Շմավոն Թորոսյան

Շմավոն Թորոսյան
Ծնվել է	ապրիլի 7, 1926(1926-04-07)
Ծննդավայր	Ոսկեհասկ, Հայաստան, ԽՍՀՄ
Վախճանվել է	հոկտեմբերի 18, 1984(1984-10-18) (58 տարեկանում)
Վախճանի վայր	Լենինական, Հայկական ԽՍՀ, ԽՍՀՄ
Մասնագիտություն	թարգմանիչ և բանաստեղծ
Լեզու	հայերեն
Ազգություն	հայ
Կրթություն	Շիրակի պետական համալսարան
Անդամակցություն	ԽՍՀՄ Գրողների միություն

Շմավոն Թորոսյան (ապրիլի 7, 1926(1926-04-07), Ոսկեհասկ, Հայաստան, ԽՍՀՄ - հոկտեմբերի 18, 1984(1984-10-18), Լենինական, Հայկական ԽՍՀ, ԽՍՀՄ), հայ բանաստեղծ, թարգմանիչ։ ԽՍՀՄ գրողների միության անդամ (1957)։ ԽՄԿԿ անդամ 1952 թվականից:

Կենսագրություն

Ծնվել է ՀԽՍՀ Ախուրյանի շրջանի Ոսկեհասկ գյուղում։ 1948 թվականին ավարտել է Լենինականի մանկավարժական ինստիտուտի լեզվագրական ֆակուլտետը։ 1948-1951 թվականներին աշխատել է Ախուրյանի շրջանի ժողկրթբաժնում որպես տեսուչ, 1951-1967 թվականներին՝ որպես ռադիոթղթակից, ապա Լենինականի ռադիոինֆորմացիայի պատասխանատու խմբագիր։ 1966-1981 թվականներին եղել է Հայաստանի գրողների միության Լենինականի բաժանմունքի պատասխանատու քարտուղարը։ Նրա առաջին բանաստեղծությունը լույս է տեսել 1945 թվականին Ախուրյանի «Կոլտնտեսական» շրջանային թերթում։ Ռուսերեն առանձին գրքով լույս են տեսել նրա «Կյանք, սիրում եմ քեզ» (Մոսկվա, 1962), «Մարդ, քեզ հետ եմ» (Մոսկվա, 1974) բանաստեղծությունների ժողովածուները։ Մահացել է Լենինականում:

Երկեր

• Առաջին ղողանջ, Ե., Հայպետհրատ, 1951, 91 էջ:
• Սիրո թևերով, Ե., Հայպետհրատ, 1956, 89 էջ:
• Շիրակի առավոտը, Ե., Հայպետհրատ, 1959, 141 էջ:
• Պատանության հովտից, Ե., Հայպետհրատ, 1963, 92 էջ:
• Մարդ, քեզ հետ եմ, Ե., «Հայաստան», 1967, 160 էջ:
• Գագաթների հեռուն, Ե., «Հայաստան», 1972, 22 էջ:
• Հանդիպում գագաթին, Ե., «Հայաստան», 1972, 235 էջ:
• Ճերմակ նժույգներ, Ե., «Հայաստան», 1975:

Արտաքին հղումներ

• Շ. Թորոսյանի 80-ամյակին նվիրված միջոցառման մասին «Ազգ» օրաթերթում