Ռեգե-Ժան Փեյջ

Վիքիպեդիայից՝ ազատ հանրագիտարանից
Jump to navigation Jump to search
Ռեգե-Ժան Փեյջ
Պատկեր:Regé Jean Page.jpg
Ծննդյան թիվ՝հունվարի 24, 1988(1988-01-24) (33 տարեկան)
Ծննդավայր՝Լոնդոն, Միացյալ Թագավորություն[1][2][3]
Ազգություն՝Black British?
Քաղաքացիություն՝Flag of the United Kingdom.svg Միացյալ Թագավորություն
Flag of Zimbabwe.svg Զիմբաբվե
Մասնագիտություն՝հեռուստատեսային դերասան, կինոդերասան և դերասան
IMDb։ID 2074546

Ռեգե Ժան Փեյջ (անգլ.՝ Regé-Jean Page, հունվարի 24, 1988(1988-01-24), Լոնդոն, Միացյալ Թագավորություն[1][2][3][4]), թատրոնի և կինոյի բրիտանացի դերասան: Հայտնություն է ստացել «Բրիդջերթոն» (2020) հեռուստասերիալում կատարած հերցոգ Հասթինգսի դերով, որի համար անվանակարգվել է «ԱՄՆ-ի կինոդերասանների գիլդա» մրցանակի «դրամատիկ հեռուստասերիալի լավագույն դերասան» անվանակարգում: «Բրիդջերթոն» հեռուստասերիալի մնացած դերասանական կազմի հետ հավակնել է մրցանակի «Դրամա հեռուստասերիալի լավագույն դերասանական անսամբլ» անվանակարգում: Ըստ ոչ պաշտոնական տեղեկության կարող է դառնալ նոր Ջեյմս Բոնդը:

Կենսագրություն[խմբագրել | խմբագրել կոդը]

Ծնվել է Լոնդոնում: Անգլիացի հոգեվորականի և շոնա ցեղից զիմբաբվեցի բուժքրոջ երկրորդ երեխան է[5], նրանցի հետո ընտանիքում ծնվել է ևս երկու երեխա: Մանկությունն անցկացրել է Հարարեում, բայց հետո՝ 14 տարեկան հասակում վերադարձել է Բրիտանիա, որտեղ էլ ավարտել է դպրոցը: Սովորել է դերասանական արվեստ՝ վերաբերվելով դրան որպես հոբբի: Հետո հայտնվել է ազգային երիտասարդական թատրոնում, 2013 թվականին ավարտել է Լոնդոնի դրամատիկ կենտրոնը: Իր կարիերայի սկզբում դերակատարում է ունեցել Լոնդոնի տարբեր թատրոններում՝ հիմնականում «Գլոբուս» (Ուիլյամ Շեքսպիրի ստեղծագործության հիման վրա գրված «Վենետիկի վաճառականը» պիեսում)[6]: Եղբոր՝ Ժան-Ռեգեի հետ ստեղել է փանք խումբ[7], հետո Ջոշոուա Նեշեմի հետ ստեղծել են «Tunya» երաժշտական դուետը: 2020 թվականին այդ դուետի և պարուսույց Լանրե Մալոլուի ջանքերով նկարահանվել է կարժամետրաժ «Don’t wait» ֆիլմը[8]:

Զուգահեռաբար նկարահանվել է կինոյում և հեռուստատեսությունում: 2016 թվականին կատարել է «Ճուտիկ Ջորջի» դերը «Արմատներ» մինի սերիալում, 2018 թվականին նկարահանվել է «Մարդկանց համար» հեռուստասերիալի երկու էպիզոդներում: Փեյջին հայտնություն է բերել Նեթֆլիքսի «Բրիդջերթոն» հեռուստասերիալում կատարած Սայմոն Բասեթի՝ հերցոգ Հասթինգսի դերը[9], հեռուստասերիալի առաջին էպիզոդը էկրաններին է հայտնվել 2020 թվականի վերջին: Այդ դերում նա անվանկարգվել է «ԱՄՆ-ի կինոդերասանների գիլդա» մրցանակի «Դրամա հեռուստասերիալում լավագույն դերասան» անվանակարգում: «Բրիդջերթոն» հեռուստասերիալի մնացած դերասանական կազմի հետ հավակնել է մրցանակի «Դրամա հեռուստասերիալի լավագույն դերասանական անսամբլ» անվանակարգում[10]: 2021 թվականի մարտին հայտնի է դարձել, որ դերակատարում է ստացել «Մոխրագույն մարդը» ֆիլմում[11]: Ըստ ոչ պաշտոնական տեղեկության կարող է դառնալ նոր Ջեյմս Բոնդը՝ ֆրանշիզայից Դենիել Քրեյգի հեռանալուց հետո[5][12]:

2021 թվականի փետրվարի վերջին դերասանը հանդես է եկել որպես հաղորդավար և գլխավոր դերակատարներից մեկը երաժշտահումորային Saturday Night Live հաղորդման ժամանակ[13][14]:

Ֆիլմագրություն[խմբագրել | խմբագրել կոդը]

Տարի Հայերեն անվանում Բնօրինակ անվանում Դեր
2015 ս Վաթեռլոոյի կամուրջ Waterloo Bridge Գի Բրեքսթոն
2016 ֆ Արմատներ (հեռուստասերիալ) Roots «Ճուտիկ Ջորջ»
2018 ֆ Գիշատիչ քաղաքների ժամանակագրությունը Mortal Engines Կապիտան
2018 ս Մարդկանց համար For the People Լեոնարդ Նոքս
2020 ս Բրիդջերթոն Bridgerton Սայմոն Բասեթ, հերցոգ Հասթինգս
2021 ս Saturday Night Live Saturday Night Live Դերասան և հաղորդավար


Ծանոթագրություններ[խմբագրել | խմբագրել կոդը]