Ռոբերտ Ջեքսոն

Վիքիպեդիայից՝ ազատ հանրագիտարանից
Jump to navigation Jump to search
Ռոբերտ Ջեքսոն
Roberthjackson.jpg
 
Կուսակցություն՝ Դեմոկրատական կուսակցություն
Կրթություն՝ Albany Law School?[1]
Մասնագիտություն՝ դատավոր, փաստաբան և քաղաքական գործիչ
Ծննդյան օր փետրվարի 13, 1892(1892-02-13)[2][3][4]
Ծննդավայր Spring Creek Township, Ուորեն շրջան, Փենսիլվանիա, ԱՄՆ
Վախճանի օր հոկտեմբերի 9, 1954(1954-10-09)[3][4] (62 տարեկանում)
Վախճանի վայր Վաշինգտոն, Կոլումբիայի շրջան, ԱՄՆ
Գերեզման Frewsburg
Թաղված Frewsburg
Քաղաքացիություն Flag of the United States (1912-1959).svg ԱՄՆ

Ռոբերտ Ջեքսոն (անգլ.՝ Robert Houghwout Jackson, փետրվարի 13, 1892(1892-02-13)[2][3][4], Spring Creek Township, Ուորեն շրջան, Փենսիլվանիա, ԱՄՆ - հոկտեմբերի 9, 1954(1954-10-09)[3][4], Վաշինգտոն, Կոլումբիայի շրջան, ԱՄՆ), գլխավոր դատախազ (1940-1941) և ԱՄՆ Գերագույն դատարանի դատավոր (1941-1954), Նյունբերգյան դատավարության ժամանակ ԱՄՆ-ի գլխավոր մեղադրող:

Կենսագրություն[խմբագրել | խմբագրել կոդը]

Ծնվել է Փենսիլվանիա նահանգի Սփրինգ Կրիկ քաղաքում, ավարտել է Ֆրյուսբուրգի (Նյու Յորք նահանգ) դպրոցը։ 18 տարեկանում Ջեյմսթաունում սկսել է աշխատել որպես իրավաբանի օգնական մինչև 1913 թվականը՝ մեկ տարվա ընդմիջումով, քանի որ հաճախում էր Իրավունքի դպրոց (Նյու Յորք նահանգ)՝ պարապմունքների։ 21 տարեկանում Ջեքսոնը քննություն է հանձնել փաստաբանի որակավորում ստանալու համար և սկսել է ինքնուրույն պրակտիկան։ Հաջորդ քսան տարիների ընթացքում նա ունեցել է փաստաբանի հաջող կարիերա։

1934 թվականին անցել է քաղաքացիական ծառայության և նշանակվել ԱՄՆ ֆինանսների նախարարության ներքին եկամուտների Բյուրոյի խորհրդական (այժմ՝ Ներքին Եկամուտների ծառայություն)։ Երկու տարի անց Ջեքսոնը դարձավ ԱՄՆ-ի գլխավոր դատախազի օգնականը և գլխավորեց արդարադատության նախարարության հարկային վարչությունը, իսկ ևս մեկ տարի անց՝ հակամենաշնորհային վարչությունը: 1938 թվականին Ջեքսոնը դարձավ գլխավոր սոլիսիտոր։ Արդարադատության նախարարությունում ծառայության ժամանակ Ջեքսոնը մասնակցել է մի քանի գործերի, որոնք լայն ճանաչում են ձեռք բերել Ռուզվելտի Նոր կուրսի ժամանակ, մասնավորապես ֆինանսների նախկին նախարար Էնդրյու Մելոնի գործում, որը մեղադրվում էր հարկերից խուսափելու մեջ[5], և հակամենաշնորհային գործ Alcoa ընկերության դեմ[6]։ 1940 թվականին Ռուզվելտը Ջեքսոնին նշանակել է գլխավոր դատախազի պաշտոնում (միաժամանակ՝ արդարադատության նախարարության ղեկավար), բայց արդեն հաջորդ տարի Ջեքսոնը զբաղեցրել է Գերագույն դատարանի դատավորի ազատված տեղը։

Եղել է իր ժամանակի ամենահեղինակավոր դատավորներից մեկը։ Ջեքսոնի կողմից գրված որոշումներն ու նրա հատուկ կարծիքները հետագայում հաճախ մեջբերվում էին դատարանների կողմից։ Այդ գործերի թվում, որոնց վերաբերյալ որոշումը կազմել է Ջեքսոնը, կարելի է նշել՝ Արևմտյան Վիրջինիայի կրթության դեպարտամենտն ընդդեմ Բարնեթի[7] (հակասահմանադրական է ճանաչվել այն կանոնը, որը աշակերտներին պարտավորեցնում է պատիվ տալ ամերիկյան դրոշին): 1950 թվականների սկզբին Գերագույն դատարանի ապագա նախագահ Ուիլյամ Ռենկվիստը Ջեքսոնի մոտ աշխատել է որպես գրասենյակային ծառայող[8]։

1945 թվականին Թրումենը Ջեքսոնին նշանակել է ԱՄՆ-ի ներկայացուցիչ՝ հետագայում նացիստական ռազմական հանցագործների նկատմամբ դատավարության ժամանակ։ Ջեքսոնը մասնակցել է միջազգային ռազմական տրիբունալի կանոնադրության գրմանը, իսկ հետո եղել է ԱՄՆ-ի կողմից գլխավոր մեղադրողը Նյուրնբերգյան գործընթացում (օգնական Թոմաս Դոդ

Ռոբերտ Ջեքսոնը մահացել է 1954 թվականին՝ 62 տարեկանում, ԱՄՆ-ի համար նշանակալից գործի վերաբերյալ որոշում կայացնելուց անմիջապես հետո՝ Բրաունը կրթության խորհրդի դեմ (Գերագույն դատարանը անօրինական է ճանաչել դպրոցներում բաժանումը), որի ընդունման մեջ նա կարևոր դեր է խաղացել[9]։

Ծանոթագրություններ[խմբագրել | խմբագրել կոդը]

  1. 1,0 1,1 https://www.mtsu.edu/first-amendment/article/1339
  2. 2,0 2,1 data.bnf.fr: տվյալների բաց շտեմարան — 2011.
  3. 3,0 3,1 3,2 3,3 3,4 SNAC — 2010.
  4. 4,0 4,1 4,2 4,3 4,4 Find A Grave — 1995. — ed. size: 165000000
  5. «Self-Defense»։ Time։ 1935-04-15։ Վերցված է 2008-04-16 
  6. «Round for Mellon»։ Time։ 1937-05-24։ Վերցված է 2008-01-20 
  7. West Virginia State Board of Education v. Barnette, 319 U.S. 624 (1943)
  8. Бискупич Джоан (2005-09-04«Rehnquist left Supreme Court with conservative legacy»։ USA Today։ Արխիվացված է օրիգինալից 2012-03-12-ին։ Վերցված է 2008-04-16 
  9. Brown v. Board of Education, 347 U.S. 483 (1954)

Արտաքին հղումներ[խմբագրել | խմբագրել կոդը]