Jump to content

Ռենե Անժելիլ

Վիքիպեդիայից՝ ազատ հանրագիտարանից
Ռենե Անժելիլ
Դիմանկար
Ծնվել էհունվարի 16, 1942(1942-01-16)[1][2][3]
ԾննդավայրՄոնրեալ, Քվեբեկ, Կանադա
Մահացել էհունվարի 14, 2016(2016-01-14)[2] (73 տարեկան)
Մահվան վայրԼաս Վեգաս, Նևադա, ԱՄՆ
ԳերեզմանNotre Dame des Neiges Cemetery
Քաղաքացիություն Կանադա
Մասնագիտություներգիչ, ձեռնարկատեր, կոմպոզիտոր, երաժշտական պրոդյուսեր, երաժշտական մենեջեր, պոկեր խաղացող, դերասան, գրող և մենեջեր
ԱմուսինՍելին Դիոն
Պարգևներ և
մրցանակներ
Կանադայի շքանշանի անդամ և Քվեբեկի Ազգային շքանշանի սպա[4]
ԵրեխաներRené-Charles Angelil?
 René Angélil Վիքիպահեստում

Ռենե Անժելիլ (հունվարի 16, 1942(1942-01-16)[1][2][3], Մոնրեալ, Քվեբեկ, Կանադա - հունվարի 14, 2016(2016-01-14)[2], Լաս Վեգաս, Նևադա, ԱՄՆ), կանադացի երաժշտական պրոդյուսեր, տաղանդներ բացահայտող մենեջեր և երգիչ։ Նա աշխարհահռչակ երգչուհի Սելին Դիոնի պրոդյուսերն ու ամուսինն էր[5]։

Վաղ կյանք

[խմբագրել | խմբագրել կոդը]

Անժելիլը ծնվել է Կանադայի Քվեբեկ նահանգի Մոնրեալ քաղաքում, սիրիացի ծագմամբ հոր և լիբանանցի մոր ընտանիքում[6]։ Նրա հայրը՝ Ժոզեֆ Անժելիլը ծնվել էր Դամասկոսից Կանադա տեղափոխված և Մոնրեալում հաստատված սիրիական, իսկ մայրը՝ Ալիս Սառան, Մոնրեալ գաղթած լիբանանյան ընտանիքում[7][8]։ Ընտանիքի երկու որդիներից Ռենեն ավագն էր։ Նրա եղբայր Անդրեն ծնվել է 1945 թվականին։ Անժելիլը սովորել է Օտրեմոնի Սեն Վիետուր ավագ դպրոցում, ապա Մոնրեալի Անդրե-Գրազե քոլեջում։

Կարիերա

[խմբագրել | խմբագրել կոդը]

Անժելիլն իր կարիերան սկսել է 1961 թվականին, Մոնրեալում, որպես փոփ երգիչ: Նա ստեղծել է «Les Baronets» փոփ ռոք խումբ՝ իր մանկության ընկերներ Պիեռ Լաբելի և Ժան Բոլնի հետ։ «Les Baronets»-ն ունեցել է որոշ հիթեր 1960-ականներին, հիմնականում թարգմանվել են անգլերեն լեզվով փոփ հիթեր Միացյալ Թագավորությունից կամ Միացյալ Նահանգներից, օրինակ՝ «C'est fou, mais c'est tout» 1964 թվականին (Բիթլզի «Hold Me Tight» երգի թարգմանությունը): 1972 թվականին խմբի լուծարումից հետո Անժելիլը և իր լավագույն ընկեր Գայ Կլուտյեն սկսեցին զբաղվել արտիստների մենեջմենթով[9]։ Նրանք միասին ղեկավարել են երկու հաջողակ քվեբեկցի երգիչներ Ռենե Սիմարի և Ժինետ Ռենոյի կարիերաները, ի թիվս այն ժամանակվա բազմաթիվ այլ փոփ աստղերի: Նրանք բաժանվեցին 1981 թվականին՝ դառնալով առանձին մենեջերներ: 1981 թվականին (Ժինետի մենեջերի պաշտոնից ազատվելուց և իրավաբանական դպրոցը շարունակելու համար երաժշտական բիզնեսից հրաժարվելուց շատ չանցած), Ռենեն լսեց Սելին Դիոնի դեմո ժապավենը։ Այդ ժամանակ նա համարվում էր նրա ալբոմի պոտենցիալ պրոդյուսերը։ Շուտով նա ձեռնարկեց ալբոմի թողարկումը[10]։ Նա շարունակեց աշխատել որպես երգչուհու մենեջեր մինչև 2014 թվականի հունիսը, երբ հեռացավ, քանի որ քաղցկեղ ուներ[11]։ 2012 թվականին Անժելիլը դարձել է Մոնրեալի նշանավոր «Շվարց» սննդի ցանցի մի քանի սեփականատերերից մեկը[9]։ Նա նաև ժամանակ առ ժամանակ դերեր է կատարել կինոյում և հեռուստատեսությունում։

Անձնական կյանք

[խմբագրել | խմբագրել կոդը]
Սելին Դիոնը և Անժելիլը 2012 թվականին

1966 թվականին Անժելիլն ամուսնացավ իր առաջին կնոջ՝ Դենիզ Դուկեի հետ։ Նրանց որդին՝ Պատրիկը, ծնվել է 1968 թվականին, իսկ նրանք ամուսնալուծվել են 1972 թվականին։ 1974 թվականին նա ամուսնանում է երկրորդ անգամ՝ երգչուհի Աննա Ռենիի հետ։ Նրանք ունենում են երկու երեխա՝ Ժան Պիեռ (1974 թ․) և Աննա Մարի (1977 թ․), ապա ամուսնալուծվում 1986 թվականին։ Անժելիլի դուստր Աննա Մարին 2000 թվականին ամուսնանում է երգիչ Մարկ Դյուպրեի հետ[12]։ Երբ երաժշտական պրոդյուսերի մասնագիտությունից հրաժարված Անժելիլին ուղարկում են այն ժամանակ դեռ 12-ամյա Սելին Դիոնի ձայներիզը, հայտնի պրոդյուսերը որոշում է վերադառնալ նախկին մասնագիտությանը և աղջկան հրավիրում է Քվեբեկ՝ լսումների։ Նա սկսում է զբաղվել աղջկա երաժշտական կարիերայով, նրան մոր հետ տանելով համերգային շրջագայությունների Կանադայով մեկ, ապա Ճապոնիա և Եվրոպա։ 1981 թվականին Անժելիլը գրավադրում է իր տունը՝ Սելին Դիոնի առաջին ալբոմի թողարկումը ֆինանսավորելու համար։ Անձնական հարաբերությունները Դիոնն ու Անժելիլը սկսել են 1988 թվականին, երբ աղջիկը 20 տարեկան էր։ Նրանց առաջին ժամադրությունը կայացավ 1988 թվականի ապրիլի 30-ին, երբ Սելինը հաղթել էր Եվրատեսիլ երգի մրցույթում։ Սելինի մայրը կտրականապես դեմ էր այդ միությանը նրանց 26-ամյա տարիքային տարբերության և Անժելիլի նախորդ անհաջող ամուսնությունների պատճառով: Այնուամենայնիվ, նա ի վերջո զիջում է, քանի որ ընտանիքի մեծ մասը աջակցում էր զույգին: Նրանք ամուսնացան Մոնրեալի Աստվածամոր տաճարում 1994 թվականի դեկտեմբերի 17-ին՝ հարսանեկան շքեղ արարողությամբ։ Հարսանիքը ուղիղ հեռարձակվում էր կանադական հեռուստատեսությամբ[13]։ Այն բանից հետո, երբ 1999 թվականին Անժելիլի մոտ կոկորդի քաղցկեղ ախտորոշվեց, և մինչ ճառագայթային բուժումը սկսելը, զույգը դիմեց արտամարմնային բեղմնավորման: Նրանց ջանքերը հաջողությամբ պսակվեցին։ Նրանց որդին՝ Ռենե-Շառլ Անժելիլը ծնվել է 2001 թվականի հունվարի 25-ին։ Դիոնը 2009 թվականին կորցրեց երկրորդ երեխային, այնուհետև 2010 թվականի հոկտեմբերի 23-ին ծնվեցին նրանց երկվորյակ տղաները: Տղաներին անվանեցին Էդդի՝ ի պատիվ Էդդի Մարնեի, ով Դիոնի առաջին հինգ ալբոմների պրոդյուսերն էր, և Նելսոն՝ Հարավային Աֆրիկայի նախկին նախագահ Նելսոն Մանդելայի անունով[14]։ Անժելիլը և Դիոնը հոկեյի Մոնրեալ Կանադիենս թիմի մեծ երկրպագուներ էին և Կոլորադո Էվելանշի նախկին նախագահ և գլխավոր մենեջեր Պիեռ Լակրուայի լավ ընկերներն էին[15]։ Մոնրեալի «Jubilation» երգչախմբի հիմնադիր Թրևոր Փեյնն ասել է, որ կուլիսներում, լայն հանրության աչքից հեռու, զույգն ամենաբարի, ամենաանկեղծ գերաստղերն էին, որոնց ինքը երբևէ ճանաչել է իր ողջ կարիերայի ընթացքում[9]։

Զրպարտության հայց

[խմբագրել | խմբագրել կոդը]

2001 թվականին Անժելիլը և Դիոնը զրպարտության համար 5 միլիոն դոլարի հայց ներկայացրեցին Քվեբեկի Allô Vedettes տաբլոիդի դեմ, որը պնդում էր, որ զույգը 5001 դոլար է վճարել Լաս Վեգասի «Կեսարի պալատի» լողավազանը վարձելու համար, որպեսզի Դիոնը կարողանա մերկ արևայրուք ընդունել, իսկ Անժելիլը՝ մերկ լողանալ ու սուզվել: Զույգը կտրականապես հերքել է այդ պնդումը[16]։

Մոլախաղ

[խմբագրել | խմբագրել կոդը]

Անժելիլը մոլի պոկեր խաղացող էր և 2005 թվականի պոկերի չեմպիոնների համաշխարհային շարքի մրցաշարում որակավորվել էր և գումար շահած ավարտել 2007 թվականին Mirage Poker Showdown-ը որը բարձր խաղադրույքներով մրցաշարերի շարք էր: Խոսվում էր նաև, որ Անժելիլը մոլի խաղամոլ է նաև պոկերի սեղանից հեռու: Ասում են, որ նա շաբաթական ավելի քան 1 միլիոն դոլար է խաղացել Լաս Վեգասի Կեսարի պալատում և նույնքան էլ վարկային գիծ պահել է Բելաջոյում[17][18]։ 2007 թվականին կազինոյի գործադիր տնօրեն և Լաս Վեգասի նախկին քաղաքապետ Ջան Ջոնսը պնդել է, որ Անժելիլը շաբաթական 1 միլիոն դոլար է խաղում, բայց ավելի ուշ նա հրաժարվել է այդ հայտարարությունից: Ավելի ուշ Կեսարի պալատն Անժելիլի թույլտվությամբ հրապարակել է Անգելիլի մոլախաղային պարտությունների և շահումների մասին[19]։

Հետագա կյանք, հիվանդություն և մահ

[խմբագրել | խմբագրել կոդը]

1991 թվականին, 49 տարեկան հասակում Անժելիլը սրտի կաթված է ստանում[20]։ 1999 թվականին նրա մոտ ախտորոշվում է կոկորդի քաղցկեղ և բուժումից հետո լիովին ապաքինվում է[21]։ Simple Plan երաժշտական խմբի «Save You» երգի տեսահոլովակում նա հանդես է գալիս որպես քաղցկեղից փրկված[22]։ 2009 թվականին Անժելիլը ենթարկվել է սրտի հետ կապված պլանավորված բժշկական միջամտության՝ զարկերակների խցանման դեմ պայքարելու համար[23]։

2013 թվականի դեկտեմբերին Անժելիլը կոկորդի քաղցկեղի վիրահատության է ենթարկվում[24]։ 2014 թվականի հունիսին Անժելիլն առողջության վրա կենտրոնանալու համար հեռանում է Դիոնի մենեջերի պաշտոնից, բայց դեռևս ներգրավված էր նրա կարիերայի հետ կապված բիզնես որոշումների մեջ[25]։ 2015 թվականի սեպտեմբերին Դիոնը հայտարարում է, որ Անժելիլի քաղցկեղը նորից գլուխ է բարձրացրել և որ նրան «հաշված ամիսներ է մնացել ապրելու»[26]։ Անժելիլը մահացել է 2016 թվականի հունվարի 14-ին, կոկորդի քաղցկեղից, 73 տարեկանում[27][28][29]։ Հունվարի 22-ին Քվեբեկ նահանգը կառավարական մակարդակով կազմակերպեց Ռենե Անժելիլի հոգեհանգիստը Մոնրեալի Աստվածամոր տաճարում։ Հուղարկավորվել է Նոտր Դամ դե Նեյգ գերեզմանատանը[30][31]։ Անժելիլի մահից հետո Դիոնը դարձավ նրա կառավարման և պրոդյուսերական ընկերությունների, այդ թվում՝ «CDA Productions»-ի և «Les Productions Feeling»-ի միակ սեփականատերը և նախագահը[32][33]։

Ժառանգություն և պարգևներ

[խմբագրել | խմբագրել կոդը]
  • 1987 և 1988 թվականներ- Տարվա մենեջերի «Ֆելիքս» մրցանակ։
  • 2009 թվականի հունիս-Քվեբեկի ազգային շքանշան և ասպետի կոչում։
  • 2018 թվականի հուլիս-Կանադայի շքանշան[34]։
  • 2016 թվականի հունվարի 22- Մոնրեալի Աստվածամոր տաճարում տեղի ունեցող Անժելիլի հոգեհանգստի արարողության օրը Քվեբեկի և Մոնրեալի կառավարական շենքերի պետական դրոշները կիսով չափ խոնարհվել են[30][35]։
  • 2016 թվականի փետրվարի 15-Գրեմմի մրցանակ՝ ամենամյա «In Memoriam» հիշատակի մրցանակաբաշխության ժամանակ[36]։
  • 2021 թվականի մայիսի 14-ին շվեյցարացի աստղագետ Միշել Օրին իր հայտնաբերած աստերոիդը կոչել է 241364 Reneangelil՝ ի պատիվ Ռենե Անժելիլի։

Մեդիայի այլ ձևերում

[խմբագրել | խմբագրել կոդը]
  • 2008 թվականի հուլիսին Անժելիլը հրավիրվեց հեռուստատեսային «Ակադեմիայի աստղը» իրապատում-շոու և ստանձնեց չորրորդ եթերաշրջանի գեղարվեստական գլխավոր տնօրենի դերը[37]։ Նա գլխավոր դերը ստանձնել է շոուի երկու առանձին թողարկումներում՝ 2009 և 2012 թվականներին:
  • 2008 թվականին դերասան Էնրիկո Կոլանտոնին հրավիրել է Անժելիլին խաղալու Սելին Դիոնին նվիրված «Céline» հեռուստատեսային կենսագրական ֆիլմում։

Ծանոթագրություններ

[խմբագրել | խմբագրել կոդը]
  1. ↑ 1,0 1,1 Internet Movie Database — 1990.
  2. ↑ 2,0 2,1 2,2 2,3 2,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
  3. ↑ 3,0 3,1 Pas L. v. Genealogics — 2003.
  4. ↑ http://www.ordre-national.gouv.qc.ca/membres/membre.asp?id=421
  5. ↑ Shepherd, Harvey (21 July 2001). «Celine's son a Greek Melkite like any other: Rene-Charles to receive a combined baptism, first communion, confirmation in Catholic ceremony». The Gazette (Montreal, Quebec). էջեր A6.
  6. ↑ Kelly, Brendan (15 January 2016). «René Angélil, Céline Dion's husband, dies after long battle with cancer». Montreal Gazette. Վերցված է 4 December 2023-ին.
  7. ↑ Kappler, Maija (6 September 2020). «Céline Dion makes emotional plea for Beirut victims». HuffPost Canada.
  8. ↑ Baaklini, Suzanne (15 February 2016). «"Le jour où j'ai su que René Angélil était mon cousin..."». L'Orient-Le Jour (կանադական ֆրանսերեն) (published 2016).
  9. ↑ 9,0 9,1 9,2 «René Angélil: Not just a manager of Céline Dion - Montreal - CBC News». cbc.ca. Վերցված է 23 January 2016-ին.
  10. ↑ Ha, Tu Thanh (14 January 2016). «René Angélil: The man behind Céline Dion». The Globe and Mail. theglobeandmail.com. Վերցված է 23 January 2016-ին.
  11. ↑ «Celine Dion's husband Rene Angelil quits as her manager». HuffPost Canada. 11 June 2014. Վերցված է 15 November 2021-ին.
  12. ↑ Roy, Marie-Josée (23 April 2018). «Le départ de René Angélil, un deuil «encore à faire» pour Marc Dupré et sa famille». HuffPost Quebec (կանադական ֆրանսերեն). Վերցված է 15 November 2021-ին.
  13. ↑ Fogle, Asher (14 January 2016). «A beautiful love: Celine Dion and René Angélil through the years». Good Housekeeping. Վերցված է 14 January 2016-ին.
  14. ↑ Derschowitz, Jessica (29 October 2010). «Celine Dion's twins named Nelson and Eddy». CBS News. Վերցված է 14 January 2016-ին.
  15. ↑ Fleury, Theo; Kirstie McLellan Day (2009). Playing With Fire. HarperCollins. էջ 217. ISBN 978-1-55468-239-3.
  16. ↑ Ha, Tu Thanh (21 August 2001). «Dion sues paper over 'outrageous' topless story». theglobeandmail.com.
  17. ↑ Nick Mathiason (28 January 2007). «Queen of Las Vegas brings her winning streak to Britain | Business | The Observer». London: Observer.Guardian.co.uk. Վերցված է 5 May 2011-ին.
  18. ↑ «Ramblin' gamblin' man: Rene Angélil». Los Angeles Times. 8 February 2007. Արխիվացված է օրիգինալից 19 February 2009-ին. Վերցված է 5 May 2011-ին.
  19. ↑ «Casino denies Dion husband losses». BBC News Online. 2 February 2007. Վերցված է 14 January 2016-ին.
  20. ↑ MacNeil, Jason (13 August 2014). «Celine Dion's husband Rene Angelil has been fighting cancer, heart problems for over 20 years». HuffPost Canada. Վերցված է 15 November 2021-ին.
  21. ↑ «Celine Dion's 'spirituality' has helped her be strong for her husband». The Record. 4 August 2010. Վերցված է 14 January 2016-ին.
  22. ↑ Տեսանյութը ՅուԹյուբում
  23. ↑ «Dion's husband OK after heart work |». Las Vegas Review-Journal. 15 May 2009. Վերցված է 27 December 2015-ին.
  24. ↑ Duke, Alan (14 August 2014). «Celine Dion cancels shows as husband fights cancer». CNN.com. Վերցված է 27 December 2015-ին.
  25. ↑ Vlessing, Etan (6 December 2014). «Celine Dion has new manager as Rene Angelil steps down». Hollywood Reporter. Վերցված է 27 December 2015-ին.
  26. ↑ «Celine Dion: husband Rene Angelil has only weeks to live». Realty Today. 7 September 2015. Վերցված է 27 December 2015-ին.
  27. ↑ «Celine Dion shares heartbreaking details about husband Rene Angelil's death in new interview». MSN. 18 February 2018. Վերցված է 19 February 2018-ին.
  28. ↑ «Celine Dion's husband has lost a 'courageous' battle with cancer». Smooth Radio. 14 January 2016. Վերցված է 15 January 2016-ին.
  29. ↑ Barnes, Mike (14 January 2016). «Rene Angelil dies at 73». The Hollywood Reporter. Վերցված է 14 January 2016-ին.
  30. ↑ 30,0 30,1 «René Angélil remembered at national funeral in Montreal». cbc.ca. Montreal: CBC News. Վերցված է 30 January 2016-ին.
  31. ↑ «René Angélil 'protected me,' Céline Dion says at Las Vegas memorial». cbc.ca. Montreal: CBC News. Associated Press. 4 February 2016. Վերցված է 5 March 2019-ին.
  32. ↑ «Federal Corporation Information - 397656-4 - Online Filing Centre - Corporations Canada - Corporations - Innovation, Science and Economic Development Canada». ic.gc.ca. Innovation, Science and Economic Development Canada.
  33. ↑ «Nevada Secretary of State: Nevada Entity Search». esos.nv.gov.
  34. ↑ Barnes, Mike (14 January 2016). «Rene Angelil, Celine Dion's husband and former manager, dies at 73». The Hollywood Reporter. Վերցված է 22 January 2016-ին.
  35. ↑ Nelson, Jeff (22 January 2016). «Céline Dion bids farewell to husband René Angélil at Montreal funeral». People Magazine. Վերցված է 22 January 2016-ին.
  36. ↑ «Céline Dion's late husband René Angélil honored during Grammys 'In Memoriam' reel as 'My Heart Will Go On' plays». People Magazine. Վերցված է 16 February 2016-ին.
  37. ↑ «René Angélil prend la tête de l'académie» (կանադական ֆրանսերեն). LCN. 29 July 2008. Արխիվացված օրիգինալից 10 July 2012.{{cite web}}: CS1 սպաս․ unfit URL (link)

Արտաքին հղումներ

[խմբագրել | խմբագրել կոդը]
Վիիքպահեստ
Ստացված է «https://hy.wikipedia.org/w/index.php?title=Ռենե_Անժելիլ&oldid=10059333» էջից