«Նյույորքյան րոպե» (անգլ.՝ New York Minute), 2004 թվականի ամերիկյան երիտասարդական կինոկատակերգություն, որի ռեժիսորն է Դեննի Գորդոնը։ Գլխավոր դերերում հանդես են գալիս Մերի-Քեյթ և Էշլի Օլսենները։
Ֆիլմում նկարագրվում է 17-ամյա երկվորյակ քույրերի՝ Ջեյն և Ռոքսանա Ռայանների մեկ օրվա պատմությունը, որը տեղի է ունենում քույրերի հետ Նյու Յորքում։ Պերֆեկցիոնիստուհի Ջեյնը (Էշլի Օլսեն), որը երազում է ավարտել Օքսֆորդի համալսարանը, պատրաստվում է կարևոր ճառ արտասանել մրցույթի ժամանակ, այն դեպքում, երբ խռովարար Ռոքսին (Մերի-Քեյթ Օլսեն) ձգտում է ներկա լինել անդերգրաունդ ռոք խմբի տեսահոլովակի նկարահանումներին, որպեսզի փոխանցի իր դեմոձայնագրությունը։ Սակայն աղջիկների պլանները ձախողվում են Ջեյնի օրագրի պատճառով, որը նա չէր թողնում ոչ մի րոպե։ Աղջիկները որոշում են միավորվել։ Պատահական նրանք հայտնվում են երաժշտական շուկայում մութ գործարքների մեջ։ Նրանց հետապնդում է դպրոցահասակներով զբաղվող ոստիկանը (Ռոքսիի դասերից բացակայելու պատճառով), վարձու մարդասպանները, քաղաքական գործիչները։ Նրանց մեղադրում են սենատորի շանը գողանալու մեջ։ Աղջիկներն ընկնում են բազմաթիվ փորձությունների մեջ․ կոյուղիներով ճանապարհորդություն, պրոֆեսիոնալ վարսավիրանոց, լիմուզինից փախուստ, գաղտնի ներթափանցում սենատորի սենյակ, գաղտնի չիպի հայտնաբերում… Բացի այդ, փորձությունների շղթայում նրանց հաջողվում է սիրային հարաբերություններ ունենալ սենատորի որդու Թրեյի (Ջարեդ Պադալեկի) և գեղեցիկ առաքիչ հեծանվորդի հետ։
ԱՄՆ