Պատվական Բարխուդարյան

Պատվական Բարխուդարյան
Ծնվել է	օգոստոսի 31, 1898(1898-08-31)
Ծննդավայր	Ստեփանավան, Լոռու մարզ, Հայաստան, ԽՍՀՄ
Մահացել է	հունվարի 13, 1948(1948-01-13) (49 տարեկանում)
Մահվան վայր	Երևան, Հայկական Խորհրդային Սոցիալիստական Հանրապետություն, ԽՍՀՄ
Քաղաքացիություն	ԽՍՀՄ
Ազգություն	հայ
Մասնագիտացում	դերասան և կինոռեժիսոր
Պարգևներ	ՀԽՍՀ վաստակավոր արտիստ
IMDb	ID ID 0054801

Պատվական Անդրեյի Բարխուդարյան (օգոստոսի 31, 1898, Ջալալօղլի, (այժմ՝ Ստեփանավան), Հայաստան) - հունվարի 13, 1948, Երևան, ՀԽՍՀ), հայ խորհրդային կինոռեժիսոր, ՀԽՍՀ վաստակավոր արտիստ (1940)։

Կենսագրություն

1923 թվականին ավարտել է Թբիլիսիի թատերական դպրոցը, ապա 1935-1937 թվականներին՝ սովորել Մոսկվայի Կինեմատոգրաֆիայի համամիութենական պետական ինստիտուտի ռեժիսորական ֆակուլտետում։ 1922-1925 թվականներին աշխատել է Վրաստանի կինոստուդիայում, 1926 թվականից՝ «Հայկինոյում»։ Բեմադրել է «Չար ոգի» (1927, Մ․ Գեյովանիի հետ), «Հինգն էլ խնձորին» (1928), «Տասնվեցերորդը» (1928), «Սև թևի տակ» (1930), «Կիկոս» (1931), «Արևի երեխան» (1932), «Երկու գիշեր» (1932) համր կինոնկարները։ Իր լավագույն՝ «Կիկոս» և «Երկու գիշեր» ֆիլմերում Պատվական Բարխուդարյանը նոր տեսանկյունից է մեկնաբանել պատմա-հեղափոխական թեման հայկական կինոյում, կերպարները բացահայտել է սուր երգիծանքով և նուրբ հոգեբանությամբ։ Բեմադրել է «Լեռնային հեղեղ» (1939), «Գվարդիականի կինը» (1942) և առաջին վավերագրական երաժշտական՝ «Հայկական կինոհամերգ» (1941), «Հայկական երկրորդ կինոհամերգ» (1946) ֆիլմերը։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։