Վիքիպեդիայից՝ ազատ հանրագիտարանից
Շոշի կամավորական ջոկատ , կազմավորվել է 1990 թվականին Արցախի Հանրապետության Ասկերանի շրջանի Շոշ գյուղում։ 1992 թվականի գարնանը Մխիթարաշեն, Կարմիրգյուղ, Սզնեք գյուղերի ջոկատների հիմքի վրա ստեղծվել է Շոշի վաշտը (հրամանատարներ՝ Ա.Հարությունյան, Ա.Մարգարյան), որը 1992 թվականի սեպտեմբերին ընդգրկվել է Ասկերանի ՊՇ -ի (հրամանատար՝ Վ.Բալասանյան, շտաբի պետ՝ Ա.Հարությունյան) առաջին մոտոհրաձգային գումարտակի մեջ (հրամանատար՝ Վ.Սաֆյան)։ 1990-1994 թվականներին ջոկատն առանձին կամ գնդի կազմում մասնակցել է գյուղի, Հադրութի (Տող Ծամձոր, Սարինշեն), Ասկերանի (Դահրավ , Խոջալու , Ասկերան , Նախիջևանիկ), Շուշիի (Քարինտակ, Շուշի), Քաշաթաղի («Մարդասիրական միջանցք» ), Մարտակերտի (Ումուդլու, Սարսանգի հիդրոհանգույց, Կուսապատ, «Պուշկինյալ» բարձունք), Քարվաճառի (Օմարի լեռնանցք ), Աղդամի (Խըդրլու, Չախուրմահլա, Շելլի, Կասումլու, Ղարադաղլու, Փոլադլու, Աղդամ), Կուբաթլուի , Ջաբրայիլի , Զանգելանի , Ֆիզուլիի շրջանների, Բերդաձորի ենթաշրջանի ինքնապաշտպանական և ազատագրական մարտերին։ Մարտական տարբեր գործողությունների ժամանակ հրամանատարներ են եղել Ա.Հարությունյանը (ջոկատի, վաշտի), Ա.Մարգարյանը (վաշտի)։ Ջոկատից, վաշտից Արցախի Հանրապետության «Մարտական խաչ» 1-ին աստիճանի շքանշանով պարգևատրվել է 3, Արցախի Հանրապետության «Մարտական խաչ» 2-րդ աստիճանի շքանշանով ՝ 3, Արցախի Հանրապետության «Արիության համար» մեդալով ՝ 3, Արցախի Հանրապետության «Շուշիի ազատագրման համար» մեդալով ՝ 53, «Մայրական երախտագիտություն Արցախի քաջորդիներին» հուշամեդալով ՝ 10։ Զոհվել է 13 ազատամարտիկ։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Ղարաբաղյան ազատագրական պատերազմ (1988—1994) հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո ։
Արցախ