Նորայր Սարգսյան

Նորայր Սարգսյան
Ծնվել է	հունվարի 1, 1936(1936-01-01)
Ծննդավայր	Երևան, Հայկական ԽՍՀ, ԱԽՖՍՀ, ԽՍՀՄ
Մահացել է	հունվարի 18, 1995(1995-01-18) (59 տարեկան)
Մահվան վայր	Երևան, Հայաստան
Կրթություն	Երևանի պետական գեղարվեստա-թատերական ինստիտուտ
Աշխատավայր	Երևանի պատանի հանդիսատեսի, Գաբրիել Սունդուկյանի անվան ակադեմիական թատրոն և Ալեքսանդր Սպենդիարյանի անվան օպերայի և բալետի ազգային ակադեմիական թատրոն
Պարգևներ և մրցանակներ

Նորայր Սարգսյան (հունվարի 1, 1936(1936-01-01), Երևան, Հայկական ԽՍՀ, ԱԽՖՍՀ, ԽՍՀՄ - հունվարի 18, 1995(1995-01-18), Երևան, Հայաստան), հայ բեմադրիչ։ ՀԽՍՀ արվեստի վաստակավոր գործիչ (1976)։

Կենսագրություն

Նորայր Սարգսյանը ծնվել է 1936 թվականին Երևանում։ Որպես դերասան 9 տարեկան հասակից հանդես է եկել Երևանի Պատանի հանդիսատեսի թատրոնում։ Սովորել է Երևանի գեղարվեստա-թատերական ինստիտուտի ռեժիսորական ֆակուլտետում (Վարդան Աճեմյանի արվեստանոց)։ Ուսմանը զուգահեռ շարունակել է աշխատել թատրոնում, որտեղ բեմադրել է Ազատ Շահինյանի «Իմ սիրելի փոքրիկը», Ե. Շվարցի «Սովորական հրաշք», Ֆոնվիզինի «Տհասը» (ՀԽՍՀ Պետական մրցանակ) և այլն։

Բեմադրություններ

Հայաստանի թատրոններում բեմադրել է ավելի քան 40 ներկայացումներ։ 1968 թվականից եղել է Երևանի դրամատիկական թատրոնի ստեղծման ակունքներում և Հրաչյա Ղափլանյանի հետ միասին բեմադրել է մի շարք ներկայացումներ` Գևորգ Արշակյանի «Այս աշխարհի փոքրերը», Գ. Յախշանի «Եղբայրները», Պերճ Զեյթունցյանի «Ամենատխուր մարդը» (ՀԽՍՀ Պետական մրցանակ) և այլն։ Եղել է Հայաստանի կառավարական համերգների բեմադրիչը։

Գաբրիել Սունդուկյանի անվան ազգային ակադեմիական թատրոն

Պիեսներ է բեմադրել նաև Երևանի Գաբրիել Սունդուկյանի անվան ազգային ակադեմիական թատրոնում`

• Ա.Արբուզովի «Դաժան խաղեր»
• Գ.Սունդուկյանի «Քանդած օջախ»
• Աբդուլինի «13-րդ նախագահը»

Ալեքսանդր Սպենդիարյանի անվան օպերայի և բալետի պետական թատրոն

• Երևանի Ալեքսանդր Սպենդիարյանի անվան օպերայի և բալետի ազգային ակադեմիական թատրոնում բեմադրել է`
• Տիգրան Չուխաճյանի «Արշակ Երկրորդ»
• Ստեփան Ջրբաշյանի «Գիքոր»
• Պյոտր Չայկովսկու «Իոլանտա»
• Պուչինիի «Բոհեմա»
• Վերդիի «Տրուբադուր»

Պարգևներ

• ՀԽՍՀ Պետական մրցանակ
• ՀԽՍՀ արվեստի վաստակավոր գործիչ, 1976