Ջեներալ Մոթորս

Ջեներալ Մոթորս
Տեսակ	բիզնես ձեռնարկություն և ձեռնարկություն
Հիմնադրված է	1908
Հիմնադիր	William C. Durant? և Charles Stewart Mott?
Վայր	Դետրոյթ, Միչիգան, ԱՄՆ և Միչիգան, ԱՄՆ
Երկիր	ԱՄՆ
Տնօրեն	Մերի Բառա
Արդյունաբերություն	ավտոմոբիլային արդյունաբերություն
Ընդհանուր ակտիվներ	▲208 300 000 000 ԱՄՆ դոլար (դեկտեմբեր 2017)
Հասույթ	▲166 500 000 000 ԱՄՆ դոլար (դեկտեմբեր 2017)
Աշխատողների թիվ	▼215 000 մարդ (2016)
Դուստր ընկերություններ	Holden, Opel, Vauxhall, GM Financial, GM Korea, General Motors Canada, GM Global Technology Operations, General Motors do Brasil, General Motors India Private Limited, OnStar?, General Motors?, Buick?, Baojun?, ACDelco?, UzDaewooAuto? և Geo?
Կայք	gm.com
Մասնակից է	Open Automotive Alliance
Բորսա	Նյու Յորքի ֆոնդային բորսա
	General Motors Վիքիպահեստում

«Ջեներալ մոթորս ընկերություն» (անգլ.՝ General Motors Company, նախկինում հայտնի որպես` General Motors Corporation), լայնորեն հայտնի որպես «General Motors» կամ պարզապես «GM», ամերիկյան ավտոմոբիլային անդրազգային ընկերություն, որի գլխամասը գտնվում է ԱՄՆ Միչիգան նահանգի կենտրոն՝ Դետրոյթ քաղաքում։ Տվյալ պահին աշխարհի երկրորդ խոշորագույն մեքենա արտադրող ձեռնարկությունն է՝ զիջելով «Տոյոտային»։

GM-ը ներկա պահին ունի մոտ 209 000 աշխատակից և բիզնես-գործունեություն է ծավալում 157 երկրներում, իսկ մեքենաներ և բեռնատարեր արատադրում 31 երկրներում։ Ջեներալ մոթորսին են պատկանոմ (և համարվում դրա դիվիզիաները) Buick, Cadillac, Chevrolet, GMC, Opel, Vauxhall, Holden և այլ ավտոմեքենաների ֆիրմաներ։

Պատմություն[խմբագրել | խմբագրել կոդը]

Ընկերությունը ստեղծվել է 1908 թվականի սեպտեմբերի 16-ին՝ Միչիգանի Ֆլինտ քաղաքում՝ որպես Buick ֆիրմայի հոլդինգային ընկերություն։ Buick-ի այն ժամանակվա կառավարիչն էր Ուիլյամ Դյուրանտը, ով արդեն հաջողություններ ունեցել էր ձիաքարշ մեքենաների ասպարեզում, երբ իր ուղին հարթեց դեպի ավտոմոբիլային արդյունաբերություն։ GM-ի ստեղծողներից էր նաև Չարլզ Սթյուարթ Մոտտը, ով իր "Մոտտ հիմնադրամի" միջոցով բավականին լուրջ ներդրումներ կատարեց ընկերության հետագա զարգացման համար։ Տարիների ընթացքում Մոտտը դարձավ ընկերության ամենախոշոր բաժնետերը։ 1908 թ.-ի վերջում Մոտտը ձեռք է բերում Oldsmobile մեքենաների ընկերությունը (այժմ այլևս չի գործում)։ Իսկ 1909 թ.-ին Դյուրանտը ընկերությանն է միացնում նաև Cadillac, Elmore, Oakland և այլ ընկերություններ։ Բացի այդ, նույն տարում Դյուրանտը ձեռք է բերում միչիգանյան մի քանի բեռնատար արտադրող կոնցեռներ, որոնք դառնում են GMC մեքենաների նախատիպերը։ Սակայն 1910 թ.-ին Դյուրանտը կորցնում է իր պաշտոնը, քանի որ իր գնումների համար չափից դուրս մեծ պարտքեր էր վերցրել բանկերից, երբ մեքենաների վաճառքի շուկայում գների խիստ անկում էր գրանցվել։

Chevrolet Suburban-ը ամենաերկար կյանք ունեցող տեսակն է, որ արտադրվում է մինչ օրերս

Հաջորդ տարի Դյուրնատը հիմնում է «Շեվռոլե ընկերությունը» (Chevrolet Motor Car Company), և գաղտնիօրեն ձեռք բերում Ջեներալ մոթորսում հսկողական փաթեթ, և, փաստորեն, նորից վերականգնում դիրքերը։ 1916 թ.-ին Դյուրանտը ընկերությունը անվանափոխում է General Motors Company-ից General Motors Corporation։ Սակայն շուտով նորից է կորցնում պաշտոնը և այս անգամ՝ ընդմիշտ։ Դյուրանտին փոխարինելու է գալիս Ալֆրեդ Սլոունը, ում միջոցով ընկերությունը ժամանակի ընթացքում շուկայում գրավում է դոմինանտ դիրք։ 1980-ականներին Ջեներալ մոթորսը ուներ 349 000 աշխատակից։

1931-2007 թթ.-ը՝ 77 տարի շարունակ Ջեներալ մոթորսը գլխավորում էր ավտոմեքենաների համաշխարհային վաճառքը։ Չնայած 2008 և 2009 թվականներին այն դիրքերը զիջեց Տոյոտային, սակայն 2011-ին այն կրկին վերականգնեց դիրքերը։

Գործող ապրանքանիշները[խմբագրել | խմբագրել կոդը]

Ապրանքանիշը	Տարին	Շուկաները
Buick	1903	Հյուսիսային Ամերիկա, Չինաստան, Թայվան, Իսրայել
Cadillac	1902	Հյուսիսային Ամերիկա, Եվրոպա, Ասիա, Միջին Արևելք, Աֆրիկա
GMC	1901	Հյուսիսային Ամերիկա, Միջին Արևելք
Chevrolet	1911	Ամբողջ աշխարհում՝ բացի Ավստրալիայից ու Նոր Զելանդիայից
Vauxhall	1925	Միացյալ Թագավորություն
Opel	1929	Ամբողջ աշխարհում՝ բացի Հյուսիսային Ամերիկայից և Մեծ Բրիտանիայից
Holden	1948	Ավստրալիա, Նոր Զելանդիա