Ռոզա Բոնյոր (նկար, Աննա Էլիզաբեթ Կլյումպկե)

Վիքիպեդիայից՝ ազատ հանրագիտարանից
Picto infobox artiste.png
Ռոզա Բոնյոր
Anna Klumpke - Portrait of Rosa Bonheur (1898).jpg
տեսակգեղանկար
նկարիչԱննա Էլիզաբեթ Կլյումպկե[1]
տարի1898[2]
բարձրություն117,2 սանտիմետր[3]
լայնություն98,1 սանտիմետր[3]
ստեղծման երկիրFlag of the United States.svg ԱՄՆ
ժանրդիմապատկեր[1]
նյություղաներկ[2] և կտավ[2]
գտնվում էՄետրոպոլիտեն թանգարան[2]
հավաքածուՄետրոպոլիտեն թանգարան[2] և The American Wing?
հիմնական թեմաՌոզա Բոնյոր
Ծանոթագրություններ

Ռոզա Բոնյոր (անգլ.՝ Rosa Bonheur), Աննա Էլիզաբեթ Կլյումպկեի 1898 թվականին ստեղծած կտավը, որտեղ պատկերված է ֆրանսիացի նկարչուհի Ռոզա Բոնյորի դիմապատկերը։ 1922 թվականից կտավը ներառված է Մետրոպոլիտեն թանգարանի հավաքածուում[4]։

Պատմություն[խմբագրել | խմբագրել կոդը]

Նկարչուհի Կլյումպկեն երկար տարիներ հիացել է Ռոզա Բոնյորով[5]։ Մինչև 1898 թվականը երկու նկարչուհիները նամակագրության մեջ են եղել[6]։ Դուգլաս Միլեր ընտանիքի անդամները համոզել են Կլյումպկեին ստեղծելու Բոնյորի դիմապատկերը[7]: 1897 թվականի սեպետմբերի 14-ին Կլյումպկեն Բոնյորին նամակ է գրել և խնդրել նկարելու նրան[8]: 1898 թվականի մարտի 31-ին Բոնյորը պատասխանել է. «Սիրելի մադմազել, դիմանկարի ստեղծման համար ես ձեր տրամադրության տակ եմ»[9]:

Կլյումպկեն դիմանկարի վրա սկսել է աշխատել 1898 թվականի հունիսին։ Կլյումպկեն գրել է, որ «ուրախ է, որ Ռոզա Բոնյորն առաջարկել է իր սեփական համաձայնությունը` կանանցի հագուստով նկարվելու համար»[10]: Որպես մոդել Բոնյորն ամեն օր կեցվածք չէր ընդունում՝ ասելով որ «երկար չի կարող նստել»[11]: Նկարելու պահերին երկու արվեստագետները զրուցում էին գրականությունից, պատմում պատմություններ, քննարկում կրոնական և բարոյականության հարցեր[12]: Նկարելու ընթացքում Բոնյորը երիտասարդ նկարչուհուն ուղղորդում էր գծագրման և նկարչության իր առաջարկներով[13]: Մարիա Տամբուկուն գրում է, որ զրույցների և կտավի ստեղծման աշխատանքները ցույց են տալիս, որ Բոնյորը «սիրահարված է» Կլյումպկեին[14]:

Նկարագրություն[խմբագրել | խմբագրել կոդը]

Կտավում պատկերված է ֆրանսիացի նկարչուհի Ռոզա Բոնյորը[15]։ Կլյումպկեն հանդիսանում է նաև Բոնյորի կենսագիրը[15]։ Բոնյորը նստած է պատկերակալի մոտ՝ Պատվավոր Լեգեոնի շքանշանը կրծքին[5], հագին երկար վերարկու՝ սպիտակ օձիքով[16]: Ձեռքին գծանկարն է, պատկերակալի վրա երեք ձիերով նկարի սկիզբը[17]: Ըստ Բրիտա Ս. Դուայերի՝ Բոնյորի դեմքի արտահայտությունը մեկ մտախոհ է, մեկ սադրիչ[18]:

Կլյումպկեն մնաց Ֆրանսիայում որպես Բոնյորի կողակից։ 1899 թվականին՝ Բոնյորի մահից հետո նա ժառանգեց Ֆոնտենբլոյի մոտ գտնվող Բոնյորի տունն ու ստուդիան։ Մինչև 1922 թվական կտավը պատկանել է Կլյումպկեին և նրա քրոջը՝ Դորոտեա Կլյումպկեին[4]։ Նույն թվականին Կլյումպկեն կտավը նվիրել է Մետրոպոլիտեն թանգարանին[5]։

Ծանոթագրություններ[խմբագրել | խմբագրել կոդը]

  1. ↑ 1,0 1,1 https://www.metmuseum.org/art/collection/search/11348
  2. ↑ 2,0 2,1 2,2 2,3 2,4 http://www.metmuseum.org/collection/the-collection-online/search/11348
  3. ↑ 3,0 3,1 http://www.metmuseum.org/art/collection/search/11348
  4. ↑ 4,0 4,1 «Rosa Bonheur»։ Metropolitan Museum of Art 
  5. ↑ 5,0 5,1 5,2 «Rosa Bonheur | Anna Klumpke | 22.222 | Work of Art | Heilbrunn Timeline of Art History | The Metropolitan Museum of Art»։ The Met’s Heilbrunn Timeline of Art History։ Վերցված է 2017-06-21 
  6. ↑ Kuiper Kathleen։ «Rosa Bonheur | French painter»։ Encyclopedia Britannica (անգլերեն)։ Վերցված է 2017-06-21 
  7. ↑ Klumpke, 2001, էջեր 27-28
  8. ↑ Klumpke, 2001, էջ 28
  9. ↑ Klumpke, 2001, էջ 30
  10. ↑ Klumpke, 2001, էջ 31
  11. ↑ Klumpke, 2001, էջ 33
  12. ↑ Klumpke, 2001, էջեր 37-38
  13. ↑ Tamboukou, 2010, էջեր 69-70
  14. ↑ Tamboukou, 2010, էջ 70
  15. ↑ 15,0 15,1 Corrinne Tee A. (January 1998)։ «Reviews: Lesbian Biography»։ Lambda Book Report 6 (6): 27 – via EBSCOhost 
  16. ↑ Hird, 1904, էջ 78
  17. ↑ Dwyer, 2004, էջեր 73-74
  18. ↑ Dwyer, 2004, էջ 74

Արտաքին հղումներ[խմբագրել | խմբագրել կոդը]

Ստացված է «https://hy.wikipedia.org/w/index.php?title=Ռոզա_Բոնյոր_(նկար,_Աննա_Էլիզաբեթ_Կլյումպկե)&oldid=7850878» էջից