Ներխա

Ներխա
Մունիցիպալիտետ
	Ներխա
	Nerja
Դրոշ	Զինանշան
	Կապիստրոնո ծովափը Ներխայում
Երկիր	Իսպանիա
Ինքնավար համայնք	Անդալուսիա
Նահանգ	Մալագա
Շրջան	Ակսարկիա Կոստա Դել Սոլ
Քաղաքապետ	Խոսե Ալբերտո Արմիխո
Մակերես	85 կմ²
ԲԾՄ	26 մ
Կլիմայի տեսակ	Միջերկրածովյան կլիմա
Բնակչություն	21957 մարդ (2010)
Տեղաբնականուն	Nerjeño, Nerjeña
Ժամային գոտի	UTC+1, ամառը UTC+2
Փոստային դասիչ	29780
Ավտոմոբիլային կոդ	MA
Պաշտոնական կայք	nerja.es
	Ներխա (Իսպանիա)
	Ներխա (Իսպանիա)
	Ներխա Վիքիպահեստում

Ներխա (իսպ.՝ Nerja), մունիցիպալիտետ Իսպանիայում։ Գտնվում է Մալագա պրովինցիայում՝ Անդալուսիա ինքնավար համայնքում^[1]։ Մունիցիպալիտետը գտնվում է Ակսարկիա Կոստա Դել Սոլ։ Զբաղեցնում է 85 կմ² մակերես։ Բնակչությունը կազմում է 21957 մարդ (2010 թվական)։ Վարչական կենտրոնից գտնվում է 50 կմ հեռավորության վրա։

Պատմություն

Քաղաքը կառուցվել է հռոմեացիների կողմից և անվանվել է Detunda։ VIII դարում այն հայտնվում է արաբների գերիշխանության տակ ևվերանվանվում է Narixa (թարգմանաբար նշանակում է «Փոթորկուն գարուն»),որից էլ հետագայում առաջացել է քաղաքի ժամանակակից անվանումը։ Արաբական տիրապետության շրջանում Ներխան հայտնի է եղել մետաքսի արտադրությամբ և գյուղատնտեսությամբ։ 1487 թվականին՝ Կաստիլիայի և Մալագայի թագավորների միջև կռվից հետո, քաղաքն անցնում է Կաստիլիայի տիրապետության տակ։ Բնակչության մեծամասնությունը կազմել են մորիսկները։

1812 թվականի մայիսին՝ Նապոլեոնյան պատերազմի տարիներին, այստեղ ֆրանսիացիների և անգլիացիների միջև պայքար է ծավալվում

Տեսարժան վայրեր

Ներխա մունիցիպալիտետը համարվում է Միջերկրական ծովի զբոսաշրջային վայր։ Ներխայի գլխավոր գեղատեսիլ վայրը «Եվրոպայի պատշգամբ» կոչվող տարածքն է, որտեղից կարելի է դիտել Միջերկրական ծովից բացվող տեսարանը։ Ներխայում կա նաև մի քարանձավ, որը համարվում է Կոստա դել Սոլի բնական հուշարձան, որտեղ ամեն տարի ամռանը կազմակերպվում է պարերի և երգերի միջազգային փառատոն։