Հելենա Կագան

Վիքիպեդիայից՝ ազատ հանրագիտարանից
Jump to navigation Jump to search
Picto infobox med.png
Հելենա Կագան
Հելենա Կագան.png
Ծնվել էսեպտեմբերի 25, 1889(1889-09-25)
ԾննդավայրՏաշքենդ, Turkestan General Governorate, Ռուսական կայսրություն
Մահացել էօգոստոսի 22, 1978(1978-08-22)[1] (88 տարեկանում)
Մահվան վայրԵրուսաղեմ, Իսրայել
ՔաղաքացիությունFlag of Uzbekistan.svg Ուզբեկստան
Flag of Israel.svg Իսրայել
Մասնագիտությունբժիշկ և ակտիվիստ
ԿուսակցությունԸնդհանուր սիոնիստների կուսակցություն
ՊարգևներԻսրայելի մրցանակ

Հելենա Կագան (եբր.՝ הלנה כגן‎, սեպտեմբերի 25, 1889(1889-09-25), Տաշքենդ, Turkestan General Governorate, Ռուսական կայսրություն - օգոստոսի 22, 1978(1978-08-22)[1], Երուսաղեմ, Իսրայել), բժիշկ, մանկաբուժության ռահվիրա Իսրայելում, ակտիվ գործունեություն է ծավալել Երուսաղեմում: Պատասխանատու է եղել Իսրայելում առողջապահության խթանման համար: Աշխատել է Հադասսա կազմակերպության հովանու ներքո, բուժել տեղի երեխաներին անկախ իրենց ծնողների կրոնական պատկանելությունից:

Կենսագրություն[խմբագրել | խմբագրել կոդը]

Հելենա Կագանը ծնվել է Տաշքենդում, Ուզբեկստան[2] հրեա ամուսիններ Մոշե և Միրիամ Կագանների ընտանիքում: Նրանք ունեին նաև մեկ որդի՝ Նոախը[3]: Հելենայի հայրն ինժեներ էր, և երբ նա հրաժարվեց քրիստոնեություն ընդունել, կորցրեց աշխատանքը: Ծնողները կարողացան վճարել Հելենայի և նրա եղբոր կրության վճարը, և նրանք դպրոցն ավարտեցին 1905 թվականին[4]:

Կագանը դաշնամուրի դասեր է առել Բեռնի կոնսերվատորիայում[3], բժշկություն ուսանել է Բեռնի համալսարանում[4][5], որն ավարտել է 1910 թվականին և Բեռնում մասնագիտացել մանկաբուժության բնագավառում:

1936 թվականին Կագանն ամուսնացել է Բուդապեշտի լարային քառյակի անդամ, ջութակահար Էմիլ Հաուսերի հետ և հիմնադրել է Երուսաղեմում Պաղեստինի երաժշտական ակադեմիան: Կագանը երեխաներ չի ունեցել: Մահացել է 1978 թվականի օգոստոսի 22-ին[3]:

Բժշկական գործունեություն[խմբագրել | խմբագրել կոդը]

Հելենա Կագանի տունը, Մարգարեների փողոց, Երուսաղեմ

1914 թվականի գարնանը Կագանը տեղափոխվել է Երուսաղեմ: Բժշկական գործունեություն իրականացնելու համար չի կարողացել լիցենզիա ստանալ և որոշել է տնային կլինիկա բացել և դասավանդել երիտասարդ արաբ և հրեա կանանց, վերապատրաստելով նրանց որպես բուժքույր և մանկաբարձ[4]:

1916 թվականին, երբ վերջին երկու տղամարդ բժիշկները քաղաքից հեռացան[6] Օսմանյան իշխանությունների կողմից, Կագանը վճռական դեր խաղաց խոլերայի համաճարակի օրերին և նրան շնորհվեց պատվավոր լիցենզիա, որից հետո նա սկսեց աշխատել մանկական հիվանդանոցում՝ դառնալով երկրում առաջին մանկաբույժը[7] և միակ կին մանկաբույժը Օսմանյան Կայսրությունում[2]: Մինչև 1925 թվականը եղել է հիվանդանոցի մանկական բաժանմունքի վարիչ[4], այնուհետև Երուսաղեմի հին քաղաքում աշխատել Նորածին արաբ երեխաների տանը և մինչև 1948 թվականը ղեկավարել այդ կենտրոնը[5]: Հելենա Կագանը Histadrut Nashim Ivriot (Հրեա կանանց կազմակերպություն) հիմնադիրներից մեկն է, որը դարձավ Կանանց միջազգային սիոնիստական կազմակերպության տեղական բաժանմունք:

1927 թվականին Կագանը հիմնադրել է Իսրայելի մանկաբուժության ասոցիացիան[5]: Նույն տարում նա անօթևան երեխաների համար ապաստան է բացել, իսկ աշխատող մայրերի համար՝ առողջապահական կենտրոն Երուսաղեմի հին քաղաքում[4]: 1936 թվականին Բիկուր Խոլիմ հիվանդանոցում հիմնադրել է մանկաբուժության բաժինը և մինչև 1975 թվականը ղեկավարել այն: 1947 թվականին ընտրվել է Երուսաղեմի հրեական համալսարանի հոգաբարձուների խորհրդի անդամ, 1965 թվականին դառնալով կին փոխնագահը[3]:

Մրցանակներ և ճանաչում[խմբագրել | խմբագրել կոդը]

1975 թվականին Կագանն արժանացել է Իսրայելի մրցանակին[2] հասարակության և պետության համար համայնքային ծառայության ներդրման համար[8]: 1962 և 1968 թվականներին Բիկուր Խոլիմ հիվանդանոցի մանկաբուժության բաժինը և Երուսաղեմի Կատամոն հրեական թաղամասի համայնքային կենտրոնը անվանվել են Հելենա Կագանի անունով[9]: Կյանքի վերջին տարիներին Կագանը եղել է Իսրայելի առողջապահության նախարարության խորհրդատու, մանկական խորհրդատվական աշխատանք իրականացրել տանից:

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]