Պեջա Ստոյակովիչ

	Պեջա Ստոյակովիչ; Пеђа Стојаковић
	; Ստոյակովիչը «Մավերիքսի» համազգեստով (2011)
Դիրքը	Թեթև հարձակվող
Համար	№ 16
Ի ծնե տրված անունը	Պրեդրագ Ստոյակովիչ; Предраг Стојаковић
Ծննդյան ամսաթիվ	հունիսի 9, 1977 (46 տարեկան)
Ծննդավայր	Պոժեգա, ԽՍՀ, ՀՍՖՀ
Ազգություն	Սերբ
Հասակ	2,08 մ
Քաշ	104 կգ
Դրաֆթի տարի	1996 / ռաունդ՝ 1 / ընտր.՝ 14-րդ
Դրաֆթ ակումբ	Սակրամենտո Քինգս
Կարիերայի պատմություն
	Կարմիր Աստղ Բելգրադ (1992–1994); ՊԱՕԿ (1994–1998); Սակրամենտո Քինգս (1998–2006); Ինդիանա Փեյսերս (2006); Նյու Օռլեանս/Օկլահոմա սիթի Հորնեթս (2006–2010); Տորոնտո Ռեպտորս (2010–2011); Դալաս Մավերիքս (2011)
Մրցանակներ
	; NBA չեմպիոն (2011); 3× NBA աստղ (2002–2004); All-NBA երկրորդ թիմ (2004); 2× NBA 3-միավորանոց նետումների մրցույթի հաղթող (2002–2003); №16 խաղաշապկի հավերժացում «Սակրամենտո Քինգսի» կողմից; ԵվրոԲասկետի MVP (2001); Հունաստանի լիգայի MVP (1998); 2× Միստր Եվրոպա տարվա բասկետբոլիստ (2001–2002); Տարվա բասկետբոլիստ Եվրոսկարի վարկածով (2001); Եվրալիգայի առաջատար միավորների կատեգորիայում (1998); Հարավսլավիայի ամենաարդյունավետ խաղացող (1994);
Կարիերայի ցուցանիշներ
	Միավոր՝ 13 647 (17,0 մ/խ); 3Ն՝ 1760; 3ՆՍ%՝ 0,401

Պրեդրագ (Պեջա) Ստոյակովիչ (սերբ.՝ Predrag Stojaković, կիր.՝ Предраг Стојаковић, հունիսի 9, 1977(1977-06-09), Պոժեգա, Խորվաթիա), սերբ նախկին բասկետբոլիստ, թեթև հարձակվող։

Մասնագիտական կարիերան սկսել է Բելգրադի «Ցրվենա Զվեզդա» ակումբում։ Հունական «ՊԱՕԿ»-ում չորս մրցաշրջան անցկացնելուց հետո ընտրվել է Բասկետբոլի ազգային ասոցիացիայի (NBA) 1996 թվականի դրաֆթի առաջին ռաունդի 14-րդ համարով՝ «Սակրամենտո Քինգսի» կողմից։ Շուրջ երկու տարի պահեստային նստարանին անցկացնելուց հետո, 2000-01 մրցաշրջանում, որպես մեկնարկային բասկետբոլիստ, ցուցաբերում է բեկումնային ցուցանիշներ՝ իր հաշվին միջինում գրանցելով 20,4 միավոր, 5,8 անդրադարձ։

NBA-ում ելույթներ ունենալու տարիներին 3 անգամ ճանաչվել է NBA աստղ, 1 անգամ ընդգրկվել «All-NBA» խորհրդանշական հավաքականում, ինչպես նաև 2 անգամ հաղթել Բոլոր աստղերի ուիքենդի շրջանակներում անցկացվող 3-միավորանոց նետումների մրցույթը։ Հանդես է եկել նաև «Ինդիանա Փեյսերս», «Նյու Օռլեանս Հորնեթս», «Տորոնտո Ռեպտորս» և «Դալաս Մավերիքս» ակումբներում։ «Մավերիքսի» կազմում 2011 թվականին դարձել է NBA չեմպիոն։

Ակումբային կարիերայից զատ, արժանացել է ոսկե մեդալների 2001 թվականի ՖԻԲԱ-ի Եվրոպայի, և 2002 թվականի ՖԻԲԱ-ի աշխարհի առաջնություններում՝ գլխավորելով Սերբիայի բասկետբոլի ազգային հավաքականը։

Բասկետբոլային կարիերայից հեռացել է 2011 թվականին^[2]։ 2014 թվականի դեկտեմբերի 16-ին Ստոյակովիչի 16-րդ համարի խաղաշապիկը հավերժացվել է «Սակրամենտո Քինգսի» կողմից^[3]։