Ուիթնի Վուլֆ Հերդ

Վիքիպեդիայից՝ ազատ հանրագիտարանից
Jump to navigation Jump to search
Ուիթնի Վուլֆ Հերդ
Դիմանկար
Ծնվել էհուլիսի 1, 1989(1989-07-01) (33 տարեկան)
ԾննդավայրՍոլթ Լեյք Սիթի, ԱՄՆ
ՔաղաքացիությունFlag of the United States.svg ԱՄՆ
ԿրթությունՀարավային մեթոդիստական համալսարան և Judge Memorial Catholic High School? (2007)
Մասնագիտությունգործարար, celebrity և ձեռնարկատեր
ԱշխատավայրBumble?

Ուիթնի Վուլֆ Հերդ (անգլ.՝ Whitney Wolfe Herd, հուլիսի 1, 1989(1989-07-01), Սոլթ Լեյք Սիթի, ԱՄՆ), ամերիկացի ձեռնարկատեր, «Bumble» սոցիալական և ժամադրությունների հավելվածի հիմնադիր և գլխավոր գործադիր տնօրեն, «Tinder» ժամադրությունների հավելվածի համահիմնադիր[1]։

«Bumble» հավելվածը թողարկվել է 2014 թվականին[2], իսկ 2016 և 2017 թվականներին համապատասխանաբար թողարկվել են ընկերներ գտնելու «BumbleBFF» և մասնագիտական ցանցային «BumbleBizz» հավելվածները[3][4]։ Ըստ «Ֆորբս» ամսագրի՝ ընկերությունը գնահատվում է ավելի քան 1 միլիարդ դոլլար[5]։

Ամերիկյան «Business Insider» կայքի կողմից 2014 թվականին ճանաչվել է մինչև 30 տարեկան կանանց մեջ 30 ամենակարևոր կանանցից մեկը[6]։ 2016 թվականին Elle ամսագրի կողմից ճանաչվել է որպես ՏՀՏ ոլորտի ամսագրի կին[7]։ 2017 և 2018 թվականին ընդգրկվել է «Ֆորբսի» մինչև 30 տարեկան կանանց լավագույն 30-ի կազմում[8][9]։ 2017 թվականին համարվել է «Inc» ամերիկյան բիզնես ամսագրի ընդօրինակման արժանի 15 կին ձեռնարկատերերից մեկը[10]։ Պատկերվել է «Ֆորբս»[5], «Fast Company»[11] և «Wired UK»[12] ամսագրերի կազմերի վրա։ 2018 թվականի ապրիլին ընդգրկվել է «Թայմ» ամերիկյան շաբաթաթերթի աշխարհի ամենաազդեցիկ 100 մարդկանց ցուցակում[13]։

Վաղ կյանք և կրթություն[խմբագրել | խմբագրել կոդը]

Ծնվել է Յուտա նահանգի մայրաքաղաք Սոլթ Լեյք Սիթիում հրեա Մայքլ Վուլֆի և կաթոլիկ Քելլի Վուլֆի ընտանիքում[14][15]։ Հաճախել է Judge Memorial Catholic High School մասնավոր ավագ դպրոցը։ Չորրորդ դասարանում սովորելիս ընտանիքը մեկնել է Փարիզ, որտեղ վարժ ֆրանսերեն է սովորել[16]։

Սովորել է Դալլասի Հարավային մեթոդիստական համալսարանում, որտեղ մասնագիտացել է միջազգային հարաբերություններում և հանդիսացել «Kappa Kappa Gamma» ուսանողական միության անդամ[17][18]։ Առաջին կուրսում ուսանել է Փարիզի Սորբոնի համալսարանում[19]։ Դեռևս ուսանողական տարիներին, 20 տարեկանում բամբուկե պայուսակների վաճառքի բիզնես է հիմնել՝ օգնելու նավթի արտազատումից տուժած շրջաններին։ Ընկերակցել է հանրահայտ ոճաբան Պատրիք Աուֆդենկամպի հետ, իսկ պայուսակները հայտնվել են ազգային մամուլի ուշադրության կենտրոնում, երբ այնպիսի հանրահայտ անձինք, ինչպիսիք էին՝ Ռեյչել Զոուին ու Նիկոլ Ռիչին, լուսանկարվել են դրանց հետ[20][21]։ Դրանից հետո Աուֆդենկամպի հետ ներկայացրել է «Քնքուշ սիրտ» կոչվող երկրորդ բիզնեսը․ հագուստի գիծ, որը նվիրված էր մարդկային թրաֆիքինգի ու արդար առևտրի մասին իրազեկության բարձրացմանը[20]։ Ավարտելուց հետո ճանապարհորդել է դեպի հարավարևելյան Ասիա ու աշխատել որբանոցներում[22][23]։

Կարիերա[խմբագրել | խմբագրել կոդը]

«Tinder»[խմբագրել | խմբագրել կոդը]

22 տարեկանում միացել է «Hatch Labs» ընկերությանը, որի միջոցով ներգրավվել է «Cardify» նորաստեղծ նախագծին․ վերջինս կյանքի չի կոչվել, սակայն 2012 թվականին Վուլֆը Ռեդ և Քրիս Գուլկզինսկիների հետ միացել է զարգացման թիմին՝ «Tinder» ծանոթությունների հավելվածն ստեղծելու համար[24][25][26]։

Դարձել է «Tinder»-ի մարքեթինգի գծով փոխնախագահը[18][23]։ Նրան է պատկանում հավելվածի անվան առաջադրման գաղափարը, որի համար նա ոգեշնչվել է բոցի լոգոյից ու փոքրիկ պատրույգներից, որոնք օգտագործվում են կրակ վառելու համար[27]։ Նրան է վերագրվում նաև համալսարանական ճամբարներում հավելվածի տարածումն ապահովելն ու օգտատերերի հենք ստեղծելը[28]։ 2014 թվականին մյուս գործադիրների հետ աճող լարվածության պատճառով հեռացել է ընկերությունից, որից հետո ընկերության դեմ դատական հայց է ներկայացրել սեռական ոտնձգության մեղադրանքով[29]։ Հաղորդվում է, որ համաձայնության գալու համար նրան վճարվել է ավելի քան 1 միլիոն դոլլար[18][30]։

«Bumble»[խմբագրել | խմբագրել կոդը]

2014 թվականի դեկտեմբերին տեղափոխվել է Տեխաս նահանգի Օստին քաղաքն ու հիմնադրել կինակենտրոն «Bumble» ծանոթությունների հավելվածը[29][23][31]։ Մինչև 2015 թվականի դեկտեմբերը հավելվածն ունեցել է ավելի քան 15 միլիոն զրույց և 80 միլիոն զույգ[29]։ «Tinder»-ից հեռանալուց հետո գործարար Անդրեյ Անդրեևը կապվել է Վուլֆի հետ՝ առաջարկելով համագործակցել ժամադրությունների հարթակ ստեղծելու շուրջ[32][17][18], որն այսօր հանդիսանում է գլխավորապես «Badoo» ընկերության սեփականությունը[33]։

2017 թվականի նոյեմբերի տվյալներով «Bumble»-ն ունեցել է ավելի քան 22 միլիոն գրանցված օգտատեր[34]։

2019 թվականի սեպտեմբերի տվյալների համաձայն՝ «Tinder» և «Bumble» հավելվածներն ԱՄՆ-ում ժամադրությունների ամենատարածված առաջին և երկրորդ հավելվածներն են եղել՝ համապատասխանաբար 7.9 և 5 միլիոն ամսական օգտագործողների թվով[35]։

2019 թվականի նոյեմբերին «Bumble»-ի մայր ընկերությունը վաճառվել է «The Blackstone Group» մասնավոր բաժնետիրական ընկերությանը, որի համահիմնադիր Անդրեևը հրաժարվել է «Bumble»-ի և դրա քույր ընկերություն «Badoo»-ի ամբողջ մասնաբաժնից։ Վուլֆ Հերդը դարձել է նոր ձեռք բերած 3 միլիարդ դոլլար արժողությամբ և 75 միլիոն օգտատեր ունեցող «MagicLab» ընկերության գործադիր տնօրենը և ստացել ընկերության սեփականության բաժնետոմսերի մոտավորապես 19%-ը[36]։

«Chappy»[խմբագրել | խմբագրել կոդը]

Միացյալ Թագավորությունում ստեղծված «Chappy» ժամադրությունների հարթակը ֆինանսավորվում է հիմնականում «Bumble»-ի և Վուլֆ Հերդի կողմից[37] և «Bumble»-ի նման հանդիսանում է Անդրեյ Անդրեևի սեփականությունն ու զարգանում «Badoo Group»-ի հովանու ներքո[38]։

Անձնական կյանք[խմբագրել | խմբագրել կոդը]

Ամուսնացած է Մայքլ Հերդի հետ[39][40]։ 2019 թվականի դեկտեմբերին զույգն Ինստագրոմում հայտարարել է իրենց առաջնեկի ծննդյան մասին[41]։ Սրանով պայմանավորված՝ 2019 թվականին «Բամբլի» աշխատակիցների համար ծնողական նոր նպաստներ են սահմանվել, այդ թվում՝ բոնուսներ, վճարովի արձակուրդներ և աշխատանքի վերադառնալու ճկուն ժամանակացույց[42]։

2019 թվականին «Ֆորբս» ամսագիրը թոփ 80 «ամենահարուստ ինքնաբավ կանանց» շարքում Հերդին դասել է 72 համարի ներքո[43]։

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Business Story by Sara Ashley O'Brien, CNN Business Video by Richa Naik and Craig Waxman, CNN։ «She sued Tinder, founded Bumble and now, at 30, is the CEO of a dating empire»։ CNN։ Վերցված է 2020-01-02 
  2. «How I Built This» 
  3. Lee Dami (2017-10-02)։ «Bumble launches Bizz, a new mode for professional networking»։ The Verge (անգլերեն)։ Վերցված է 2020-01-23 
  4. «Bumble launches BFF, a feature to find new friends»։ TechCrunch (en-US)։ Վերցված է 2020-01-23 
  5. 5,0 5,1 Clare O'Connor (November 14, 2017)։ «Billion-Dollar Bumble: How Whitney Wolfe Herd Built America's Fastest-Growing Dating App»։ Forbes։ Վերցված է November 17, 2017 
  6. Kosoff Maya։ «The 30 Most Important Women Under 30 In Tech»։ Business Insider։ Վերցված է 2019-06-19 
  7. Molly Langmuir (May 13, 2016)։ Meet Elle's 2016 Women in Tech։ Elle 
  8. «Meet The Consumer Technology 30 Under 30 Class Of 2017» 
  9. Forbes Releases 2018 Edition of the 30 Under 30 List։ Forbes։ November 14, 2017։ Վերցված է December 31, 2017 
  10. «15 Female Entrepreneurs to Watch Out For in 2017» 
  11. Valby Karen (August 28, 2017)։ Bumble's CEO Takes Aim at LinkedIn։ Fast Company։ Վերցված է December 31, 2017 
  12. Tait Amelia (August 30, 2017)։ Swipe Right for Equality: How Bumble is Taking on Sexism։ Wired UK։ Վերցված է December 31, 2017 
  13. «Whitney Wolfe Herd: The World’s 100 Most Influential People»։ Time (en-us)։ Վերցված է April 27, 2018 
  14. «Whitney Wolfe is Bringing Feminism to Your Phone»։ Austin Woman Magazine (en-US)։ 2016-04-01։ Վերցված է 2020-07-14 
  15. Amanda FitzSimons (2017-11-27)։ «Whitney Wolfe Helped Women Score Dates. Now She Wants to Get Them Their Dream Job»։ ELLE (en-US)։ Վերցված է 2020-03-03 
  16. Wagman-Geller Marlene (2018-04-15)։ Women Who Launch: Women Who Shattered Glass Ceilings (անգլերեն)։ Mango Media Inc.։ ISBN 978-1-63353-696-8 
  17. 17,0 17,1 Charlotte Alter (May 15, 2015)։ Whitney Wolfe Wants to Beat Tinder at Its Own Game։ Time 
  18. 18,0 18,1 18,2 18,3 Hannah Ellis-Petersen (April 12, 2015)։ «WLTM Bumble – A dating app where women call the shots»։ The Guardian 
  19. Suzannah Ramsdale։ Does Tinder empower women? This woman thinks so…։ Marie Claire 
  20. 20,0 20,1 Hilary Hirschfeld (November 3, 2010)։ «SMU senior Whitney Wolfe launches second business, clothing line Tender Heart»։ Daily Campus 
  21. «Meet Bumble chief executive Whitney Wolfe»։ The Washington Post։ October 23, 2015 
  22. Sarah Thurmond (August 2, 2015)։ «Queen Bee»։ Austin Monthly 
  23. 23,0 23,1 23,2 Kimya Kavehkar (March 7, 2016)։ «Whitney Wolfe: The Matchmaker»։ Paper Mag 
  24. Josie Ensor (May 23, 2015)։ «Tinder co-founder Whitney Wolfe: 'The word 'feminist' seemed to put guys off, but now I realise, who cares?'»։ Telegraph 
  25. Melissah Yang (January 29, 2015)։ «Whitney Wolfe Says Goodbye Tinder, Hello Bumble»։ Los Angeles Business Journal 
  26. Shontell Alyson։ «What It's Like To Found A $750 Million Startup, Go Through A Sexual-Harassment Lawsuit, And Start All Over By Age 25»։ Business Insider 
  27. «Whitney Wolfe: The Woman Who Took Tinder To Court – And Came Back Fighting»։ Grazia։ Վերցված է 2020-03-03 
  28. Tucker Cummings (July 1, 2014)։ «Tinder's Whitney Wolfe: 5 Fast Facts You Need to Know»։ Heavy 
  29. 29,0 29,1 29,2 Todd C. Frankel (December 2, 2015)։ «Whitney Wolfe, founder of dating app Bumble, has had quite the year. She just can't discuss parts of it.»։ The Washington Post 
  30. Kosoff Maya։ «Report: Ousted Tinder Cofounder Settled Her Sexual Harassment Lawsuit Against The Company For 'Just Over $1 Million'»։ Business Insider։ Վերցված է 2020-03-03 
  31. Bennett Jessica (2017-03-18)։ «With Her Dating App, Women Are in Control»։ The New York Times (en-US)։ ISSN 0362-4331։ Վերցված է 2020-03-05 
  32. Leora Yashari (August 7, 2015)։ Meet the Tinder Co-Founder Trying to Change Online Dating Forever։ Vanity Fair 
  33. Ryan Mac (January 3, 2017)։ 2017 30 Under 30: Consumer Technology – 28 of 30։ Forbes 
  34. Clare O'Connor (Nov 14, 2017)։ Billion-Dollar Bumble: How Whitney Wolfe Herd Built America's Fastest-Growing Dating App։ Forbes 
  35. «U.S. dating apps by audience size 2019»։ Statista (անգլերեն) 
  36. «Andrey Andreev sells stake in Bumble owner to Blackstone, Whitney Wolfe Herd now CEO of $3B dating apps business»։ TechCrunch (en-US)։ Վերցված է 2020-01-05 
  37. «6 things you need to know about gay dating app Chappy»։ Evening Standard (անգլերեն)։ 2017-08-17։ Վերցված է 2020-03-05 
  38. «Report: Grindr’s Chinese owner Kunlun is selling the dating app after CFIUS raised personal data concerns»։ TechCrunch (en-US)։ Վերցված է 2019-04-05 
  39. «Whitney Wolfe Herd on Instagram: “❤️happy two years my everything”»։ Instagram (անգլերեն)։ Վերցված է 2019-09-17 
  40. Macon Alexandra (October 5, 2017)։ «Bumble Founder Whitney Wolfe’s Whirlwind Wedding Was a True Celebration of Southern Italy»։ Vogue (անգլերեն)։ Վերցված է 2019-01-07 
  41. «"Whitney Wolfe Herd on Instagram»։ Վերցված է 23 July 2020 
  42. «Whitney Wolfe Herd Rethinks Parental Benefits After Pregnancy Announcement»։ Global Dating Insights (en-GB)։ 2019-06-18։ Վերցված է 2019-09-17 
  43. «2019 AMERICA'S SELF-MADE WOMEN NET WORTH»։ Forbes։ Forbes։ 3 June 2019։ Վերցված է 1 July 2019 

Արտաքին հղումներ[խմբագրել | խմբագրել կոդը]