Իլմար Ռաագ
![]() էստ․՝ Ilmar Raag | |
---|---|
![]() | |
Ծնվել է | մայիսի 21, 1968 (56 տարեկան) |
Ծննդավայր | Կուռեսաառե, Էստոնական ԽՍՀ, ԽՍՀՄ |
Կրթություն | Օհայոյի համալսարան և Տարտուի համալսարան |
Քաղաքացիություն | ![]() |
Գործունեության տարիներ | 1997-այժմ |
Մասնագիտացում | կինոռեժիսոր, սցենարիստ, լրագրող և դերասան |
Պարգևներ | |
IMDb | ID 0704664 |
![]() |
![](http://upload.wikimedia.org/wikipedia/commons/thumb/e/e0/Ilmar_Raag_2021._aasta_Arvamusfestivalil.jpg/220px-Ilmar_Raag_2021._aasta_Arvamusfestivalil.jpg)
Իլմար Ռաագ (էստ․՝ Ilmar Raag, մայիսի 21, 1968, Կուռեսաառե, Էստոնական ԽՍՀ, ԽՍՀՄ), էստոնացի կինոռեժիսոր, սցենարիստ, դերասան, պրոդյուսեր, կինոքննադատ և լրագրող։
Կենսագրություն
[խմբագրել | խմբագրել կոդը]Իլմար Ռաագը ծնվել է 1968 թվականի մայիսի 21-ին Էստոնիայի Կուռեսաառե քաղաքում։ Ավարտել է Տարտուի համալսարանի արվեստի պատմության բաժինը։ Չորս տարի սովորել է Փարիզում՝ «Saint Denis» և «La Sorbonne Nouvelle» դպրոցներում, այնուհետև կրթությունը շարունակել է ամերիկյան Օհայոյի համալսարանում, որտեղ ստացել է մագիստրոսի աստիճան։ Պրակտիկա է անցել Լոս Անջելեսում՝ Columbia Pictures կինոստուդիայի՝ սցենարների մշակման բաժնում։ Փարիզում որպես թղթակից աշխատել է «Ժողովրդի ձայնը» (էստ․՝ Rahva Hääl) և «Էստոնական ցերեկային թերթ» (էստ․՝ Eesti Päevaleht) լրագրերում, վարել է ԷՏՎ հեռուստաալիք «Ֆրիկ» հաղորդումը, աշխատել է «Կուկու» ռադիոյում։
2001-2005 թվականների Իլմար Ռաագն աշխատել է Էստոնական հեռուստատեսությունում. նախ եղել է բաժնի վարիչ, իսկ հետագայում դարձել է հեռուստաալիքի տնօրեն։ RBC daily պարբերականի պնդմամբ՝ Իլմար Ռաագը հանդես է եկել ռուսերեն հաղորդումների եթերաժամանակի կրճատման առաջարկով[1]։ Սակայն Ռաագն ինքը հերքում է այդ փաստը (նա եղել է Էստոնիայում ռուսերեն առանձին հեռուստաալիքի ստեղծման նախաձեռնողներից մեկը) և այդ տեղեկությունը համարում է բամբասանք[2]։
Իլմար Ռաագը գրել է «Փոխակերպուկի անեծքը» և «Ես եղել եմ այստեղ» ֆիլմերի սցենարները[3]։ 1998 թվականին նա նկարահանել է «Սպանություն Տարտուում» մարտաֆիլմի ծաղրանմանումը, իսկ 2005 թվականին՝ «1991-ի օգոստոսը» վավերագրական խաղարկային ֆիլմը Էստոնիայի անկախության վերականգնման մասին։ 2007 թվականին էկրան է բարձրացել «Դասարան» ֆիլմը, որն ստացել է ավելի քան 20 մրցանակ և ներկայացվել է «Օսկարի» «արտասահմանյան լավագույն ֆիլմ» անվանակարգում[4]։
Ֆիլմագրություն
[խմբագրել | խմբագրել կոդը]- Ռեժիսոր
- 1998 – Tappev Tartu - ուսանողական աշխատանք
- 2005 – 1991-ի օգոստոսը / August 1991 - հեռուստաֆիլմ Էստոնիայի անկախության վերականգնման ժամանակների մասին
- 2007 – Դասարան / Klass
- 2010 – Դասարան. կյանքը հետո (հեռուստասերիալ) / Klass: elu pärast
- 2012 – Էստոնուհին Փարիզում / Une Estonienne à Paris
- 2013 – Կերտու / Kertu
- 2014 – Ես չեմ վերադառնա / Ma ei tule tagasi
- Սցենարիստ
- 1998 – Tappev Tartu
- 2005 – 1991-ի օգոստոսը / August 1991
- 2005 – Libahundi needus
- 2007 – Դասարան / Klass
- 2008 – Ես եղել եմ այստեղ / Mina olin siin
- 2010 – Դասարան. կյանքը հետո (հեռուստասերիալ) / Klass: elu pärast
- 2012 – Էստոնուհին Փարիզում / Une Estonienne à Paris
- 2013 – Կերտու / Kertu
Ծանոթագրություններ
[խմբագրել | խմբագրել կոդը]- ↑ В Эстонии хотят запретить все русское // RBC daily, 9 апреля 2004
- ↑ Блог Ильмара Раага (էստոներեն)
- ↑ Mina olin siin на IMDb
- ↑ Estonia offers Oscar Class act // Variety.com. Sep. 25, 2007
Արտաքին հղումներ
[խմբագրել | խմբագրել կոդը]- Իլմար Ռաագը (անգլ.) Internet Movie Database կայքում
![]() | Վիքիպահեստն ունի նյութեր, որոնք վերաբերում են «Իլմար Ռաագ» հոդվածին։ |
|