Ռայլի Սմիթ

Վիքիպեդիայից՝ ազատ հանրագիտարանից
Jump to navigation Jump to search
Ռայլի Սմիթ
Ծնվել էապրիլի 12, 1978(1978-04-12)[1] (41 տարեկան)
ԾննդավայրՍիդար Ռեփիդս, Այովա, ԱՄՆ
ՔաղաքացիությունFlag of the United States.svg ԱՄՆ
Մասնագիտությունդերասան, հեռուստատեսային դերասան, մոդել, կինոդերասան և երգիչ
Պարգևներ և մրցանակներCAMIE Awards?

Ռայլի Սմիթ (անգլ.՝ Riley Smith, ապրիլի 12, 1978(1978-04-12)[1], Սիդար Ռեփիդս, Այովա, ԱՄՆ[2]), ամերիկացի դերասան։ Առավել հայտնի է հեռուստատեսային իր դերերով, մասնավորապես «24», «Նոր Ժաննա դ'Արկ», «90210», «Իրական արյուն» և «Առաքյալները» հեռուստասերիալներում։ Բացի այդ, Ռայլին մարմնավորել է «Դրայվ» և «Ռադիոալիք» հեռուստասերիալների գլխավոր հերոսներին։

Վաղ կյանք և կրթություն[խմբագրել | խմբագրել կոդը]

Սմիթի ծնողներն են Ռուս և Ռոքսանա Սմիթները։ Նա ծնվել է ԱՄՆ Այովա նահանգի Սիդար Ռեփիդս քաղաքում և մեծացել Այովայի Մարիոն քաղաքում[3]՝ ծնողների ձիաբուծական ռանչոյում[4]։ Նա դարձել է հմուտ հեծյալ, պատանեկան հասակից մասնակցել ձիասպորտի մրցումների[5]։

Երբ Ռայլին 15 տարեկան էր, Ամերիկյան արշավաձիերի ասոցիացիայի համաշխարհային երիտասարդական առաջնության ժամանակ զբաղեցրել է 4-րդ հորիզոնականը[5], իսկ 16 տարեկանում դարձել նույն մրցույթի հաղթող[3]։ Երբ Ռայլին 17 տարեկան էր, ընտրվել է 50 000 անդամ ունեցող Ամերիկյան արշավաձիերի երիտասարդական ասոցիացիայի նախագահ՝ դառնալով երիտասարդական ասոցիացիայի ամենաերիտասարդ ղեկավարը[3][6]։

1997 թվականին ավարտել է Ալբունեթի ավագ դպրոցը։ Սկզբնական շրջանում Ռայլին մտադիր էր իր բարձրագույն կրթությունը շարունակել ձիասպորտի ոլորտում[3][4], բայց Սիդար Ռեփիդսի Վեսթդեյլ մոլում «բացահայտվել» է տաղանդներ փնտրող սկաուտի կողմից[7]։ Ռայլին մեկնել է Նյու Յորք՝ մասնակցելու Մոդելների և տաղանդների միջազգային ասոցիացիայի համաժողովին[4]։ Այնտեղ նա պայմանագիր է կնքել Tommy Hilfiger ընկերության հետ՝ դառնալով ընկերության գովազդային դեմքը[4][8][9]։ Աշխատած գումարը նա օգտագործել է դերասանական դասընթացների մասնակցելու համար[3][10]։

Կարիերա[խմբագրել | խմբագրել կոդը]

Հեռուստատեսային աշխատանք[խմբագրել | խմբագրել կոդը]

Հիլֆիգերի նկարահանումներից երեք ամիս անց, Սմիթը մեկնել է Լոս Անջելես՝ մասնակցելու The WB Television Network-ի պիլոտային սերիալներից մեկի փորձնական նկարահանումներին[11][12], սակայն պիլոտային սերիան չգոհացրեց հեռուստատեսության ղեկավարությանը և այն եթեր դուրս չեկավ։ Հետագայում, նա մասնակցել է 8 փրայմ թայմ հեռուստասերիալների պիլոտային սերիաներին և երեք հեռուստասերիալներում մարմնավորել երկրորդական դերեր։

Սմիթը երկրորդական դերեր է մարմնավորել CBS«Նոր Ժաննա դ'Արկ», Fox«24» հեռուստասերիալի 3-րդ եթերաշրջանում՝ մարմնավորելով Քայլ Սինգերին[11], WB-ի «Հավերժական ամառ» և NBC-ի «Այլանդակները և խելագարները» հեռուստասերիալումներում։ 2007 թվականին նա նկարահանվել է նաև «Դռայվ» հեռուստասերիալում։ Սմիթը մարմնավորել է Դին Թելոնի դերը «Մոտոքրոս» ֆիլմում, որի արտադրությամբ զբաղվել է Disney Channel-ը։

2008 թվականին Սմիթը միացել է Կինոյի և հեռուստատեսության ակադեմիային՝ ստեղծելու առցանց կրթական հոլովակներ երեխաների և դեռահասների համար, որոնք հետաքրքրված էին կինոարտադրության ոլորտով[4]։ 2009 թվականին նա նկարահանվել է «Ոգիների հետ խոսողը» հեռուստասերիալի սերիաներից մեկում, որտեղ նկարահանվում էր նաև Ջենիֆեր Լավ Հյուիթը։ 2012-2013 թվականներին նկարահանվել է «90210» հեռուստասերիալի 7 սերիաներում՝ մարմնավորելով Ռայլի Ուոլեսին։

2014 թվականին Սմիթը նկարահանվել է HBO«Իրական արյուն» հեռուստասերիալում՝ մարմնավորելով Քեյթի դերը։ 2015 թվականին նա մարմնավորել է Մարկուս Քենի դերը՝ ABCՆեշվիլ երաժշտական հեռուստասերիալում, իսկ 2016 թվականին էլ CW-ի «Ռադիոալիք» հեռուստասերիալում՝ մարմնավորելով Ֆրենկ Սալիվանին։

Կինոարդյունաբերություն[խմբագրել | խմբագրել կոդը]

Սմիթը նկարահանվել է «Սարդերի հարձակումը», «Ոչ մանկական ֆիլմ», «Ռադիո», «Նյույորքյան րոպե», «Ձգտիր հաջողության» և Սանդենս կինոփառատոնի ժյուրիի գլխավոր մրցանակի նոմինանտ «Զինամթերք» ֆիլմերում[13]։

«Նյույորքյան րոպե» ֆիլմում Ռայլին և նրա խաղընկեր Ջարեդ Պադալեկին ընտրվել են գլխավոր դերասաններ Մերի-Քեյթ և Էշլի Օլսենների կողմից[11]։ Ջիմի դերը մարմնավորելուց հետո, սիրահարված լինելով Էշլիի կերպարին՝ Ջեյնին, խոստովանել է, որ չի կարողանում քույրերին միմյանցից տարբերակել[14]։

«Ռադիո» ֆիլմում Սմիթը մարմնավորել է Ջոնի Քլեյի դերը[7]։ Այդ դերի համար 2005 թվականին նա արժանացել է «CAMIE» մրցանակի[15]։

Ծանոթագրություններ[խմբագրել | խմբագրել կոդը]

  1. 1,0 1,1 German National Library, Berlin State Library, Bavarian State Library et al. Record #1013973585 // Gemeinsame Normdatei — 2012—2016.
  2. «Riley Smith»։ Hollywood.com։ Վերցված է January 24, 2017 
  3. 3,0 3,1 3,2 3,3 3,4 Rasdal Dave (February 6, 2001)։ «Marion's Riley Smith starting out strong in Hollywood»։ The Gazette (Cedar Rapids) 
  4. 4,0 4,1 4,2 4,3 4,4 McGlothlen John (March 14, 2008)։ «Actor from E. Iowa to create online educational series for youth interested in show biz»։ The Gazette (Cedar Rapids)։ Վերցված է January 12, 2011 
  5. 5,0 5,1 Lucas Marlene (August 26, 1993)։ «Riley Smith proves he's a winner»։ The Gazette (Cedar Rapids)։ Վերցված է January 13, 2011 
  6. Sauerberg George (February 1, 1996)։ «More than just competition»։ The Gazette (Cedar Rapids)։ Վերցված է January 13, 2011 
  7. 7,0 7,1 «Former E. Iowan Riley Smith relished 'Radio' role»։ The Gazette (Cedar Rapids)։ October 23, 2003։ Վերցված է January 12, 2011 
  8. Thomas Karen (February 5, 2004)։ «2004's letter-perfect men»։ USA Today։ Վերցված է January 13, 2011 
  9. «Riley Smith bio»։ filmreference.com։ Վերցված է January 12, 2011 
  10. «Riley Smith Biography»։ BuddyTV։ April 10, 2007։ Վերցված է January 13, 2011 
  11. 11,0 11,1 11,2 «Riley Smith – Biography»։ TVGuide.com։ Վերցված է January 25, 2017 
  12. Sterngold James (May 17, 1999)։ «For All the TV Pilots, There's Just Not Enough Youth to Go Around»։ The New York Times։ Վերցված է January 25, 2017 
  13. «Iowa native Smith adds music to his Hollywood repertoire»։ The Gazette (Cedar Rapids)։ July 26, 2007։ Վերցված է January 13, 2011 
  14. «Actor Reports No Worries With Olsens»։ The Vindicator (Google News Archive)։ May 9, 2004։ Վերցված է January 12, 2011 
  15. «The 2005 CAMIES»։ CAMIE Awards։ August 11, 2008։ Վերցված է January 12, 2011 

Արտաքին հղումներ[խմբագրել | խմբագրել կոդը]