիսիյա Լյուտեսը սերիալը գնահատել է 9,2/10: Նա ասել է, որ սերիալը «փայլում է իր զարմանալի մթին սյուժետային զարգացմամբ, անտարբեր, և ժամանակ առ ժամանակ անտագոնիստական հումորներով»։ TVLine-ից Դևիս Նեմետցը սերիալը գնահատել է ՝ «B+»: Bloody Disgusting-ից Միգան Նովարոն նշել է, որ սերիալը «զվարճալի և սահուն տեմպերով առաջ է շարժվում»։
The Hollywood Reporter-ից Դենիել Ֆիենբերգը բարձր գնահատեց դերասանուհի Քիրնան Շիպկային, գրելով, որ նա «կատարյալ լրացնում է շոուի առավել գրավիչ տարրերից մեկը, իսկ ավելի կոնկրետ՝ իր ժամանակակից մոտեցումով»։ Gamespot-ից Քրիս Հեյները գովեց սերիալը՝ ընդգծելով դերասանների խաղը։ Vox-ից Կոնստանցիյա Գրեյդին նույնպես գովեց սերիալը, հատկապես կինոմատոգրաֆիյան, նշելով, որ «արդյունքը հիասքաչ է»։
«Սաբրինայի սարսափազդու արկածները» սերիալը ընդգրկված է 2018 թվականի լավագույն սերիալների ցանկում, որը հրապարակվել է ԿինոՊոիսկ կայքի խմբագիրների կողմից[16]։
Ծանոթագրություններ[խմբագրել | խմբագրել կոդը]
- ↑ 1,0 1,1 https://www.imdb.com/title/tt7569592/
- ↑ 2,0 2,1 2,2 https://www.imdb.com/title/tt7569592/fullcredits?ref_=tt_cl_sm#cast
- ↑ https://www.imdb.com/title/tt7569592/locations?ref_=ttco_ql_5
- ↑ Michael Ausiello (2020 թ․ հուլիսի 9). «Chilling Adventures of Sabrina Cancelled at Netflix; Final 8 Episodes to Premiere in Late 2020 — First Photos». TVLine (անգլերեն). Արխիվացված է օրիգինալից 2020 թ․ հուլիսի 9-ին. Վերցված է 2020 թ․ հուլիսի 9-ին.
- ↑ «'Riverdale' Companion Series 'The Chilling Adventures of Sabrina' In the Works at The CW». The Hollywood Reporter (անգլերեն). Վերցված է 2018 թ․ դեկտեմբերի 9-ին.
- ↑ Andreeva, Nellie; Andreeva, Nellie (2017 թ․ դեկտեմբերի 1). «Sabrina The Teenage Witch Series Picked Up By Netflix With 2-Season Order». Deadline (անգլերեն). Վերցված է 2018 թ․ դեկտեմբերի 9-ին.
- ↑ Petski, Denise; Petski, Denise (2018 թ․ հունվարի 5). «Kiernan Shipka To Star In Netflix's Sabrina The Teenage Witch Series». Deadline (անգլերեն). Վերցված է 2018 թ․ դեկտեմբերի 9-ին.
- ↑ «'Riverdale' Spinoff Casts Sabrina's Best Friend (Exclusive)». The Hollywood Reporter (անգլերեն). Վերցված է 2018 թ․ դեկտեմբերի 9-ին.
- ↑ Petski, Denise; Petski, Denise (2018 թ․ փետրվարի 15). «Michelle Gomez & Chance Perdomo Join Netflix's Sabrina The Teenage Witch Series». Deadline (անգլերեն). Վերցված է 2018 թ․ դեկտեմբերի 9-ին.
- ↑ Andreeva, Nellie; Andreeva, Nellie (2018 թ․ փետրվարի 16). «Netflix's Sabrina The Teenage Witch Series Casts Lucy Davis As Aunt Hilda». Deadline (անգլերեն). Վերցված է 2018 թ․ դեկտեմբերի 9-ին.
- ↑ Otterson, Joe; Otterson, Joe (2018 թ․ փետրվարի 20). «Netflix's 'Sabrina' Series Casts 'Lord of the Rings' Alum Miranda Otto». Variety (անգլերեն). Վերցված է 2018 թ․ դեկտեմբերի 9-ին.
- ↑ Petski, Denise; Petski, Denise (2018 թ․ փետրվարի 22). «Netflix's Sabrina Series Casts Richard Coyle As Father Blackwood». Deadline (անգլերեն). Վերցված է 2018 թ․ դեկտեմբերի 9-ին.
- ↑ Petski, Denise; Petski, Denise (2018 թ․ փետրվարի 9). «Sabrina The Teenage Witch Series: Meet Netflix's New Salem». Deadline (անգլերեն). Վերցված է 2018 թ․ դեկտեմբերի 9-ին.
- ↑ Petski, Denise; Petski, Denise (2018 թ․ մարտի 14). «Ross Lynch To Star As Harvey Kinkle In Netflix's Sabrina Series». Deadline (անգլերեն). Վերցված է 2018 թ․ դեկտեմբերի 9-ին.
- ↑ Petski, Denise; Petski, Denise (2018 թ․ մարտի 15). «Tati Gabrielle To Play Prudence In Netflix's Sabrina Series». Deadline (անգլերեն). Վերցված է 2018 թ․ դեկտեմբերի 9-ին.
- ↑ «Лучшие сериалы 2018 года: Выбор редакции КиноПоиска — Статьи на КиноПоиске». www.kinopoisk.ru. Վերցված է 2019 թ․ հունվարի 8-ին.
Արտաքին հղումներ[խմբագրել | խմբագրել կոդը]
 | Վիքիպահեստն ունի նյութեր, որոնք վերաբերում են «Սաբրինայի սարսափազդու արկածները (հեռուստասերիալ)» հոդվածին։ |
| ||||||||||
