Նաոմի Ամիր

Վիքիպեդիայից՝ ազատ հանրագիտարանից
Jump to navigation Jump to search
Picto infobox med.png
Նաոմի Ամիր
Ի ծնեՆաոմի Կասսան
Ծնվել է1931 հունվարի 23
ԾննդավայրՉիկագո, Իլինոյս,
Ամերիկայի Միացյալ Նահանգներ ԱՄՆ
Մահացել էհունվարի 4, 1995(1995-01-04) (տարիքը 63)
Մահվան վայրԵրուսաղեմ,
Իսրայել Իսրայել
ՔաղաքացիությունFlag of Israel.svg Իսրայել
ԿրթությունՆյու Յորքի համալսարանի բժշկական դպրոց
Երուսաղեմի հրեական համալսարան
ՄասնագիտությունՄանկական նյարդաբան
Ակտիվ շրջան1968-1995

Նաոմի Ամիր (եբր.՝ נעמי אמיר, հունվարի 23, 1931(1931-01-23)[1], Չիկագո, Իլինոյս, ԱՄՆ - հունվարի 4, 1995(1995-01-04)[1], Երուսաղեմ)[2], ամերիկացի-իսրայելացի մանկական նյարդաբան։ 1952 թվականին` Նյու Յորքի համալսարանի բժշկական դպրոցում մագիստրոսի որակավորում ստանալուց հետո, նա հաջորդ տարին իր օրդինատուրան շարունակել է Երուսաղեմի հրեական համալսարանի Հադասսա բժշկական կենտրոնում։ Ընտրելով մանկական նյարդաբանի մասնագիտացումը, որn այդ ժամանակ նոր մասնագիտություն էր Իսրայելում,1968 թվականին Բիկուր Խոլիմ հիվանդանոցում հիմնել է առաջին մանկական նյարդաբանական հիվանդանոցը։ Հետագայում նա ավելի է ընդարձակել հիվանդանոցի գործունեության դաշտը։ 1990 թվականին նա և իր անձնակազմը տեղափոխվել են Շաարե Զեդեկ բժշկական կենտրոն։ Նաոմի Ամիրը համարվում է «Իսրայելում ժամանակակից մանկական նյարդաբանության հիմնադիրը»[3][4]։

Վաղ կյանք և կրթություն[խմբագրել | խմբագրել կոդը]

Նաոմի Կասսանը ծնվել է Չիկագոյում, հրեա պաղեստինցի գաղթական Շալոմ Կասսանի և Եվա Դուշկինի ընտանիքում։ Եվա Դուշկինը Արևելյան Եվրոպայից գաղթականների ամերիկյան առաջին սերնդից է: Նաոմին ուներ մեկ ավագ քույր: Երբ նա չորս տարեկան էր, ընտանիքը տեղափոխվեց Պաղեստին, որտեղ հայրը դատավոր էր աշխատում մանդատային ենթակայության տակ գտնվող Պաղեստինի դատական համակարգում: Տասնութ ամիս անց նրա մայրը երեխաներին մեկ տարով հետ տարավ Միացյալ Նահանգներ՝ 1937 թվականին վերադառնալով Պաղեստին: Հաջորդ տարի մայրը երեխաների հետ մշտական բնակություն հաստատեց Նյու Յորքում:

Նաոմին ավարտեց Բրոնաքսի գիտության ավագ դպրոցը: Նա իր բակալավրի որակավորումը ստացել է Նյու Յորքի համալսարանում, իսկ բժշկագիտական աստիճանը՝ 1952 թվականին Նյու Յորքի համալսարանի բժշկական դպրոցում: Ցանկանալով ապրել Իսրայելում՝ 1953 թվականի սկզբին իր օրդինատուրան կազմակերպեց Երուսաղեմի հրեական համալսարանի Հադասսա բժշկական կենտրոնում։ Նա իր երկրորդ բժշկագիտական որակավորումը ստացել է Երուսաղեմի հրեական համալսարանում 1957 թվականին[5]:

Կարիերա[խմբագրել | խմբագրել կոդը]

Երբ Ամիրն ընտրեց մասնագիտանալ մանկական նյարդաբանության ոլորտում, այս ոլորտը Իսրայելում դեռևս ճանաչված չէր, և կին բժիշկները երկրում քիչ էին: Ամիրի ուսուցիչն է եղել Երուսաղեմի Բիկուր Խոլիմ հիվանդանոցի մանկաբուժության ամբիոնի հիմնադիր և բժիշկ Հելենա Կագանը, որը նրան առաջարկել է մանկաբուժության բաժանմունքից առանձնացված փոքրիկ սենյակն օգտագործել որպես նյարդաբանական կլինիկա:

Նախքան աշխատանքի անցնելը, Ամիրը երկու տարով վերադարձել է Նյու Յորք՝ կլինիկական կրթաթոշակ ստանալու Կոլումբիայի Պրեսբերտերյան բժշկական կենտրոնում գտնվող նյարդաբանական ինստիտուտում: 1968 թվականին նա վերադարձել է Իսրայել՝ Բիկուր Խոլիմի հիվանդանոցում հիմնելու երկրում առաջին մանկական նյարդաբանական վերականգնողական ցերեկային խնամքի կենտրոնը[3]: Այս կենտրոնն առաջարկում էր ինչպես ստացիոնար, այնպես էլ ամբուլատոր ծառայություններ, որտեղ կար նաև վերականգնողական մանկապարտեզ, որտեղ Ամիրն ու իր թիմն կարող էին երկարաժամկետ բուժում տալ երեխաներին[4]: 1979 թվականին Ամիրն ընդլայնեց կենտրոնը՝ դարձնելով լիարժեք սպասարկման ախտորոշման, գնահատման և միջամտության ցերեկային կենտրոն: Գործունեության առաջին վեց տարում ցերեկային հիվանդանոցում բուժվել է ավելի քան 1000 երեխա[6]: 1984 թվականին երեխաների համար քնելու կլինիկա է տեղակայվել:

1990 թվականին Ամիրն ու իր 7 հոգուց բաղկացած թիմը տեղափոխվել են Շաարե Զեդեկ բժշկական կենտրոն, որը մի ամբողջ մասնաշենք է տրամադրել իր ցերեկային հիվանդանոցին: 2009 թվականին վերականգնողական մանկապարտեզը տեղափոխվել է բժշկական կենտրոնին հարող իր սեփական հաստատություն: Մանկապարտեզն ընդունել է մոտավորապես 70 երեխա՝ 3-ից մինչև 7 տարեկան, որոնց կեսը, ի վերջո, ընդունվոել են կանոնավոր դպրոցներ[7]:

Ամիրը նաև աշխատել է Երուսաղեմի Հին քաղաքի Սպաֆորդի կլինիկայում ՝ բուժելով մահմեդական երեխաներին և Ձիթենյաց լեռան վրա գտնվող Մուկասեդ հիվանդանոցում: Արաբական գյուղերում նա ստեղծել է նյարդաբանության մի շարք արբանյակային կլինիկաներ[3]:

Հետազոտական հետաքրքրություններ[խմբագրել | խմբագրել կոդը]

Ամիրը համահեղինակել է երկու գիրք, ինչպես նաև գործընկերներիի հետ հեղինակել են բազմաթիվ հոդվածներ: Նրա հետազոտության հետաքրքրությունները ներառում են կոգնատիվ զարգացումը, էպիլեպսիան, նեյրոմետաբոլիկ խանգարումները, աֆազիան և զարգացման խանգարումները[5]:

Ամիրը միացել է Երուսաղեմի հրեական համալսարանի աշխատակազմին 1974 թվականին՝ որպես դասախոս: Նա դարձել է կլինիկայի ավագ դասախոս 1983 թվականին, իսկ կլինիկայի դոցենտ՝ 1993 թվականին[5]:

Մրցանակներ[խմբագրել | խմբագրել կոդը]

1989 թվականին ստացել է Իսրայելի կանանց նվաճումների մրցանակը:

Անձնական կյանք[խմբագրել | խմբագրել կոդը]

Նաոմին ամուսնացել է Շլոմո Ամիրի հետ 1955 թվականի մարտին: Նրանք ունեին երկու որդի և մեկ դուստր: Նաոմին մահացել է քաղցկեղից 1995 թվականի հունվարի 4-ին:

Ծանոթագրություններ[խմբագրել | խմբագրել կոդը]

  1. 1,0 1,1 1,2 Bibliothèque nationale de France идентификатор BNF (фр.): տվյալների բաց շտեմարան — 2011.
  2. Moore Deborah Dash (March 1, 2009)։ «Naomi Amir»։ Jewish Women: A Comprehensive Historical Encyclopedia։ Jewish Women's Archive։ Վերցված է December 10, 2016 
  3. 3,0 3,1 3,2 Rapin Isabelle (July 8, 2007)։ «The International Child Neurology Association: The first 25 years»։ International Child Neurology Association Website 21 (1): 3–15։ PMID 10082246։ doi:10.1016/s0387-7604(98)00087-4։ Վերցված է December 10, 2016 
  4. 4,0 4,1 Harel Shaul (2000)։ «Pediatric Neurology in Israel»։ Journal of Child Neurology 15 (10): 688–689։ PMID 11063083։ doi:10.1177/088307380001501008 
  5. 5,0 5,1 5,2 «Naomi Amir, Clinic Assoc. Professor in Pediatrics»։ Hebrew University of Jerusalem։ Վերցված է December 10, 2016 
  6. «Behind the Headlines: A Unique Sleep Clinic in Israel»։ Jewish Telegraphic Agency։ September 25, 1985։ Վերցված է December 10, 2016 
  7. Livneh Idit (January 2, 2009)։ «מרכז להתערבות מוקדמת» [Early Intervention Center]։ Maariv (Hebrew)։ Վերցված է December 11, 2016