Պորտուգալական թագավորական գրադարան

Վիքիպեդիայից՝ ազատ հանրագիտարանից
Jump to navigation Jump to search
Պորտուգալական թագավորական գրադարան
2018 Rio de Janeiro Real Gabinete Português de Leitura.jpg
ԵրկիրFlag of Brazil (1822–1870).svg Բրազիլիա
Տեսակգրադարան և շենք
Հիմնվել է1837
ՏեղադրությունՌիո դե Ժանեյրո
Այլ տվյալներ
Կայքrealgabinete.com.br
Կոորդինատներ: 22°54′19.400004100004″ հվ. լ. 43°10′55.9999921″ ամ. ե. / 22.90538889002777978° հս․. լ. 43.182222220028° ավ. ե. / 22.90538889002777978; 43.182222220028

Պորտուգալական թագավորական գրադարան (պորտ.՝ Real Gabinete Português de Leitura), գրադարան, գտնվում է Բրազիլիայում՝ Ռիո դե Ժանեյրոյում:

Իր ծառայությունների համար գրադարանը բազմիցս պարգևատրվել է: Նրա շենքը, արտաքին և ներքին ձևավորման շնորհիվ համարվում է քաղաքի տեսարժան վայրերից և բազմիցս հայտնվել է տարբեր ֆիլմերում: 2014 թվականին այն աշխարհի լավագույն գրադարաններից չորրորդն էր[1]:

Պատմություն[խմբագրել | խմբագրել կոդը]

Գրադարանը հիմնադրվել է 1837 թվականին պորտուգալացի 43 քաղաքական միգրանտների խմբի կողմից` պորտուգալական մշակույթը բրազիլական կայսրության մայրաքաղաքում զարգացնելու համար: 1900 թվականից սկսած գրադարանը դարձավ հանրաճանաչ:

Գրադարանի շենքը նախագծվել է նոր մանուելյան ոճով՝ պորտուգալացի ճարտարապետ Ռաֆայել դա Սիլվա Կաստրոյի կողմից, կառուցվել է 1880-1887 թվականներին[2]: Բրազիլիայի կայսր Պեդրու II1880 թվականի հունիսի 10-ին  դրել է շենքի հիմքը, իսկ նրա դուստրը՝ Բրազիլիայի արքայադուստր Իզաբելլան 1887 թվականի սեպտեմբերի 10-ին իր ամուսնու հետ հանդիսավոր կերպով բացում են գրադարանը:

Շենքի ճակատը ստեղծվել է Լիսաբոնում վանքի հիերոնիմիտների ձևով և նավով տեղափոխվել է Ռիո դե Ժանեյրո: Հուշարձանները իրենց մեջ ներառում են Պեդրու Կաբրալի, Լուիշ դի Կամոենսի, Հենրի Ծովագնացի և Վասկո դա Գամայի անունները: Հարթաքանդակները հիմնականում Ֆեռնան Լոպիշի, Ժիլ Վիսենտեի, Ալեքսանդր Հերկուլանոնի և Ժուանա դե Ալմեյդայի պատկերներով են: Ընթերցասրահի ինտերիերը, գրախանութները, ջահը և վիտրաժային առաստաղը պատկանում են նեոմանուելյան ոճին:

Բրազիլիայի գրականության ակադեմիայի պատմությունը կապված է նաև գրադարանի հետ:

Ֆոնդեր[խմբագրել | խմբագրել կոդը]

Գրադարանը Պորտուգալիայից դուրս ունի պորտուգալերեն գրքերի ամենամեծ հավաքածուն: Ֆոնդերը, որոնք ունեն շուրջ 350 հազար գրապահոցներ, ընդգրկում են Կամոենսի «Լուզիադ»-ի առաջին հրատարակությունը, Մաշադ դե Ասիսի կտակերգական ձեռագիրը և այլն: Գրադարանը Պորտուգալիայից ստանում է տարեկան մոտ վեց հազար հատոր: Բացի այդ, այստեղ կարելի է գտնել Ժոզե Մալոյի և այլ արվեստագետների ստեղծագործությունների հավաքածուներ:

Գրադարանը հրատարակել է «Convergência Lusíada» ամսագիրը և պորտուգալացի ուսանողների համար անցկացնում է պորտուգալերեն լեզվի, գրականության, պատմության, մարդաբանության և արվեստի մասին դասընթացներ։

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]