Շավարշ Աղաբաբյան

Շավարշ Աղաբաբյան
Ծնվել է	դեկտեմբերի 7 (20), 1900; Ղարաքիլիսա, Ալեքսանդրապոլի գավառ, Երևանի նահանգ, Ռուսական կայսրություն
Մահացել է	հոկտեմբերի 31, 1967 (66 տարեկան); Երևան, Հայկական ԽՍՀ, ԽՍՀՄ
Գերեզման	Թոխմախի գերեզմանատուն
Քաղաքացիություն	ԽՍՀՄ
Ազգություն	հայ
Մասնագիտություն	գյուղատնտես և դասախոս
Հաստատություն(ներ)	Սննդի գիտահետազոտական ինստիտուտ
Ալմա մատեր	Վրաստանի տեխնիկական համալսարան (1925)
Կոչում	պրոֆեսոր
Գիտական աստիճան	գյուղատնտեսական գիտությունների դոկտոր (1945)
Պարգևներ	; և
Երեխա(ներ)	Վլադիսլավ Աղաբաբյան

Վիքիպեդիայում կան հոդվածներ Աղաբաբյան ազգանունով այլ մարդկանց մասին։

Շավարշ Մնացականի Աղաբաբյան (դեկտեմբերի 7 (20), 1900^[1]^[2], Ղարաքիլիսա, Ալեքսանդրապոլի գավառ, Երևանի նահանգ, Ռուսական կայսրություն^[1]^[2] - հոկտեմբերի 31, 1967(1967-10-31)^[2], Երևան, Հայկական ԽՍՀ, ԽՍՀՄ^[2]), հայ խորհրդային գյուղատնտես, գյուղատնտեսական գիտությունների դոկտոր (1945), պրոֆեսոր (1947)։ ՀԽՍՀ գիտության վաստակավոր գործիչ (1960)։

Կենսագրություն[խմբագրել | խմբագրել կոդը]

Ծնվել է դեկտեմբերի 7 (20)-ին, Ղարաքիլիսայում (Կիրովական)։ Ավարտել է Թիֆլիսի պոլիտեխնիկական ինստիտուտի գյուղատնտեսական ֆակուլտետը (1925)։

Աշխատանք[խմբագրել | խմբագրել կոդը]

1927-1937 թվականներին աշխատել է Մոսկվայում՝ Կերերի համամիութենական ինստիտուտում։ 1949-1951 թվականներին եղել է Երևանի Կերհայթայթման Գիտահետազոտական ինստիտուտի տնօրեն, իսկ 1956-1967 թվականներին գլխավորել Անասնաբուծության և անասնաբուժության Գիտահետազոտական ինստիտուտի արոտների և մարգագետինների բաժինը։

Ուսումնասիրություններ[խմբագրել | խմբագրել կոդը]

Աղաբաբյանն ուսումնասիրել է խոտհարքային և արոտային կերաբույսերի կենսաբանական առանձնահատկությունները, ՀԽՍՀ անասնապահության կերային բազան, զբաղվել է դրա բարելավման հարցերով ևս։

Մրցանակներ[խմբագրել | խմբագրել կոդը]

«ԽՍՀՄ խոտհարքների և արոտների կերաբույսերը» աշխատության 1-ին հատորի համար Աղաբաբյանին շնորհվել է ԽՍՀՄ պետական մրցանակ (1951)։ Պարգևատրվել է Աշխատանքային կարմիր դրոշի շքանշանով, ԽՍՀՄ Ժողովրդական տնտեսության նվաճումների ցուցահանդեսի ոսկե ու արծաթե մեդալներով։ Մահացել է հոկտեմբերի 31-ին, Երևանում։

Երկեր[խմբագրել | խմբագրել կոդը]

Հայաստանի խոտհարքների և արոտների բարելավումը։ Երևան, Հայպետհրատ, 1941։
Հրահանգ անասունների արոտային ճիշտ պահվածքի կազմակերպման և արածեցման զագոնային սիստեմին անցնելու մասին։ Երևան, Հայպետհրատ, 1942։
Վայրի խոտաբույսերի սերմի հավաքումը և օգտագործումը։ Երևան, Հայպետհրատ, 1949։
Խոտախառնուրդներ։ Երևան, Հայպետհրատ, 1951։
Կանաչ կոնվեյեր։ Երևան, Հայպետհրատ, 1951։
ՍՍՀՄ խորհարքների և արոտների կերաբույսերը, հ. 1-3, 1950-1960 (ռուսերեն)։
Կերահայթայթում։ (Գյուղատնտեսկան 2-րդ կարգի վարպետներ պատրաստելու ձեռնարկ), ՀՀ գյուղատնտեսության նախարարություն, Գյուղատնտեսական պրոպագանդայի բաժին, Երևան, Հայպետհրատ, 1952 (համահեղինակ)։
Հրահանգ վայրի խոտաբույսերի սերմեր հավաքելու մասին։ Երևան, Գյուղատնտեսության մինիստրություն, ՀԽՍՀ Գյուղատնտեսական պրոպագանդայի վարչության հրատարակչություն, 1952։
Տարեկանը որպես անասնակեր։ ՀԽՍՀ Գյուղատնտեսության մինիստրության գիտության բաժին, Երևան, Ա. հ., 1955:
Կերահայթայթման առաջավոր փորձը համամիութենական գյուղատնտեսական ցուցահանդեսում, ՀԽՍՀ Գյուղատնտեսության մինիստրության գիտության բաժին, Երևան, Ա. հ., 1955:
Կերային կուլտուրաների սերմնաբուծությունը, Երևան, 1959։
Կուլտուրական խոտհարքների եվ արոտավայրերի ստեղծումը։ Երևան, «Հայաստան», 1966։

Ծանոթագրություններ[խմբագրել | խմբագրել կոդը]

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
↑ ^2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 ^2,10 ^2,11 ^2,12 ^2,13 ^2,14 Հայկական համառոտ հանրագիտարան (հայ.) — Հայկական հանրագիտարան հրատարակչություն, 1990. — հատոր 1.

Վիքիդարանն ունի նյութեր, որոնք վերաբերում են «Շավարշ Աղաբաբյան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 238)։

[_5e5775e65518eefb-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.

[_1b6028f0d8296c44-2] 2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 ^2,10 ^2,11 ^2,12 ^2,13 ^2,14 Հայկական համառոտ հանրագիտարան (հայ.) — Հայկական հանրագիտարան հրատարակչություն, 1990. — հատոր 1.

[1]

[2]