Ուոլթեր Միթիի անհավանական կյանքը (ֆիլմ)
 The Secret Life of Walter Mitty | |
|---|---|
 Հերիք է երազես, սկսիր ապրել | |
| Երկիր |
 ԱՄՆ |
| Ժանր | ֆանտաստիկ, կատակերգություն, արկածային |
| Հիմք | The Secret Life of Walter Mitty |
| Թվական | 2013 |
| Պրեմիերա | 2013 թվականի դեկտեմբերի 25 |
| Լեզու | անգլերեն |
| Ռեժիսոր | Բեն Սթիլեր |
| Պրոդյուսեր | Բեն Սթիլեր, Սեմուել Գոլդվին, Ջոն Գոլդվին, Ստյուարտ Կորնֆելդ |
| Սցենարի հեղինակ | Սթիվ Կոնրադ, Ջեյմս Թերբեր |
| Դերակատարներ | Բեն Սթիլեր, Քրիստեն Ուիգ |
| Օպերատոր | Ստյուարտ Դրայնբերգ |
| Երաժշտություն | Թեոդոր Շապիրո |
| Մոնտաժ | Գրեգ Հայդեն |
| Պատմվածքի վայր | Նյու Յորք |
| Նկարահանման վայր | Իսլանդիա, Նյու Յորք, Լոս Անջելես և Բրիտանական Կոլումբիա |
| Կինոընկերություն | 20th Century Fox, Red Hour Films, TSG Entertainment, Samuel Goldwyn Films |
| Տևողություն | 114 րոպե |
| Բյուջե | 90 միլիոն դոլար |
| Շահույթ | 188,1 միլիոն դոլար |
| IMDb | ID ID 0359950 |
| Պաշտոնական կայքէջ | |
| The Secret Life of Walter Mitty (2013 film) Վիքիպահեստում | |
«Ուոլթեր Միթիի անհավանական կյանքը» (անգլ.՝ The Secret Life of Walter Mitty), Բեն Սթիլերի արկածային ֆիլմը։ Ֆիլմի հիմքում Ջեյմս Թերբերի գիրքն է։ Ֆիլմի պրեմիերան կայացել է 2013 թվականի դեկտեմբերի 25-ին։
Բովանդակություն
Սյուժե[խմբագրել | խմբագրել կոդը]
Սյուժեն Ջեյմս Թեբերի գրքի 21-րդ դարի տարբերակով է։ Ուոլթեր Միթին Life ամսագրի աշխատակիցն է։ Ուոլթերի հայրը մահացել էր, երբ նա փոքր էր, այժմ նա ուներ մորը և փոքր-ինչ տարօրինակ քրոջը։ Ուոլթերի աշխատանքը շատ խիստ գրաֆիկով է, սակայան նրա երազանքները գնում են շատ ավելի հեռու։ Նա իրականացնում է ֆանտաստիկ ճանապարհորդություններ՝ պատկերացնելով իրեն տիեզերագնացի, ճանապարհորդի կամ էլ անդիմադրելի Կազանովի դերում։ Ուոլթերը սիրահարվում է իր նոր գործընկերուհուն՝ հաշվապահ Շերիլ Մելհոֆին. նա միայն երազում է այդ մասին։ Ամսագրի ընկերությունը որոշում է, որ հաջորդ թողարկումը կլինի վերջինը, որը կտպագրվի, դրանից հետո ամսագիրը կլիներ միայն «թվային»։ Սրա պատճառով սպասվում էին խոշոր չափի կրճատումներ։ Ամսագրի գլխավոր էջում պետք է լիներ Շոն Օ՛Կոնելի լուսանկարը, ով համարվում էր լավագույն լուսանկարիչը։ Նկարը գտնելու միակ տարբերակը Շոնին գտնելն էր։ Ուոլթերը որոշում է մեկնել երկար ճանապարհորդության. Գրենլանդիա, Իսլանդիա և Հիմալայներ։ Խաբկանքի աշխարհից Ուոլթերը վերադառնում է իրականություն և հասկանում է որն է իրական կյանքը։
Դերերում[խմբագրել | խմբագրել կոդը]
| Դերակատար | Դեր |
|---|---|
| Բեն Սթիլեր | Ուոլթեր Միթի |
| Քրիստեն Ուիգ | Շերիլ |
| Ադամ Սքոտ | Թեդ |
| Քեթրին Հան | Օդեսա Միթի |
| Շիրլի Մաքլեյն | Էդնա Միթի |
| Շոն Փեն | Շոն Օ՛Կոնել |
| Ջոն Դեյլի | Թիմ Նորթոն |
| Թերենս Բերնի Հայնս | Դոն |
| Փոլ Ֆիցջերալդ | Թոդ |
Քննադատություններ[խմբագրել | խմբագրել կոդը]
Այն, որ այս ֆիլմը Բեն Սթիլերի հերթական ֆիլմն էր քննադատներին հնարավորություն էր տալիս, որ նրանք բացասական ձևով խոսեն ֆիլմի մասին։ Եթե «The Cable Guy» (Ջիմ Քերրիի մասնակցությամբ) կարելի է համարել մութ կատակերգություն, ապա «Ուոլթեր Միթիի...»-ը՝ չափից դուրս լուսավոր կատակերգություն։ Պատկերը չափազանց զգայուն է, թեև այն չի կարելի համարել դատարկ։ Առանձին դրվագների հումորային մասերը կարելի է համարել գրավող, սակայն ամբողջ ֆիլմն այնքան էլ սուր չէ[1]։ Ֆիլմում օրինակի համար ծանոթությունների կայքը այնքան էլ չեն գրավում ֆիլմը[2]։ 1947 թվականի աշխատանքը Սթիլերի ֆիլմի համեմատությամբ ավելի տրամաբանական ավարտ է ունենում։ Այստեղ Ուոլթեր Միթին աղջկա սիրտը գրավում է ոչ թե խելագար քայլերով, այլ հումորի զգացումով և մարդկային ջերմությամբ։ Ժամանակակից հատուկ էֆեկտները հնարավորություն են տալիս ավելի գեղեցիկ ներկայացնել ֆիլմի ավարտը։New York Times-ի քննադատ Սքոտը նշել է, որ ֆիլմի անձնակազմը չի կարողացել հերոսին հետաքրքրացնել։ Հեղինակները այդպես էլ չկարողացան հասկանալ ով էր նա. հերթական երազողը թե փիլիսոփա, ով ծնվել է քաղաքային կյանքի ժամանակաշրջանում[3][4]։
Մրցանակներ[խմբագրել | խմբագրել կոդը]
- 2013 թվական - ԱՄՆ-ի ազգային կինոքննադատների ցուցակում 10 ամենալավ ֆիլմերից
- 2013 թվական - լավագույն յուրահատուկ աշխատանք, լավագույն երաժշտություն
- 2014 թվական - Սատուրն-ի մրցանակ. լավագույն ֆանտաստիկ ֆիլմ, լավագույն դերասան
- 2014 թվական - American Comedy Awards. լավագույն կատակերգության դերասանուհի (Քրիստեն Ուիգ)
