Ջորջ Իստմեն
| Ջորջ Իստմեն անգլ.՝ George Eastman | |
|---|---|
 | |
| Ծնվել է | հուլիսի 12, 1854[1][2][3][…] |
| Ծննդավայր | Waterville, Օնեյդա շրջան, Նյու Յորք, ԱՄՆ |
| Մահացել է | մարտի 14, 1932[1][2][3][…] (77 տարեկան) |
| Մահվան վայր | Ռոչեստեր, Նյու Յորք, ԱՄՆ |
| Գերեզման | Eastman Business Park[4] |
| Քաղաքացիություն | .svg){kind=small} ԱՄՆ |
| Մասնագիտություն | ձեռնարկատեր, գյուտարար, լուսանկարիչ, բարեգործ և մեկենաս |
| Ծնողներ | հայր՝ George Eastman?[5], մայր՝ Maria Kilbourn?[5] |
| Պարգևներ և մրցանակներ | |
Ստորագրություն | |
 George Eastman Վիքիպահեստում | |
Ջորջ Իստմեն (անգլ.՝ George Eastman, հուլիսի 12, 1854[1][2][3][…], Waterville, Օնեյդա շրջան, Նյու Յորք, ԱՄՆ - մարտի 14, 1932[1][2][3][…], Ռոչեստեր, Նյու Յորք, ԱՄՆ), ամերիկացի ձեռնարկատեր և գյուտարար, Eastman Kodak ընկերության հիմնադիրը։
Կենսագրություն[խմբագրել | խմբագրել կոդը]
Մանկություն և պատանեկություն[խմբագրել | խմբագրել կոդը]
Ջորջ Իստմենը ծնվել է 1854 թվականին ամերիկյան Ուոտերվիլլ քաղաքում, ոչ հարուստ գործարարի ընտանիքում։ Նրա հայրը մահացել է, երբ տղան դարձել է յոթ տարեկան, իսկ մայրը որպեսզի ինչ-որ կերպ կարողանար պահել ընտանիքը, ստիպված է եղել սենյակներ հանձնել կենվորներին։ Յոթ տարի սովորելուց հետո Իստմենը թողել է դպրոցը և ապահովագրական ընկերությունում անցել աշխատանքի և շաբաթական ստացել է ընդամենը 3 դոլար աշխատավարձ։ Դա հազիվ է բավականացրել, որպեսզի կերակրի ընտանիքը և այդ պատճառով Ջորջը Ռոչեստեր բանկում սկսել է լրացուցիչ աշխատանք[8]։
Ընկերության ծնունդը[խմբագրել | խմբագրել կոդը]
24 տարեկանում Իստմենը որոշում է հանգստանալ Սանտո Դոմինգոյում և այդ քաղաքի բոլոր գեղեցիկ վայրերը գտնվում են ֆոտոսկավառակի վրա։ Սակայն տեսախցիկը այնքան դժվար և անհարմար էր տեղափոխման և շահագործման համար, որ նա որոշեց հրաժարվել այդ մտքից։ Բայց այդ պահից ի վեր նրա բոլոր մտքերը պատկերված էին։ Նա իր առջև նպատակ էր դրել հնարավորինս պարզեցնել այդ գործընթացը[8]։
1879 թվականին Իստմենը կառուցել է մեքենա չոր բրոմոժելատինային ֆոտոսկավառակ պատրաստելու համար, իսկ 1880 թվականի սեպտեմբերին սկսել է ֆոտոսկավառակներ թողարկել[9]։ 1881 թվականի հունիսի 1-ին գրանցվել է «Իստմենի չոր սկավառակների ընկերությունը» (անգլ.՝ Eastman Dry Plate Company): 1883 թվականին նրա ընկերությունը թողարկել է գլանային ժապավեն, որը հարմար էր գրեթե բոլոր ապակյա թիթեղներով տեսախցիկների համար։ 1884 թվականին գործընկեր Իստմեն Սթրոնգը սկիզբ է տվել «Չոր սկավառակների և լուսանկարչական ժապավենների արտադրության ընկերությանը» (անգլ.՝ Eastman Dry Plate and Film Company)[10]:
1888 թվականի ամռանը թողարկվեց Kodak ապրանքանիշի առաջին տեսախցիկը։ Դա մի փոքրիկ տուփ էր։ Դրա լրիվ արժեքը կազմել է 25 դոլար[9]։ Մեկ այլ գլանային ժապավեն պատրաստել է Թոմաս Էդիսոնը, որը օգտագործվել է 1891 թվականին «Կինետոգրաֆ»-ի առաջին տարբերակում[11]։
1888 թվականի սեպտեմբերի 4-ին Kodak-ը գրանցվել է որպես ապրանքային նշան։ 1889 թվականին ստեղծվել է Eastman Company կոնցեռնը, իսկ 1892 թվականին Նյու Յորքում գրանցվելու պահից հետո ընկերությունն սկսել է կրել Eastman Kodak Company անունը։ 1901 թվականին ընկերությունը գրանցվել է ԱՄՆ-ի Նյու Ջերսի նահանգում Eastman Kodak Company of New Jersey անվանմամբ, որով այն գոյություն ունի մինչ այսօր[10]։
Սոցիալական բարեփոխումներ[խմբագրել | խմբագրել կոդը]
Իստմենը միշտ ուշադրություն է դարձրել իր ընկերության աշխատակիցներին։ Այսպիսով, նա առաջինն էր, ով մտցրել է կենսաթոշակային, կյանքի ապահովագրության և հաշմանդամության նպաստներ իր աշխատակիցների համար[8]։
Մշակութային գործունեություն[խմբագրել | խմբագրել կոդը]
Իստմենը հանդիսանում է Իստմենի երաժշտական դպրոցի հիմնադիրը։ Լայնորեն հայտնի է իր բարեգործական գործունեությամբ, ով հատկապես օգնել է ստոմատոլոգիական կլինիկաներին։
Հետագա տարիներ[խմբագրել | խմբագրել կոդը]
Կյանքի վերջին երկու տարիներին Իստմենի առողջությունը կտրուկ վատացել է և շուտով պարզվել է, որ նա անբուժելի հիվանդ է։ Այսօր այդ հիվանդությունը կրում է ողնաշարային խողովակի նեղացում անվանումը։ Իստմենը հիշել է, որ նրա մայրը կյանքի վերջին երկու տարիներին եղել է նույն վիճակում։ 1932 թվականի մարտի 14-ին կրակելով իր սրտին նա ինքնասպանություն է գործել։ Ջորջ Իստմենը, ով երբեք չի ամուսնացել, թաղվել է Ռոչեստերում Կոդակ ընկերության տարածքում[12]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 2,2 2,3 2,4 Benezit Dictionary of Artists — OUP, 2006. — ISBN 978-0-19-977378-7
- ↑ 3,0 3,1 3,2 3,3 3,4 Encyclopædia Britannica
- ↑ Find A Grave — 1996.
- ↑ 5,0 5,1 5,2 5,3 5,4 Pas L. v. Genealogics — 2003. — ed. size: 683713
- ↑ https://www.invent.org/inductees/george-eastman
- ↑ https://www.theaic.org/award_winners/goldmedal.html
- ↑ 8,0 8,1 8,2 «Джордж Истман»։ Արխիվացված է օրիգինալից 2012-03-26-ին
- ↑ 9,0 9,1 К. В. Вендровский։ «Вы нажимаете на кнопку — мы делаем остальное»։ Արխիվացված է օրիգինալից 2012-03-26-ին
- ↑ 10,0 10,1 «Закладывая основы»։ Արխիվացված է օրիգինալից 2012-03-26-ին
- ↑ «Примечания»։ Фотоплёнка (ռուսերեն)։ Zenit Camera։ Վերցված է 2015-01-01
- ↑ «George Eastman Biography» (անգլերեն)։ nnbd.com։ Արխիվացված է օրիգինալից 2012-03-26-ին
Արտաքին հղումներ[խմբագրել | խմբագրել կոդը]
- The George Eastman House Archived 2007-05-09 at the Wayback Machine.(անգլ.)
| ||||||||||||||||
